مصر موتورز مجتمع السيارات - الخائفون من شراء اللوجان

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

- - الخائفون من شراء اللوجان (https://www.masrmotors.com/vb/showthread.php?t=96966)

رد: الخائفون من شراء اللوجان

اقتباس:

المشاركة الأصلية كتبت بواسطة أشرف المصري (المشاركة 758470)

خايفين من اسعار قطع الغيار مليون مرة بقول ان اسعار قطع غيار اللوجان موجودة بره التوكيل ولو قارنتها باسعار قطع غيار سيارات نفس الفئة هتلاقي الفرق مش كبير
خايفين من انهم ميعرفوش يصلحوا اللوجان الا في التوكيل يعني لو من الاقاليم لازم يسافر القاهرة عشان يصلح اي اعطال او عشان يعمل الصيانة الدورية يا راجل حرام عليك
ف فروع صيانة كتيرة جدا منتشرة في المحافظات وفي فرع في اسيوط كمان يعني جنبي واتصل بالتوكيل واتاكد بنفسك
خايفين من ندرة الكهربائية والميكانيكية اللى يعرفوا يشتغلوا في العربية ومش يبوظوها اكترهيا اصلا بسيطة ميكانيكيا ومش معقدة زي الميجان

وتقبل تحياتي ..

رد: الخائفون من شراء اللوجان

انا اتصلت بالتوكيل وقال ان مفيش في الشرقية مراكز صيانة للرينو وقال اقرب فرع لك اللى على طريق المنصورة المحلة

رد: الخائفون من شراء اللوجان

اعتقد ان الصيانه الدويه تقيك شر ىلىعطال المفاجءه

رد: الخائفون من شراء اللوجان

اقتباس:

المشاركة الأصلية كتبت بواسطة amor777 (المشاركة 755807)

يا جماعة بجد حرام عليكوا انا رحت من كام يوم سمير ريان وكبت الاتنين ركبت الفيرنا وركبت اللوجان فرق رهيييييب بين الاتنين الفيرنا تحس ان الصالون والتقفيل بتاع التابلوه معفن وخاماته تقرف بس اللوجان حاجه تانيه فعلا تحس انها بجد فخممممه قوي والي بيقول قطع الغيار غالية انا بقوله الغالي تمنه فيه يعني انت بتجيب قطعة الغيار وتنساها مش زي الفيرنا واللانوس تجيب قطعة الغيار وومكن تغيرها بعد شهر انا خلاص نويت اروح احجز اللوجان مانيوال وده بعد اقتناع شديييييد جدا بامانة هيه احسن عربية في فئتها السعرية مش اروح اجيب عربية عشان قطع غيارها رخيصة :fun_36_6_2[1]:

على فكرة اقتصاديا قطع غيار اللوجان مش غالية لان القطع دى اصلية وفى التوكيل ولو اى واحد راح يجيب مقص او مساعد او سربنتيرة تكييف او ريداتير من التوكيل للفيرنا او اللانوس هيلاقيه قريب خالص من اللوجان
لكن الواحد يشترى مقص للفيرنا مصنوع تحت السلم ب 120 جنيه ويفرح بيه وبعد شهرين يروح يغيروا وهكذا

رد: الخائفون من شراء اللوجان

لاحظت حاجة عند معظم اللوجانوية
وهى كم الموضوعات الدعائية الرهيبة لهذه السيارة على الرغم من عدم انتشارها بصورة كبيرة
وفى نفس الوقت الهجوم على اى سيارة كورية او صينية فى نفس فئتها
ولو حد اتكلم نص كلمة عنها اكنه غلط فى الذات الملكية
وكل ده ويا ريتها عربية فرنساوى دى داتشيا وواخدة علامة الرينو يعنى قطع غيارها رومانية الصنع مصنعة فى مصانع داتشيا ومتقفلة فى المغرب يعنى :01964E~163:

رد: الخائفون من شراء اللوجان

اعصابك يا تونسي :fun_36_3_16[1]:ههههههه الفيرنا زي الفل والله كفايه متورها وقطع غيار ببلاش
واللوجان حلوه برضه وزي الفل وقطع غيار معمره
لولا اختلاف الازواق لبارت السلع :fun_36_3_16[1]:

رد: الخائفون من شراء اللوجان

اقتباس:

المشاركة الأصلية كتبت بواسطة أشرف المصري (المشاركة 758650)

انا اتصلت بالتوكيل وقال ان مفيش في الشرقية مراكز صيانة للرينو وقال اقرب فرع لك اللى على طريق المنصورة المحلة

طب وهوامشورا عليك ولا حاجة يعني بعيد عنك اوي ولا ايه ؟؟

اقتباس:

اعتقد ان الصيانه الدويه تقيك شر ىلىعطال المفاجءه

كلام زي الفل الله ينور عليك

اقتباس:

انتا راجل عسل وبتقول كلام زي الفل الله يخليك

اقتباس:

بص يا تونسي باشا
اولا انا مبهاجمش السيارات الصينية والكورية انا بقول عيوبها بكل امانة وفي نفس الوقت مش بهاجم اي حد بينتقد اللوجان انا برد عليه وبقنعه ان العيوب دي مش موجودة في اللوجان وان كانت موجودة في اللوجان اكون معترف بذلك
اما بخصوص موضوع رينو وداشيا والمغرب والكلام دا كله ميهمنيش
طول ما انا راكب عربية نضيفة ومحترمة وكويسة يبقا تمام مليش دعوة صيني كوري روماني المهم انها تكون عربية ممتازة
وثانيا فيها ايه لما تكون اللوجان متقفلة في المغرب ؟؟
طب ما الفيرنا واللانوس متقفلين في مصر
وعلى فكرة اللوجان منتشرة جدا في مصر وانزل اتمشى نص ساعة في الشارع وشوف بنفسك مع العلم انها مكملتش 4 سنين في السوق يعني لسا هتنتشر اكتر
وعموما لو ليك راي قوله عادي في الموضوع دا
ومتزعلش ياباشا

اقتباس:

كلام زي الفل تقبل تحياتي