|
رد: خليك صفيق وانتخب شفيق !!
يا اغلى اسم فى الوجود ربع شعبك اختار فلول
كل العالم وقت الثورة قالوا شبابك دوله رجال ولا همهم الاعتقال وشالوا نظام كان بركان وساب السلطه فى ايد العسكروبعد مرور وقت قصير الاعلام بدون ضمير قال بلطجة مش ثوار اضرب اضرب فيهم نار وقالوا شفيق هو التعديل هو الامل والتغير ضحكوا عليك يا شعب النيل دولا فلول ودول اخوان سرقوا الثورة من الشبان والفلول دول كتير كله خايف من التغير كله يبيع كله يخون كله يعلم على الفلول اصحى يا اخويا وبطل نوم نفسى نشوف مصر الشابة ده اخر لحظة فى عمر الثورة اوعى ترجع حكم العسكر ده ثورتنا كانت سلمية وبكره حيكمنا الحرامية والمطار لسه موجد قولوا يسقط الفلول اوعى يا شفشق يجيلك نوم شعبك اصله شعب جسور كله حيضرب شفشق ضربة اصل هواه جاه على الصرمة ولسة جزامنا لسه كتيرة فوق دماغة راح نرميها ياله ياشفشق زور تانى بكره حتيجى برده نهايتك لما تبان على حقيقتك هى الثورة حتيجى فى يوم نقضى فيها على الفلول ويصحى اخويا من النوم |
رد: خليك صفيق وانتخب شفيق !!
اقتباس:
أنا هبدأ معاك من آخر كلامك ..وهو انك كنت متعصب لما قلت الكلام ده .. وانا شخصيا أعذرك على هذا (رغم ان العصبية ليست مبرر للغلط ) .. وأحب اقول لك هو مين فى مصر لم يحزن ويتجنن ويتعصب لما سمع نتيجة الانتخابات الرئاسية ..بمعنى احنا كلنا معزورين.. ثانيا : انا مش معاك فى انك تقاطع الأعادة.. روح وحط صوتك مهما كان..بس للأمانه عاوزك تحط نفسك مكانى لما تيجى تحط صوتك ..انا سمعت احدى امهات شهداء الثورة تقول حسبى الله ونعم الوكيل فى كل واحد ادى صوته لشفيق ..انا شخصيا لا استطيع ان اتحمل هذا الدعاء........... وتقبل تحياتى... |
رد: خليك صفيق وانتخب شفيق !!
انا حاليا في دوامه فكريه..؟
هل اقاطع انتخابات الاعاده؟ وخايف من حساب ربنا لانها امانه... ولو روحت هابقي بادلي بصوتي تحصيل حاصل لعدم اقتناعي بالاخوان:shyy: |
رد: خليك صفيق وانتخب شفيق !!
اقتباس:
شوف انت بتنتخب بين اثنين ..واحد منهم(شفيق) أكيد حرامى لا يعترف بالثورة، وناوى يرجع الدوله البوليسية الأمنية (حسب كلامه)مرة تانية ،أى تختلف معاه جنائيا !!.. والثانى(مرسى) اكيد مش حرامى..بيخاف من ربنا ..استغل الثورة نحو مكاسب للجماعة ..ممكن يكون زى الزفت .. أى تختلف معاه فكريا !! طيب تنتخب واحد تختلف معاه جنائيا!! ولا تنتخب واحد تختلف معاه فكريا؟؟؟؟ |
التلميذ شفيق ..والأستاذ مبارك
انا هانقل لكم الحكاية دى وانتم تحكموا..
الطيار المصري الكابتن علي مراد الذي رفض تفتيش القوات الإسرائيلية لطائرة "مصر للطيران" التي كان يقودها بمطار غزة عام 2000 رفض مراد للتفتيش كان مرده إلى أن الطائرة تتمتع بالسيادة المصرية، فتعرض للفصل من عمله بتعليمات مباشرة من الرئيس المخلوع حسني مبارك(الأستاذ) بتهمة "الإساءة للعلاقات المصرية الإسرائيلية"!!!!!!. بقى الكابتن مراد محروما من الطيران السنوات الـ11 الأخيرة من حكم مبارك بسبب رفض رئيس الوزراء وزير الطيران السابق أحمد شفيق(التلميذ) تنفيذ 15 حكما قضائيا لصالحه، منها ثلاثة أحكام نهائية واجبة النفاذ كل الأحكام تقضي بعودة مراد إلى العمل وصرف مستحقاته، لكن شفيق(التلميذ المخلص) لم يكتف بعدم تنفيذها وتركه دون راتب أو معاش، بل رفض تجديد رخصة طيرانه حتى لا يعمل بها في مكان آخر!!!!. الامتناع عن تنفيذ حكم قضائى عقوبته السجن. شفيق مكانه زنزانة وليس قصر الرئاسة. هل يمكن لمثل هذا الشفيق ان يكون راعيا لسيادة القانون ولسيادة الاراضى المصرية وقائما على العدالة فى بلاد خالف فيها كل هذا؟ من العار ان تنتخب شفيق....... فوقوا بقى الله يهديكم............. |
| الساعة الآن 07:52 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017