مصر موتورز مجتمع السيارات - جهاز مصرى للتحكم فى السيارة او الفسبا عن طريق الموبايل من شركة حماية

اقتباس:

المشاركة الأصلية كتبت بواسطة hotmail (المشاركة 882877)

السلام عليكم
انا بشكر حضرتك انك اتكلمت على تجربتك مع جهاز حمايه
انا كنت فاتح موضوع مناقشه فنيه حول هذا الجهاز من اكتر من 4 شهور وللاسف الاخ المعلن لم يجاوبنى على سؤال واحد باجابه شافيه وقعد يشكك فى كلامى ويدعى ان انا بسىء لسمعة جهازه وكلام من هذا القبيل ونسأل الله انه مايعملش كده مع حضرتك انا فعلا زرت احد موزعى الجهاز ده لانى كنت عايز اركب جهاز لعربيتى ولما رحت عندهم لقيت مقابله فى منتهى التبلد وعدم التقدير وكأنهم هايركبولى قمر صناعى فى عربيتى قولت وماله ركب الجهاز وامن عربيتك وامشى لاكن تعالى بقى اسأل الجهاز بيعمل ايه زى ماحضرتك ذكرت كده بالضبط ليس اكثر من ذلك ولما سألت على كل الامكانيات اللى فى الاعلانات بتاعت الشركه قالى اى امكانيه عايز تضيفها هاتزود تمن الجهاز 50 جنيه وهما كاتبين اكتر من 23 امكانيه فتخيل بقى الجهاز هايبقى بكام وكمان الامكانيات اللى العميل هايطلبها مش جاهزه دا هما هايحضرولك الجهاز وفى يوم تانى تبقى تركبه علاوه على ان تقفيل الجهاز الخارجى سىء جدا

نيجى بقى لاستعمال الجهاز وده شىء فى منتهى الصعوبه

علشان تعطل العربيه تبعت كود مكون من مجموعة ارقام وعلشان ترجع تشغل العربيه تبعت كود تانى مكون من مجموعة ارقام مختلفه قيس على كده جميع امكانيات الجهاز فلو عندى عشر امكانيات بس المفروض انى اكون حافظ عشرين كود على موبايلى طيب لو موبايلى ضاع او حصل فيه اى عطل يبقى صعب عليا استعمل الجهاز او لازم يكون معايا ورقه كاتب فيها كل الاكواد دى وده شىء صعب جدا وقصور فنى فى تصميم الجهاز
وعلى ما اعتقد ان الجهاز مافيهوش اى امكانيات تانيه غير انه يعطل العربيه وباقى الكلام مش صحيح لانه لو الامكانيات دى كلها موجوده فى الجهاز فمن باب اولى انها تكون كلها متاحه مش كل ما اعوز امكانيه يقولى اضفهالك

اما انا فبعد المرار اللى انا شوفته مع الشركه دى دورت على جهاز تانى فا لقيت جهاز احسن بكتير فى الشكل والجوده والامكانيات وحسن المعامله من الشركه اللى انا اتعاملت معاها وركبته من اكتر من شهر والجهاز الحمد لله كويس جدا ومأمن العربيه بنسبه كبيره جداوسعره شامل التركيب 675 جنيه ومعاه جميع مشتملاته وكل الامكانيات المشروحه من الشركه هيه اللى انا استلمتها وجربتها قبل ما اتحرك بعربيتى من عندهم بدون اى زياده فى الاسعار ولو حبيت استفسر عن اى حاجه الناس بيردو عليا بمنتهى الذوق والاحترام وبلاقى اجابات لكل اسئلتى و بتكون اجابات مقنعه جدا

معلش انا طولت شويه لكن حبيت اوصف تجربتى وعذابى مع شركة حمايه وتجربتى وحسن المعامله مع الشركه التانيه
وعلى العموم الشركه دى فى اسكندريه والجهاز مصرى مش مستورد واى حد يفخر بانه اشتراه ولله الامر من قبل ومن بعد اللهم انى بلغت اللهم فاشهد

اولا كلام حضرتك كله كدب لان الجهاز سعره واحد حتا لو بيعمل مليون امكانية ومع 2 ريموت + ضمان سنة والكود بتكون من رقمين وممكن ايقاف السيارة او تشغلها عن طريق الريموت او التليفون والتعامل مع الجهاز زى التعامل مع اى جهاز موبيل

وعمتا مبروك عليك الجهاز ابو 675

ولكل اعضاء المنتدى انتظرو الجديد من شركة حماية ستكون مفاجة للعالم كلة لثبت العقل المصرى الذى يبنى مصر من شباب لا ينكسر من الحاقدين:fun_broken: