مصر موتورز مجتمع السيارات - هو لية سيارة الاتوماتيك بتكون اسرع من سيارة المانيوال

مصر موتورز مجتمع السيارات (https://www.masrmotors.com/vb/index.php)

- المنتدى التعليمى والمكتبة الفنية (https://www.masrmotors.com/vb/forumdisplay.php?f=158)

رد: هو لية سيارة الاتوماتيك بتكون اسرع من سيارة المانيوال

اقتباس:

المشاركة الأصلية كتبت بواسطة حسام البورسعيدى (المشاركة 412248)

يا عم احمد الراجل بيهرج معاك متزعلش اوى كده يعنى 444546

ممكن بس بعد اذنك اوضحلك حاجة يا كبير ...

فى فرق كبير ما بين العزم والقوة الحصانية ...

بمعنى ..

العزم : هو بالبلدى كده القوة الخام اللى بيطلعها الموتور من خلال لفة عمود الكرنك .. تمام ؟؟

طيب العزم لزمته ايه ؟؟؟

العزم مهم جدا فى تسارع العربية من الثبات .. وكمان كل ما يزيد عزم الموتور كل ما تقدر العربية على تحميل او سحب اوزان اكتر ...

اقصى عزم لمعظم العربيات العادية غالبا بيخرج ما بين 2500 RPM و 3500 RPM تقريبا .. وعمره ما يطلع عند 6000 RPM ابدا يا كبير ...

العزم غالبا بيتقاس بوحده نيوتن / متر ..

اما القوة الحصانية بقى يا عم احمد باشا .. هى علاقة بين عزم الموتور وعدد لفاته ..

و بنستفيد من القوة الحصانية فى السرعات العالية .. يعنى اللى بيحدد اقصى سرعة للعربية هى القوة الحصانية ...

وعلشان نبقى بنتكلم على اساس علمى .. نقدر نحسب القوة الحصانية من الحسبة دى ..

قدرة الموتور (الحصانية) تساوى اقصى عزم للموتور X عدد اللفات اللى بيخرج عندها اقصى عزم .. والناتج يتقسم على 5252 ...تمام ..

واقصى قدرة حصانية للعربيات العادية بتاعتنا غالبا ما بتخرج ما بين 5500 RPM و 6000 RPM ....

وطبعا زى ما انت عارف ان قدرة الموتور غالبا بتتقاس بوحدة الحصان ..

بس يا كبير .. حبيت بس اوضحلك النقطة دى لان كتير مننا بيتلخبط ما بين العزم و القوة الحصانية ..

اكيد يا كبير انتا قصدك بتنقل من التالت للرابع عند 110 زى ما بتقول ..

بس على 110 على الغيار التالت هيكون الـ RPM معاك فى حدود 5500 مش 4500 مش كده يا عمنا ...

بس سيبك انتا .. بصراحة انتا شوقتنى انى اركب الانجلون بتاعتك دى من كلامك عنها 444546 .. ربنا يباركلك فيها ويكفيك شرها وشر الطريق دايما يا رب ...

حبيب هارتى GIFT4U ...

تسلم ياحسام يا حبيبي بس انت مش فاهمني انا تصميم محرك عربيتي بيطلق القوي الحصانيه القصوي له عند 6000 لفه وقصي عزم عند 5000 لفه يعني اقصي تسارع عند 6000 لفه مش زي الكوري بيبقي من 3000 الي 4000 لفه محرك عربيتي cvvt يعطي يبعطي قدره اكبر من المحركات العاديه نهايه عدادي 260 والعربيه تقدر تقفله بسهوله وعملتها مره واحده بس وكلامي حتفهمه اكتر من موقع الشركه وتسلم يا غالي علي زوقك

رد: هو لية سيارة الاتوماتيك بتكون اسرع من سيارة المانيوال

اقتباس:

المشاركة الأصلية كتبت بواسطة ahmedromance (المشاركة 412378)

انت فهمتني غلط خالص انا بتكلم جد مش هزار انا اقصد من كلامي ان عربيتك علي قدها مش اكتر انت فهمت حاجة تانية خالص واللي بقولهولك عن عربيتي ده بجد برضو

عربيه مين اللي علي قدها شكلك لسه ماصحيتش من النوم طس وشك بشويه مياه وفوق كده وراجع مشاركتك كويس ياعم بص عالستروين بتاعتك ال 109 حصان :crazyW14::crazyW14:ههههه هههههه وبعدين اتكلم

رد: هو لية سيارة الاتوماتيك بتكون اسرع من سيارة المانيوال

السلام عيكم
المانيوال اسرع لانه انت الي بتتحكم بالغيار..فبيسمحلك انك تحرق على الغيار لغايه لما تاخد عزمه كله قبل ما تغير
لكن الاتوماتك بينقل بناء على ال ار بي ام وبناء على طبيعه الدوسه على بدال البنزين
لكن في الاخر الاتوماتك تسارعه مش بيكون زي المانيوال ابدا
وال MAX. sPEEDفي الاتو اقل من المانيوا (وده على حسب حاله الفتيس)

وفي الاخر.....العمر الافتراضي للفتيس الامانيوال اضعاف الاتو...بينما عمر المحرك على الفتيس الاتو ضعف عمره على المانيوال

يا رب اكون اضفت جديد...

رد: هو لية سيارة الاتوماتيك بتكون اسرع من سيارة المانيوال

يا جماعة محدش سأل نفسه ليه عربيات السباقات و الرالى مانيوال مش إوتوماتيك؟

رد: هو لية سيارة الاتوماتيك بتكون اسرع من سيارة المانيوال

طول عمرى اعرف ان المانيوال هو اللى اسرع
وعموما متابعة ان شاء الله