المشاركة الأصلية كتبت بواسطة mautaz mouhamed (المشاركة 314195)

و طبعا هتقد تاكل معايه هو انا مش عارفك444546

المشاركة الأصلية كتبت بواسطة Limoway (المشاركة 315099)

مشكور علي الموضوع

حبيت أضيف حتتين عالماشي كده

أولا الصور في الموضوع الأصلي لأكورد كوبيه
وهي غير منتشرة وشكلها أقل جمالا من السيدان من الخلف

وهذه هي صور السيدان

ملف مرفق 7578

ملف مرفق 7579

ملف مرفق 7580

طبعا لو عقدنا المقارنة بين الثلاث سيارات (أكورد - سوناتا - ليجاسي ) تتفوق الأكورد بمراحل (طبعا الأكورد أغلاهم سعرا)

الأكورد فعلا سيارة يابانية بفخامة السيارات الألمانية والمواد المستخدمة داخليا وخارجيا من أفضل المواد المستخدمة بسيارة يابانية علي الإطلاق (بعيدا عن ال ليجزس)

الحتة الثانية:

الفئة ذات الست سلندرات بها تكنولوجيا جديدة (تقنية إدارة الأسطوانات المتغيرة) تجعلها لا تعمل دائما كست سلندرات

بل تطفئ بعض السلندرات حسب ظروف القيادة لتوفير الوقود

وهذا الرابط يوضح هذه الخاصية.
http://honda-saudiarabia.com/arabic/accord/performance/performance1.html

المشاركة الأصلية كتبت بواسطة magd131 (المشاركة 315166)

احمد باشا ايه الشغل العالي ده بجد الله ينور عليك ROSE4UROSE4U

المشاركة الأصلية كتبت بواسطة Limoway (المشاركة 315233)

كلامك صحيح يا باشا الأكورد فئة مختلفة عن ال بي إم 3 والمرسيدس C
المفروض إن البي إم والمرسيدس تنتمي للسيارات الصغيرة الفاخرة
والأكورد متوسطة الحجم إقتصادية

ولكن أكاد أجزم أن فخامة الأكورد تكاد تكون منافسة لل 3 وال C

طيب إيه رأيك في المقارنة بين شكل وخامات البي إم ال 5 وال 7 بالمقارنة ب E و S

أنا شايف إن البي إم سبقت مرسيدس بخطوات في التصميمات وجودة الخامات المستخدمة (ده لو ماكنتش سابقاها طول عمرها - شوف المرسيدس موديلات 1998 وموديلات بي إم نفس السنة)

أنا متفق معاك 100% إن المرسيدس وخصوصا E المواد الداخلية المستخدمة والتصميم الداخلي محبط جدا جدا جدا بالنسبة لثمنها وعراقتها.
كمان التصميم الخارجي الخلفي مش ظابط قوي (مش حاسس بجودة التقفيل الألماني الخلفي أسفل السيارة)

في حين إن البي إم الفئة الخامسة الجديدة روعة روعة روعة
من بره ومن جوه ومن الجنب ومن فوق وتحت

مزيكا مزيكا مزيكا

لو ربنا وسع عليا هجيب بي إم فئة خامسة حتي لو كان معايا تمن الفئة السابعة أو S

طبعا بكرر كل تعليقاتي من النواحي الشكلية فقط.

المشاركة الأصلية كتبت بواسطة bmkbmk (المشاركة 317054)

بص يا باشا بالنسبة للمقارنة بين بى ام و مرسيدس بالنسبة للتصميمات و الخامات
بالنسبة لل إى كلاس و الفئة الخامسة انا معاك ان فى الجيل الجديدمن الاتنين البى ام متفوقة و بجدارة مع ان الفئة الخامسة من بى ام فقدت هويتها تماما بالنسبة للتصميم و هى ليست فى تميز سابقتها التى كانت ثورة حقيقية و تتعرف من وسط الف .. الجديدة كليا 2011 للأسف ماتعرفش و هى ماشية فى الشارع اذا كانت الفئة الخامسة و لا السابعة و لا حتى التالتة ,,, شكلها بقى مكس غريب بين التلاتة و دى النقطة اللى انا واخدها على المصمم .. اما المرسيدس فما زالت محافظة على هويتها ... بالنسبة للفخامة الداخلة زى ما قلت لك يا با البى ام تتفوق...

أما بالنسبة للإس كلاس و الفئة السابعة فانا اقدى اقولك بكل بساطة بالنسبة للتصميم الخارجى .. لو هما الاتنين واقفين قدامك هتحس البى ام عاملة زى البولدوج .. اما المرسيدس فعلا عاملة زى الحوت زى ما كانو مسمينها فباختصار البى ام (فخامة رياضية) أما المرسيدس فهى (فخامة كلاسيكسة) و بصراحة فى الفئة دى من العربيات انا افضل الفخامة الكلاسيكية و لو عاوز الرياضة اللمزوجة مع الكلاسيكة ببراعة ليس لها مثيل عندك الاس كلاس الايه إم جى .. أو حتى اللى فيها إيه إم جى كت بس
و بالنسبة للداخل ايضا تتفوق المرسيدس من وجهة نظرى و خصوصا فى جودة الخامات و شوف المرسيدس و البى ام القديم هتلاقى كل البى ام جلد كراسيه مشقق و متبهدل اما المرسيدس فهتلاقى حالتها احسن بكتير

و عموما عن سبق بى ام لمرسيدس او العكس يا باشا فا برده انا مش معاك فى النقطةدى لأنى زى ما قلتلك مرسيدس مدرستها (فخامة ممتزجة مع الكلاسيكية) أما بى ام فهى (فخامة ممتزجة مع الرياضية )

و ربنا يكرمك يا باشا و يوفقك و نيجى ناخد منك لفة بالفئة الخامسة قريبا ان شاء الله و تكون M5 كمان :)

المشاركة الأصلية كتبت بواسطة Limoway (المشاركة 318031)

مشكور علي الرأي الجميل

تصدق أنا عمري ما فكرت في موضوع هوية السيارة وتميزها بالنسبة لباقي الفئات من نفس الماركة

ده علي كده هيونداي هتاخد صفر من عشرة في الموضوع ده
لإن كل الموديلات الجديدة (سيدان أو حتي دفع رباعي) شبه بعض
تحسهم مجموعة الإخوات بس واحد رفيع وواحد تخين وواحد قصير

ملف مرفق 7698

ملف مرفق 7699

ملف مرفق 7700

ملف مرفق 7701

ملف مرفق 7702