مصر موتورز مجتمع السيارات - أساسيات قيادة البايك.

مصر موتورز مجتمع السيارات (https://www.masrmotors.com/vb/index.php)

- مصر بايكرز (https://www.masrmotors.com/vb/forumdisplay.php?f=146)

- - أساسيات قيادة البايك. (https://www.masrmotors.com/vb/showthread.php?t=31053)

رد: أساسيات قيادة البايك.

اقتباس:

المشاركة الأصلية كتبت بواسطة سيد عبيد (المشاركة 332125)

http://www.motorcyclespecs.co.za/Gal...099%20%203.jpg

طب مثلا الزرار الاحمر اللى جمب البكره ده اسمو ايه وايه فايدته واستخدمه امتى

الزرار ده ياباشا بيستخدم فى تدوير البايك, تشغيل الموتور يعنى, أغلب البايكس بتختلف فى طرق التشغيل, سواء كهربائيا بمارش أو يدويا زى الموتوسيكلات الصينى والفزبا.

المهم, الزرار ده أسمه kill switch, وعلشان نعرف وظيفته, هنشوف البايك بتدور أزاى.

أول حاجة حضرتك بتحط المفتاح فى البايك, وبعدين تدوره علشان تقدر تشغل الموتور.

بعد كده الموتور بيدور بزرار هنطلق عليه أسم ستارت, الزرار ده بتدوس عليه لما المفتاح يبقى فى البايك علشان تدورها, بس لازم تكون ممور البايك, وفى أغلب البايكس لازم تكون دايس دبرياج كمان.

وهنا تأتى أهميه الزرار الأحمر, لو الكيل سويتش ده مفتوح, البايك مش هتدور أبدا, ولو مقفول, بعد متدوس على زرار أستارت البايك هتدور.

وده فايدته أن لو حضرتك لا قدر الله وقعت والبايك لسه شغال, البايك هيقعد يخمس على الأرض لوحده, وطبعا ساعتها مش هتعرف تمسك المفتاح وتدوره علشان تقفل الموتور, فبتدوس على الكيل سويتش وهو يقفل الموتور بلمسه.

من الأخر, لو الزرار ده مفتوح البايك مش هتدور, ولو دوست عليه والبايك دائرة البايك هتبطل, بس كده.

ولو لغة حضرتك الأنجليزية كويسة ممكن تبص على الرابط ده
http://motorcycles.about.com/od/howt..._To_Ride_7.htm

رد: أساسيات قيادة البايك.

شكرا على الشرح الممتاز ياباشا بجد انا استفدت شكرا جدا

ممكن سؤال تانى ؟؟

فوق الزرار الاحمر فيه علبه مربعه دى بتاعت ايه وفيه علبه زيها النحيه التانيه برضوا بتاعت ايه وانا شفت فى كذا بايكرز ان موجود علبه واحده مش اتنين

رد: أساسيات قيادة البايك.

وبالنسبه لـ kill switch هو فيه علامتين انهو علامه يبقى مفتوح وانهو يبقى مقفول

رد: أساسيات قيادة البايك.

سؤال بس
هو ترتيب النقلات كالاتي !!!5 4 3 2 1st n

رد: أساسيات قيادة البايك.

اقتباس:

المشاركة الأصلية كتبت بواسطة سيد عبيد (المشاركة 332900)

شكرا على الشرح الممتاز ياباشا بجد انا استفدت شكرا جدا

ممكن سؤال تانى ؟؟

اقتباس:

المشاركة الأصلية كتبت بواسطة سيد عبيد (المشاركة 332900)

فوق الزرار الاحمر فيه علبه مربعه دى بتاعت ايه وفيه علبه زيها النحيه التانيه برضوا بتاعت ايه وانا شفت فى كذا بايكرز ان موجود علبه واحده مش اتنين

بص ياباشا دى صورة فيها المفيد

http://www.transportation.alberta.ca/images/mc26a.jpg

فى الدائرة الكبيرة اللى على اليمين, أول حاجة من فوق هى الكيل سويتش, تحتيه بيكون زرار الستارت بتاع البايك, ده المقبض اليمين.

الشمال, أول حاجة بيبقى مفتاح النور العالى والواطى, وتحتيه بيكون مفتاح الأشارات, وجنبهم زرار الكلاكس.

والتحكمات فى معظم البايكس متشابهة, لكن زيها زى العربيات فى أختلاف بين الموديلات والشركات فى أماكن بعض التحكمات, ودى بتعرفها أول ماتركب البايك زى أى عربية.

أما لو قصد حضرتك فى السؤال أصلا على الصندوق الأسود الكبير ده, فده ماستر الفرامل:).

اقتباس:

المشاركة الأصلية كتبت بواسطة سيد عبيد (المشاركة 332902)

وبالنسبه لـ kill switch هو فيه علامتين انهو علامه يبقى مفتوح وانهو يبقى مقفول

فى أغلب البايكس بيبقى عليه الشكل ده

http://www.bestscootersonline.com/images/200smc8.jpg

وطبعا الدائرة الكاملة معناها أنه ينفع تشغل الموتور, اللى عليها شرطة معناها مينفعش علشان المفتاح مفتوح.

ولو تلاحظ مفتاح النور فى البايك دى على اليمين مش الشمال.

وفى بايكس بيبقى المفتاح عليه on و off زى أى مفتاح كهرباء.

اقتباس:

المشاركة الأصلية كتبت بواسطة MO (المشاركة 333120)

سؤال بس
هو ترتيب النقلات كالاتي !!!5 4 3 2 1st n

أسـأل براحتك ياباشا, وهو ده فعلا ترتيب النقلات.