رد: عملت كام حادثة مع الستات في حياتك؟
 

انا الحمد لله لسه معملتش حوادث مع ستات بس كنت هعمل !

و انا مؤمن بحاجة فيه رجاله سواقتها وحشه جدا و فيه ستات سواقتها كويسه جدا ..

بس بصفة عامه الرجال بيسوقوا احسن من السيدات ! يعني نسبة الاحسن اعلي في الرجال و ده مش تحيز بس فعلا انا بقالي كتير بسوق و حسيت ده !

اما مواقفي مع البنات !

طالع كوبري الجامعه و واخد سرعتي طبعا تقريبا كنت ماشي 80 ! و بنت سايقه دايو ماتيز و قافله الازاز و منعزله عن البشر و الحياه الخارجيه و واضح ان محدش علمها تبص في مرايات !! كسرت عليا جااااااامد قمت مديها كلاكس و حادف يمين بسرعة و هي ولا مستوعبه انها عملت اي حاجة غلط او انها كانت هتبوظلي الجنب !!

تاني موقف برضه بعد ما تنزل من كوبري الجامعه في اتجاه القصر العيني فيه اشاره كنت واقف فيها مجرد ما فتحت بدأنا نتحرك و فيه تقاطع و العربيات الاشاره موقفاهم علي الشمال انا معدي و لقيت ست طالعه من الاشاره اللي علي الشمال و داخله فيا !!!!!!! لولا ان جنبي كان فاضي و حدفت يمين كان زماني انا و الجنب الشمال في خبر كان !!

تالت موقف في شارع الهرم و كنت مستعجل جدا لان والدي كان عطلان بالعربية التانيه في الدقي و ماشي واحده ست بتعدي الشارع و ابنها في ايدها ابنها فلت منها و جري و حظي الجميل جابه ادامي ! كسبت فرامل و الحمد لله مخبطتوش بس المرة دي نزلت انفجرت فيها تقولي معلش قلتلها لو كنت خبطته ولا مات مكنتيش هتقوليلي معلش !!!

بصراحة الستات فيهم نسبة كبيرة جدا سواقتهم سيئة و بيمشوا في الشارع ولا اشارات ولا مرايات ولا اي حاجة !! مش معني كده ان الرجاله مفهمش حد سواقته وحشه لا فيهم و كتير بس مش بالطريقة دي ولا بنفس النسبة اللي في السيدات !

رد: عملت كام حادثة مع الستات في حياتك؟
 

هههههههههه صحيح الموقف ده ملوش علاقة بالموضوع لكن ده اصلا اهمال بعيد عنك منتشر بين الامهات والبنات الايام دى وهقول لك ملحوظة عجيبة هتاخد بالك منها بعد م اقول لك عليها
غالبية اللامهات والبنات اللى بيمشو فى الشارع ومعاهم اطفال هتلاحظ انهم هما اللى من ناحية الرصيف والطفل هو اللى من ناحية الطريق وكأنهم مستغنيين عنه لان الطفل معروف ان حركاته او تصرفاته مش مضمونة ومع ذلك تلاقى الطفل دايما هو المواجه للعربيات والحقيقة انا كل م اشوف ام او بنت معاها طفل اقف وانبهها انها تخلى الولد بعيد عن الطريق واما اعجب ام شفتها فدى ابنها نط من ايديها ورمى نفسه ادام عربيتى ولما فرملت ولحقته بقول لها حرام عليكى امسكيه كويس وخليه من ناحية الرصيف وانتى خليكى من ناحية الطريق تصوروا قالتلى ايه
























قالت
انت مال أ..........

وكنا مرة فى وسط البلد و شاب معاه موتوسيكل جاى يجرى وواحدة من هؤلاء المهملات سايبة ابنها وبتتفرج على فاترينة وانا جاى وشايف الموقف صوت وصورة والولد جرى بقى ف وسط الشارع فجأة وراكب الموتوسيكل ضرب فرملة عالية وفادى الولد ورمى نفسه بعيد واتقلب هو والموتوسيكل وفوجئت برد فعل الام المهملة رغم ان الولد محصلو ش حاجة واللى على الموتوسيكل اتقلب واتعور ومرمى على الارض نازلة فيه شتيمة وبينى وبينك دمى غلى واعصابى تلفت روحت راكن ومقوم الراجل ولقيتها نازلة فيه شتيمة وروحت مديها كلام من اللى قلبك ميحبوش لان قلبك اكيد بيحب الكلام الحلو بس وجوزها بيتكلم روحت مسبخه وطبعا انا الوحيد اللى شاف الموقف من اوله وال2 لمو نفسهم لما حسو انهم غلطانين ومفكروش يعتذرو للراجل اللى تسببو فى انقلابه واصابته



اما حكاية امشى على سرعة 100 فى طريق 120 هنقول من باب حسن الظن انها تقصد امشى اقل من السرعة المقررة على الطريق لان مفيش طريق فى مصر سرعته القانونية 120 الا يمكن داخل سينا

رد: عملت كام حادثة مع الستات في حياتك؟
 

عندك حق والله يا خالد فعلا في امهات كتير كده ! ربنا مش هيسامحهم علي الاهمال ده !!

بس دي ملهاش حل اللي قالتلك انت مال .... ههههههههه دي بجاحه بزياده

رد: عملت كام حادثة مع الستات في حياتك؟
 

ههههههههههههههههه
شديدة

رد: عملت كام حادثة مع الستات في حياتك؟
 

قلة ادب بعيد عنك وانا معبرتهاش لانها مش محترمة