رد: قسطها من المصرية للسيارت
 

بس انا شايف فى الاعلانات ان ممكن مقدم 10 % بس

رد: قسطها من المصرية للسيارت
 

بص يا استاذي انا حوضحلك مثال
يقولك الفيرنا مثلا سعرها 71 الف لو حتدفع كاش يبقى 69 الف جنيه خصم فوري
لو عايز قسط بدون فوائد يقولك ماشي لازم تدفع 50% في الاول و الباقي على سنة بدون فوايد لكن بالسعر الاصلي بدون الخصم لان الخصم هدية للكاش فقط!!
نوضح؟ ماشي
العربية يقولك تدفع 36 الف مقدم
الباقي 35 الف على سنة يعني 3 الاف شهريا
المفترض رسوم ادارية 1000 جنيه لاجراءات القسط
يبقى لو كاش حتدفع 69 الف جنيه لو قسط حتدفع اجمالي 72 الف جنيه بفرق 3 الاف جنيه بين الكاش و القسط و هو نسبة فائدة 10% على ال 50% اللي انت حتقسطهم
مفيش حد بينضحك عليه يا برنس
دول ياكلوا مال اليتامى!!!!!
هي الفكرة ودنك منين يا جحا مش اكثر - او دوخيني يا لمونة

رد: قسطها من المصرية للسيارت
 

الله ينور على الكلام الصح

رد: قسطها من المصرية للسيارت
 

انا سألت في المصرية و سمير ريان و غيرها كتير و في الاخر جبت مستعمل ولا اني اقسط
بص هو حيقولك
- خصم فوري الترجمة: للكاش فقط و بعد فصال و مناهده و لبعض الموديلات
- اقل مقدم 10% فقط الترجمة : في حالة اقل مقدم بيقابلها اعلى قسط و اعلى فايدة ( 11% سنويا ) و بيبقى على 7 سنوات مثلا و في حالات خاصة جدا و هي الموظفين الثابتين براتب يزيد 70% عن قيمة القسط و غالبا موظف حكومي)
-اقل قسط الترجمة ( في حالة دفعت 50% مقدم و الاقساط المتبقية على فترة طويلة)
- اطول فترة سداد لبعض الاشتراطات المستحيلة - خطاب من جهة العمل - مفردات مرتب - ضامن - رصيد في البنك - و غيرها)
- بدون فوايد الترجمة: زي ما وضحت سابقا لازم تدفع 50% على الاقل مقدما و بيلغوا الخصم الخاص بالكاش و القسط لمدة سنة واحدة فقط!!!

سوزوكي ماروتي تقسيط
 

لسلام عليكم ورحمة الله وبركاته

ياريت حد أو معرض يقسطلي سيارة سوزوكي ماروتي حيث

نويت بإذن الله اني اشتري سيارة سوزوكي ماروتي جديدة بالتقسيط (أحسن من مشاكل المستعمل)

والمقدم 6000 (يعني أكثر من 15%) والباقي علي 3 سنوات علي الاكثر انشاء الله

والضمانات أي ايصالات أو مفردات الراتب حيث انني أعمل بشركة في قطاع البترول وراتبي 2000 جنيه غير المكافئات بجانب أني أعمل أعمال حرة بعد العمل

وياريت يكون سداد الاقساط في حساب المعرض أو الشركة في البنك لأني من سوهاج

ويستحسن ان يتكون المعرض في سوهاج أو أسيوط علشان المسافة

ياريت حضراتكم تفيدوني في المشوار ده لأني جاد جداً ومحتاج العربية ضرورييييي