المشاركة الأصلية كتبت بواسطة lol64 (المشاركة 248824)

كله ياخد باله ويركز

1- مسك اليدين بمناسبة او بدون مناسبة .. هذه النقطة تحسس المراة بالاطمئنان والشعور بالراحة.
2- اسأل عنها بين لحظة والاخرى .. وهذه الحركة تعطيها انطباع بانك مهتم بها.
3 - امسح دموعها باطراف اصابعك .. فتمنحها بهذا شعور بالحنان لابعد الحدود.
4 - قل لها انك تحبها حتى وهي غاضبة .. لتسيطر على تفكيرها فتبادلك الشعور واحيانا ترد لك الكلمة (وانا احبك).
5- قبل يديها واعتبرها نعمة من الله وقل لها انك تشكر الله انه اهداك اياها .. تشعر المراة انها مميزة ولا احد ينافسها في قلبك.

حد بيعمل كده يارجاله ؟؟؟

المشاركة الأصلية كتبت بواسطة غادة عبد العال (المشاركة 249593)

السلام عليكم ورحمة الله وبركاته
اسمحولى اتشرف بالانضمام لمنتداكم الرائع وانا بصراحة متابعة المنتدى من فترة لكن ظروفى ماسمحتش بالمشاركة غير النهاردة ودى تانى مشاركة ليا
وبصفتى زوجة وام وكنت قبل كده انسة ومخطوبة وبحب خطيبى اللى بقى زوجى الان فا انا شايفة انكم متلغبطين معانا خالص رغم ان احنا البنات او الستات اسهل من الماء الزلال
وهى دى الحقيقة احنا زاى المية تحافظ عليها تفضل طول عمرها نقية .... تعكرها ماتبقاش طايق تشوفها او تعيش معاها
ومحدش يقولى زاى المية يعنى بدون لون او طعم او ريحة
اقولكم بالعكس بقى المية مالهاش لون عشان شفافة اللى جواها باين فيها والبنت والست كده اللى فى قلبها على لسانها لا بتعرف تخبى ولا تدارى ولا تتخابث
وطعمها ماتقدرش توصفه وخصوصا لو عطشان وهاتموت على شربة مية بتبقى المية ليها طعم يجنن ومش قادر توصفه وطعم المية دايما عذب طول ماهى رايقة ومش متعكرة
اما الريحة فالمية فعلا مالهاش ريحة يعنى مش متغيرة ولا متعكرة يعنى عذبة على طول طول مانت محافظ على روقانها وعذوبتها
عرفتو بقى ان احنا زاى المية فى كل حاجة
وعرفتو كمان ان احنا اسهل حاجة ممكن التعامل معاها
وكمان اهم حاجة زاى المية
وللحديث بقية ان كان فى العمر بقية