| ramy01011 |
21-11-2010 08:02 PM |
رد: ياريتني ما روحت لندن
موش لازم لندن انا عايش في الامارات شهر 9 اللي فات كنت بجدد رخصة العربية دفعت كل المخالفات من علي النت روحت المرور اخدت رقم من الجهاز فضلت اعد في صالة مكيفة مستني دوري جه الدور بتاعي روحت الموظف قالي معاك صورة جواز السفر قلت له لا قالي طب هو عندك علي الايميل و لا ممكن حد يبعتهولك فكس قلت لا علي الميل قالي طيب و راح مشاور لي علي غرفه فيها مكتب قالي ادخل نزله و اطبعه من علي النت دخلت طبعته و رجعت له تاني 3 دقائق و الرخصه الجديدة كانت معايا
في شهر 7 بقي كنت في الاجازة السنوية فجأة افتكرت ان الرخصة الشخصية خلاص قربت تنتهي قلت اجددها 3 ايام يا اخونا اروح اطلع صحيفة مخالفات من مكان و ادفع رسوم من مكان و اقدم من مكان تالت وفي الاخر موظف يقول لي اصل التوقيع بتاع الموظف اللي في اول مكان خالص موش واضح علشان الباشا انا ضايقته و هو بيشرب كباية الشاي قل له و حياتك لتمشيها وغصب عني روحت مكلم واحد صحبي نقيب في نيابة المرور عدي عليا ما فيش ثانية و الموظف راح متنفض من مكانة و قالي موش تقول من الاول و راح ممشيها.
لية فكرتني بس
|
