مصر موتورز مجتمع السيارات - اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة

اقتباس:

المشاركة الأصلية كتبت بواسطة حسن صيام (المشاركة 1029890)

والله يا اخي الا الان لم تحل بعد وكل يوم عند ميكانيكي او بتاع فتايس او كهربائي حتي بتاع تصليح الكونترول قال لي فتيسك زي الفل , انا مش عارف ايه في العربية ، كنت اتمني يكون عندي اي معلومة تفيدك .

ربنا معاك ومعايا

انا رديت على مشكلة حضرتك فى الموضوع بتاعك يا مستر حسن ..

مشكلة فى فتيس هيونداى نيو اكسنت 2011 - مصر موتورز مجتمع السيارات

ارجو انك تراجعه وتوافينى بالجديد باذن الله

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة

اقتباس:

المشاركة الأصلية كتبت بواسطة q_pidmusic (المشاركة 1029885)

السلام عليكم
انا معايا جيلي باندا 2011 اوتوماتيك وكانت جابت فتيس المهم اني عمرته واكن معلق مبيجبش رابع وبعد الدوخة عملته في مركز مشهور في جسر السويس اتعاملت معاه قبل كده المهم ان فيه بعض الملاحظات حبيت اني اعرضها على حضرتك عشان تفيدني:
1- تأخير بسيط في الغيار من الثاني للثالث الصبح ولسه العربية بارده وبتتحسن بعد اما العربية توصل لدرجة الحرارة العادية لدرجة اني بحس ان الثاني والثالث بييجو مع بعض.
2- الطلعة بتاعت العربية اول ماتجيب ال D مبقتش زي الاول يعني بقت اضعف شوية واما قولتله على الموضوع ده قالي بالعكس انت تقلق من الطلعة العفية دي
3- كنت جاي من الاسماعيلية من اسبوع وانا رايح ماشي على سرعة 100 وزي الفل وانا راجع يادوب خارج من البوابات وسمعت صوت زي تزييق كده والعربية مفيش فيها عزم المهم وقفت على جنب وجبت ال N وبعدين ال D اعربية مبتتحركش جبت ال R رجعت عادي فضلت جايب ال D ودوست جامد كذا مره لقيت فجأة العجلة الشمال فركت في الارض كأن حاجة كانت معصلجة ومشيت بعد كده عادي جدا
-فياريت حضرتك تفيدني عشان انا قلقان وي ومش متطمن واسف للاطالة.

للاسف دى بوادر لان الفتيس هيفوت .. لان دى كده مشكلة فى الكلتشات الداخلية للفتيس ..

للاسف العمره مش بتنفع دايما مع الفتايس الاتوماتيك

عاوزك بس تقيس زيت الفتيس علشان لو ناقص ممكن يعمل كده ..

لو فتيسك ليه مقاس للزيت دور العربية وسخنها (لو بارده) وشد فرامل اليد جامد وهات R وقيس الزيت على كده .. لو لقيته ناقص زوده وشوف الوضع ايه

لو الزيت تمام يبقى المشكلة فى الفتيس للاسف ..

وانصحك بتغيير الفتيس لان عمره ما هيظبط .. او ممكن تمشى عليه شويه لغاية لما يجيب اخره خالص وتغيره بس لو بتسافر كتير بلاش ..

واى استفسار تحت امرك ..

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة

اقتباس:

المشاركة الأصلية كتبت بواسطة المحبشي (المشاركة 1027923)

سﻻم عليكم لوسمحت انا عندي سيارة هونداي سنتافي 2005 معي مشكلة بطى في السرعة وعندما ادوس على الفرامل مفيش فايدة ضعف حتى عندماادوس على الفرامل بقوة تطغي السيارة اي حل المشكلة
وشكرا

راجع ضرورى على زيت الفتيس لأن احتمال كبير يكون ناقص وممكن يكون فى تسريب .. ولو فى تسريب عالجه بسرعة و غير الزيت وان شاء الله تظبط معاك

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة

عندي مشكلة في العربيه ( كرولا 2004 اوتوماتيك 1300cc)
السحب بتاع العربيه ملاحظ انه ضعف
بعد تشغيل العربيه صباحا و اعطائها ال D و الضغط على دواسة البنزين تسارعها بطيء ثم يزيد
رحت للميكانيكي قالي المشكلة في علبة البيئه غيرتها و مفيش فرق
جرب هو غير طلمبة البنزين برده مفيش فرق و رجعت ركبت القديمه تاني
غيرت رشاشات و برده مفيش فرق و رجعت ركبت القديمه تاني
غيرت حساس كامه برده مفيش فرق و رجعت ركبت القديمه تاني
غيرت حساس العمه برده مفيش فرق و رجعت ركبت القديمه تاني
الرجاء الافاده
و شكراً

رد: اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة

اقتباس:

المشاركة الأصلية كتبت بواسطة ahmed ezzat kh (المشاركة 1030023)

عندك اي لمبه منوره في التابلوه
غيرت حساس الماف -_-الاير ماس