|
رد: للرد على استفسارات الاعضاء والدعم الفنى لمالكى الفيرنا
بقولك يا ابو حميد
تعتبر الفيرنا جديده عليا مش كسواقه لا بس كمعامله من اماكن الزيوت والفلاتر انا كان معايا اكسيل وكانت كربراتير انا بالملاحظه العاديه قدرت اعرف مكان زيت الباور ومكان قربة الريداتير فى على شمالك وانت واقف وشك للعربيه عمود ابيض شفاف ده بتاع ايه يا ترى بالمناسبه يارب تكون مشكلة دبرياجك اتحلت باذن الله هو الدبرياج على زيت ومالوش سلك ولا ايه نظامه ؟ وزيته بيتغير ادايه وهل بيتزود عادى ؟ ومكان الباكم فين ؟ وشكرا جزيلا |
رد: للرد على استفسارات الاعضاء والدعم الفنى لمالكى الفيرنا
وائل انا نازل دلوقتى وبالليل ان شاء الله هاكتبلك كل حاجه عن الفيرنا بالتفصيل وكيفيه الحفاظ عليها
والعربيه ممتازه فى الاجره الى حد كبير وتعتبر من انجح السيارات الاجره فى مصر وتخطت فى كفائتها مثيلاتها اللانوس والاسبرانزا اما الشيفورليه فخارج المقارنه تماما |
رد: للرد على استفسارات الاعضاء والدعم الفنى لمالكى الفيرنا
اقتباس:
هو بينزل مع العربيه حاجه تانيه خلاف شنطة العدة والكوريك والاستبن ؟ :soccer_372: سمعت حامل اكواب مثلا هل ده موجود ولالا؟ وفى حاجه تانيه ؟ وبالنسبة للانذار هل له حساس صدمات بيعلي ويوطى ولا مقتصر على فتح الباب بس ؟ ومتوصل ع السنتر ؟ متقل عليك انا معلش يا ابوحميد ربنا يباركلك ويحفظك |
رد: للرد على استفسارات الاعضاء والدعم الفنى لمالكى الفيرنا
اقتباس:
العمود اللى انت بتتكلم عليه ده اسمه قربه المساحات اللى هوا لما تشغل المساحات بيطلع ميه من الرشاشين الاتنين الموجودين فى الكبوت فاهمنى ونصيحه منى عشان يلمع معاك الزجاج وانت مستعجل ومكسل تاخد الزجاج بفوطه انك تحطله نقطتين تلاته بريل كده عشان والمياه طلعه على الزجاج تلاقى فيها نسبه رغوه هتساعد فى تلميع ونظافه الزجاج مشكله دبرياجى اتحلت الحمد لله وانا رديت عليك فى التوبيك بتاعى زيت الباكم المفروض انك تبص عليه على طول طول مهو فى النص بين العلامه المين والماكس تطمن وبعد سنه او سنه ونص تنزل الزيت كله وتغيره والدبرياج على زيت اها مش وايز زى الاكسل |
رد: للرد على استفسارات الاعضاء والدعم الفنى لمالكى الفيرنا
اقتباس:
بص هو انا عربيتى هاف وجايبها فى 9-2009 اللى كان نازل فيها الكوريك والاستبن ومفتاحين ومفك نصيحه منى غير الكوريك الحقير اللى نازل فىا لعربيه بواحد تمساح محترم عشان يسعفك وانت فى الطريق او كاوتشك اتخرم فى مكان مش امان لان الكوريك اللى نازل فيها ده كوريك عاوز بال طويل وتعد تلف حوالين نفسك عشان ترفع العربيه بيه انا جيبت كوريك مساح بعد شرائى للعربيه بحوالى شهر وكنت جايبه ب85 جنيه بالنسبه لاسألتك على الانذار معنديش معلومه والله لان انا عربيتى هاف وكانت نازله من غير انذار وانا اللى ركبت الانذار برااا والانذار الصينى اللى انا مركبه ليه فعلا زرار بيعلى ويوطى ان شاء الله محمد تونسى يرد عليك فى استفسارك ده لان على حد علمى عربيته كامله وهيبقى عارف اكتر منى عيب عليك متقولش تقلت عليك والكلام اللى مالوش لزمه ده احنا كلنا بنسفيد من بعض ربنا يباركلك فيها ياااارب |
الساعة الآن 10:42 AM. |
|
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017