|
رد: حمرا يا برادعي
red عشان محدش يقول أني قلت حمرا ولا حاجه :w6w2005041122473461
|
رد: حمرا يا برادعي
اقتباس:
بحييك بشده يا دكتور وائل ... رغم اني مختلف معاك في وجهه النظر لأني بعتبر ان البرادعي تولى رئاسه وكاله الطاقه الذريه في احرج فتره ... وكانت عليه ضغوط امريكيه شديده جدا لكن برغم من كده كان موقف الوكاله واضح و صريح وكانت كلمته قي مجلس الامن هي السبب في رفض الحرب التانيه على العراق رغم الاصرار الامريكي العنيف لدرجه انها شنت الحرب بالاستعانه بالتابع الوفي بريطانيا وضربت بقرار مجلس الامن عرض الحائط .... فاعتقد انه بموقفه وتصريحاته سواء عن العراق او ايران او حتى مصر قبل الثوره في عنفوان السلطه المخلوعه كان كلام هادئ لكن موزون ويعبر عن شجاعه و حريه رأي وفعل ... وثبات مبداء وده لو قارناه بمواقف دول عربيه وقتها حنلاقيه طلع دكر عنهم لكن عموما ... انا معاك ... احنا للاسف لسه شعب عاطفي وغير مقتنعين بدوله المؤسسات و ايقونه الرمز لسه مسيطره علينا ... فكره الرئيس الاب القائد بقت في صميمنا حتى النخاع ودي للاسف مش موجوده في البرادعي ... الكاريزما و التوافق الشعبي بس هو مين ... و متقوليش عمرو موسى ... ولا بدله ميري ... كفايه اوي ميري 60 سنه فين صلاح الدين .. ... اردوغان .... مهاتير محمد ... او حتى غاندي ... مع انه بالمفهوم المصري غاندي ... مش دكر !!! |
رد: حمرا يا برادعي
هو مين بقى دي مشكلة ..
بس احنا كلنا لازم نؤمن انه في واحد في مصر من وسط ال 80 مليون فعلا كده .. و افتكر معايا .. بعد ما طفشنا الفرنساويين من مصر ( مع انهم كانوا هيموتوا وهم ماشيين ) بعتتللنا الدولة العثمانية واحد اسمه خورشيد .. و كان عسكري .. و كان دكر .. بس كان مفتري .. و قام عمر مكرم بمساعدة وتحريض من تاجر دخان و عسكري من البانيا اسمه محمد علي .. و قاد الثورة .. و طردوا خورشيد شر طردة .. و جه السؤال مين يحكم مصر .. فتنحى عمر مكرم القائد الحقيقي للثورة و قال لأ ماليش في الحكم .. و اجتمع علماء و وجهاء و مشايخ الشعب .. و اتفقوا على رأي غريب جدا .. عارف ايه ؟ اتفقوا ان المصريين جنس نمرود و مينفعش يحكمهم و احد مصري و لازم مملوك او تركي هو اللي هيقدر يلم الشعب ده .. و منهم عمر مكرم ... يعني لو ماكنش موجود كنا قلنا محمد على شافهم بقرشين و لا حاجة .. انما اتفقوا على كده .. و ادوها مخضرة لمحمد علي .. اللى عملها تكية اهله لمدة 150 سنة .. و كل ده .. لان المصريين كلهم .. بجلالة قدرهم .. مطلعش فيهم واحد دكر يقول انا هقوم بيها .. يبقى وشغلانتنا يا جدعان انه احنا ندور .. و نشجع و نتقصى .. و منرضاش بحد علشان ده امر واقع و قضاء اخف من قضاء .. لأ.. مصر ولادة .. و اكيد الدكر ده موجود .. عسكري .. اسلامي .. ليبرالي .. فحلقي .. بس اكيد موش هنرضى لمصر الا بالاصلح .. اللهم ولي امورنا خيارنا يا رب العالمين |
رد: حمرا يا برادعي
اقتباس:
وعلى فكره الانسان الكاريزما ممكن يعمل كتير اوي وبيبقى مطلوب ف الازمات علشان يقدر يجمع حواليه كل الناس على اختلاف افكارهم ومستوياتهم ومين ده اللي بيقول عمرو موسى ؟ مش قلنا قبل كده حمرا يا برادعي انت وعمرو موسى ؟ |
رد: حمرا يا برادعي
حمرا حمرا طبعا
|
رد: حمرا يا برادعي
اقتباس:
محمد علي ؟ احنا محتاجين محمد علي الثاني بس يكون مصري المره دي لان محمد على الاولاني المظلوم تاريخيا عمل ايه ؟ اول حاجه نضف البلد من الحراميه لما عمل مذبحة القلعه للمماليك وثانيا جاب واحد خبره عسكريه فرنساوي علشان يبني الجيش الحديث وكمان بعت ناس تتعلم في فرنسا لان فرنسا وقتها كانت اقوى واحدث دوله في العالم فأخد قراره يتعلم منها مش يعمل زي ولاد الصرمه اللي راحوا لاقوى دوله في العالم اليومين دول وجابوا مدرب كوره عايزين محمد على تاني يلم الصيع والبلطجيه ويدخلهم جحورهم ويبني ويزرع ويطور والناس تتلم حواليه بدلما هما متفرقين كل حزب بما لديهم فرحون |
رد: حمرا يا برادعي
البرادعى هو الرجل الوحيــــــــد فى البلد دى اللى قال النظام السابق لازم يتغير ودعا الى العصيان المدنى..ايام ماكان كل اللى على الساحه دلوقت اما فى السجون أوفى الجحور خايفين يفتحوا بقهم..
وخضرأ يابرادعى.... http://www.a7lashare.net//uploads/im...a7aeab68fd.jpg |
| الساعة الآن 08:08 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017