رد: معرفة اي حاجه عن تركيب السيراميك
 

السلام عليكم ورحمة الله وبركاته
الاخوة الاعضاء الكرام لقد اكرمنى الله عز وجل ورزقنى بالاسطى حمدى وقام بتركيب السيراميك لشقتين امتلكهم بمدينة نصر وهذه شهادة لوجه الله
الاسطى حمدى من الشخصيات المحترمة جدا جدا ومطيع جدا ولا يحب الجدال ويقتنع بطلبات الزبون
ماهر جدا فى تركيب السيراميك ويهتم بالصنعة والاتقان ولا يهتم بمقدار ما ينجزة من امتار
ليس كمعظم الصنيعية يقوم باقناعك بالخطأ ولكن اذا اقتنع برأيك يقوم بتنفيذة ولا يتكبر فى الاعتراف بالخطأ
يجمع بين المهارة والخبرة والتعليم مما يؤدى الى جودة فى التركيب
سوف احاول ان ارفع صور الشغل ان شاء الله تعالى
وسلامى للجميع وخصوصا الاسطى حمدى وربنا يبارك فيك ويرزقك بالرزق الحلا ل الطيب
اخوك مصطفى

رد: معرفة اي حاجه عن تركيب السيراميك
 

وعليكم السلام ورحمة الله وبركاته وطبعا التعليق علي المشاركه مش عارف اعلق غير ان اقول انه يضيق صدري ولا ينطلق لساني وطبعا واضح جدا ماتدل عليه المشاركه فاما عن المهاره والاتقان فطبعا دي مبالغه من حضرتك والمبالغه دي عندك زائده مش شويه شويات فكما قولت المشاركه تدل علي تواضع حضرتك وكرم اخلاقك واما كرم الضيافه دي المشاركه لم تظهره لكن معروف انه برده مبالغ فيه وكما قلت لحضرتك ان الشغل دائما لايخلو من عيب او تقصير وطبعا ان وجد فدي مني لاني اهل لذلك واما ما كان من مميزات فدي ليست شطاره وانما توفيق من الله لا دخل لي بذلك وفي حديث فيما معناه قال فيه (ص) من ادي اليكم معروفا فكافؤه ومن لم يشكر الناس لايشكر الله وعشان اشكرك انا اري ان صيغ المدح والمبالغه متنفعش معاك فهتخطي دي وأرد علي المقطع الاخير واقول سلمك الله من كل مكروه وسوء وحفظك ورعاك وبارك لك في اهلك ومالك وزادك من فضله

رد: معرفة اي حاجه عن تركيب السيراميك
 

اسعار مكينه تقطيع السراميك في مصر

رد: معرفة اي حاجه عن تركيب السيراميك
 

اهلا ومرحبا بالاخ الفاضل والزميل العزيز لان هذا السؤال لا يسأل الا من صنايعي سيراميك وغالبا في بداية المشوار ولكن اسال الله لي ولك التوفيق واما عن اسعار المقص فهو انواع طبعا افضلها واغلها ثمنا الاسباني وهو بيتراوح من 1150 الي1250 ويليه التايواني في حدود500 الي 600 وفيه الصيني وهو درجات ويبدا من 250الي 400 تقريبا

رد: معرفة اي حاجه عن تركيب السيراميك
 

الاخوة الافاضل كل عام انتم بخير بمناسبة عيد الاضحي المبارك اعاده الله علينا بالخير والبركات

رد: معرفة اي حاجه عن تركيب السيراميك
 

السلام عليكم ورحمة الله وبركاته
استاذ حمدي
كنت بادور ع النت بخصوص السيراميك لغاية ماوصلت للموضوع هنا
كلام الاعضاء عن حضرتك اعطاني احساس ان حضرتك امين وصادق في المعلومه اللي بتقولها وسجلت في المنتدى علشان اقدر اسأل حضرتك
انا باشطب في شقتي واتعقدت من عدم الامانه واللف والدوران اللي باقابلهم يوميا من الصنايعيه.. مسكت الشقه لمقاول وهو جاب الصنايعيه وكنت باسلمه الفلوس بدون نقاش ولما في يوم طلبت الحساب التفصيلي وقارنت اسعاره باللي باسمعه في السوق لقيت الاسعار غاليه في بعض حاجات لدرجة الضعف واحيانا الضعفين وحاليا بادور على سعر كل حاجة قبل مايعملوها لاني مابقتش واثقه فيه
المهم انا هاركب الصاله بالممرات بورسلين وهاعمل الاوض سيراميك باركيه والمطبخ والحمام سيراميك وفيه بلاطات ديكور ووزر
هو قال انه هيحاسبني المتر ب15 لكله ارضيات وحوائط
اما الباركيه هيتعمل عاشق ومعشوق (مش فاهمة يعني ايه) وعلشان كده هيحاسبني على ضعف المساحه يعني لو ركب 2 متر هياحسبني على 4 ونفس نظام المتر 15 جنيه
ياترى الحساب كده كويس ولا غالي؟؟ والمفروض حوض الحمام والمطبخ ساقط جوه رخامه ..المفروض هو يركب لي الرخامه وبانيو الحمام ولا ايه؟
اعتذر للاطالة وارجو من الله انك تلاقي وقت ترد على اسئلتي
شكرا جزيلا مقدما

رد: معرفة اي حاجه عن تركيب السيراميك
 

وعليكم السلام ورحمة الله وبركاته واما بالنسبه لكلام الاعضاء عني فهذا الكلام فيه مبالغه وان دل هذا الكلام فانه يدل علي كرم اخلاقهم والا فانا اقل مما ذكر واسال الله ان يجعلني خيرا مما يظنون وان يغفر لي مالا يعلمون والا يفتنني بما يقولون واما عن تسجيل حضرتك فدي شي يسعدنا واسال الله ان تجدي اجابه لكل سؤال واما عن موضوع المقاول الذي تولي مسؤلية تشطيب الشقه فاسال الله ان يعوض عليك خيرا ودي شئ موجود بكثره ومر علي كثير وحتي لو اخذ اكثر من المعتاد هذا كله يهون ان كان الشغل كويس فانا اعرف ناس جابت حاجات غاليه ومع ذلك باظت في الشغل فخسرو الشغل وثمن البضاعه وممكن يتعقدوا من الشقه كلها بسبب مثل هذه الافعال كل ما ذكرته لاقول لك ان حالك افضل من غيرك وانا عايز اقول انه فيه تفاوت في الاسعار في معظم المهن لكنه بسيط واما عن السيراميك فاقول بكل امانه انه سعره كده كويس لو الشغل كويس لسبب ان البورسلين متوسط سعر 20 وبيوصل ل25 يبقي هو خدمك في دي واما عن الباركيه واما عن الباركيه لا يقل سعره باي حال من الاحوال عن 20 لكن متوسط تركيبه 25 لانه بياخذ وقت في التركيب لان الصنايعي لو بيعمل 10متر في الباركيه بيعمل النصف اما عن كونه عاشق ومعشوق فدي تحتاج ايضاح لانه ممكن يكون مثل الطوب يعني البلاطه في نصف الثانيه فدي سهله اما لو سبعات وثمانيات فهذه اصعب ومش كل الصنايعيه بتعرف تركبه كدي وهو دي اساس عرضه في المعرض واللي بيشتريه بيشتريه علي هذا الاساس فيعتبر لو غالي هيبقي غالي 5جنيه لانه كدي محاسبك علي 30 جنيه للمتر لكن لو الشغل كويس مش مشكله لان الباركيه بالذات قل من يضبطه في التركيب لانه معظم عيوبه بيحرف وبيكون بايظ في الميزان يعني الميه ممكن تركن في اي ناحيه
فاعتقد انها زاد في الباركيه 5 وقل في البورسلين نفس الوضع فتكون المحصله ان السعر مش غالي واما عن الحوض والبانيو فدي شغل سباك لكن ممكن صنايعي السيراميك يركبه حسب الاتفاق لان فيه صنايعية سيراميك بيكونوا سباكين في الاساس وفي النهايه اعتذر للاطاله لكن اردت التوضيح واعتذر عن التاخير في الرد لظروف شغلي والله الموفق والمستعان