رد: تقرير عن مشاكل وعيوب نيسان صني 2009 - 2010
اللى تستحمل خالد خليفة تبقى عربية
والحمد لله بسم الله ماشاء الله لاقوة الا بالله عملت 80 الف كيلو فى سنة ولم يحدث الا بعض المشاكل الناتجة عن سوء استعمالى انا للسيارة مثل كسر اكسدام لما طلعت بيها الجبل كسرمقص داخل الجبل وده انكسر لانى كنت غشيم فى الطرق الجبليةو كنت ماشى بسرعة وصلت 120 فى الجبل ودى تساوى 200 على الاسفلت وفجأة طلعت لى حفرة عمقها حوالى متر والعربية طااااارت لفوق ونزلت انكسر المقص لكن غير كده بسم الله ماشاء الله ناعمة وقوية وكلها حنية ههههههههههههههههههههههه |
رد: تقرير عن مشاكل وعيوب نيسان صني 2009 - 2010
الحقيقه انا مبسوط جداً من هذا التقرير و انا معايا نيسان صنى اوتوماتيك 2010 و يسعدنى المشاركه فى هذا الموضوع
1-عزل غير جيد : مش قو ي ولكن طبعا ليس بمثيلتها في التقفيل اليباني( انت دافع كام) 2- كراسي بتزيق : نعم خصوصاً كرسى السائق بيزيق 3- كنبه بتهبط : مش عارف العربيه لسه عامله يدوب 5500 ك 4- دركسيون تقيل نسبيا : شوف هو فعلاً تقيل بس ممكن تكون ميزه أحياناً 5- بعض المشاكل المتعلقة بالمساعدين والعفشة : مقدرش أفيدك انما هى نشفه دا حقيقى 6- صوت الموتور العالي مقارنة بمثيلاتها 1600 cc : هو عالي فعلا و بيعلى اكتر بعد 120 7- ضيق الكنبه الخلفية : اعندك حق تماماً انا موافق جداً 8- دواسة البنزين بطيئة الاستجابة فى التسارع : موافق جداً انا ركبت اوبل استرا فرق كبير بين استجابه الأوبل و الصنى . 9- رعشة فى الفتيس : لأ غير موافق 10- خدمه ما بعد البيع : أسمح لى أضيف أكتر حاجه قرفانى فى النيسان حسبى الله فى مودرن موتورز ابو رواش |
رد: تقرير عن مشاكل وعيوب نيسان صني 2009 - 2010
سوقسوقالعربيه زى الفل
|
رد: تقرير عن مشاكل وعيوب نيسان صني 2009 - 2010
لازم يكون فى اجماع عن العيوب والمميزات اكتر من كده لأن كل واحد عنده مشكله مختلفه
|
رد: تقرير عن مشاكل وعيوب نيسان صني 2009 - 2010
طبعا لأ مش لازم اجماع
ولايمكن ان يحدث اجماع فى اى شىء ابدا الا فيما ندر او فى تعليمات ربنا سبحانه وتعالى ( الفرائض ) لكن غير كده لأ طبعا لازم تلاقى نسبة ولو ضئيلة عكس الجماعة وخصوصا اننا كل واحد له وجهة نظر مختلفة ورؤية مختلفة عن التانى وانا شخصية سيارات مثل ال 128 و الالنترا والاوبترا والافيو والسيراتو والبيجو 504 متدخلش ذمتى بتلاتة تعريفة لكن فى ناس تانية هذه السيارات من وجهة نظرهم قمة الأبداع اختلاف وجهات النظر ده طبيعى لكن احنا لازم يكون عندنا ثقافة الاختلاف يعنى نقول رأينا ونحترم رأى الاخرين وننزل على رأى الجماعة ولانتمسك برأينا طالما فى مصلحة الجماعة |
رد: تقرير عن مشاكل وعيوب نيسان صني 2009 - 2010
اقتباس:
|
رد: تقرير عن مشاكل وعيوب نيسان صني 2009 - 2010
اقتباس:
عيب فى تصميم كهرباء العربية توجد هزة بسيطة فى موتور السيارة كل ثانيتين تقريبا انت لا تشعر بهذة الهزة التى تزيد قوتها شيئا ما عند عمل المروحة ال low مع عمل السرعة الhigh للمروحة تزيد شدة الهزة المحصلة انك هاتتجنن لما تلاقى الهزة بتروح و تيجى طبعا معظم الوقت مش هاتكون السرعة الhigh شغالة لذلك هايتهيألك ان الهزة راحت و ان العربية (طبعت على بعضها) و دى الجملة اللى بيضحكو بيها فى التوكيل و فى منتديات تانية على اللى بيشتكوا من العيب دة بيستنى لما المروحة تفصل و يقولك بص (العربية زى الفل يا باشا) انا حاليا مش عارف اعمل ايه فى الموضوع دة بعد ما عرفت سببه اكبر دماغى ولا احاول اخلى جهاز المستهلك يتدخل |
الساعة الآن 08:25 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017