رد: لو سمحت ؟؟؟؟ إركن فى مكان تانى
 

انا الميكانيكى قالى كدة قول خمس دقائق ونازل وسيبك منة بس بصراحة مش بحب أعمل كدة انا بقيت تعبان من كثرة الخبطات اللى العربية بتأخذها وهى مركونة بسبب الناس اللى ما عندهمش ضمير واخر شئ النهاردة وانا جاى من الشغل ببص على العربية لقيت الشكمان سايب خالص وبقى الطبيعى إنى انزل أجد حاجة فى العربية لغاية ما بقتش فارقة
وحكاية إنك تسيب المفتاح مع سايس بلاش أحسن علشان والله اليومن دول البلد مش مضمونة
ربنا يحسن أخلاق الناس يارب

رد: لو سمحت ؟؟؟؟ إركن فى مكان تانى
 

معلهش انا صاحب صيدليه فى شارع شعبى زحمه جدا فى بورسعيد مستولى على نص مدخل الصيدليه شوية بلطجيه بعربية فاكهه وسايبين يدوب نص متر لفتحة الصيدليه وشوف بقى الدبان وقشر الفاكهة والشماسى اللى حاطينها لاما تكسرلك ازاز العربيه لاما تقع فوق حد ماشى طبعا مفيش حل لركن عربيتى غير بالبوز يعنى مش موازى للرصيف و حقيقى لما حد بيخش بعربيته مكانى فى مدخل الصيدليه ببقى هاين عليه اكسرله عربيته لان الصيدليه مش على ناصيه لانى مزنوق ما بين عربية الفاكهه و عربية صاحب المحل اللى جنبى ومبيبقاش لا فيه مكان لحد يخش الصيدليه الا انه ينط من فوق العربيه ولا عربية شركة دواء تنزلى بضاعه فالحل الامتل مش اننا نركن ادام المحلات الحل ان الداخليه تقضى على الباطجيه اللى واقفين بعربياتهم اليد فى كل حته ساعتها هنلاقى حته نركن فيها وشكرا

رد: لو سمحت ؟؟؟؟ إركن فى مكان تانى
 

رد: لو سمحت ؟؟؟؟ إركن فى مكان تانى
 

رد: لو سمحت ؟؟؟؟ إركن فى مكان تانى
 

شوفو يا جماعه المشكله من الاول مشكله تخطيط
يعنى الشارع مش ملك لحد
بس مثلا مينفعش ان الواحد يبقى عايز يركن ادام بيته ومش يعرف مع العلم انه عامل حساب الركنه فى المساحه
وكمان اللى بيسكنو فى برج المفروض يا يركن ادام البرج او فى جراج او فى مكان مخصص لانتظار السيارت انما يركن مكان حد تانى دا برضو غلط
يعنى من الاخر دى مشاكل متراكمه .. والحل بسيط اننا نشوف الدول العالم كلها بتعمل ايه ونعمل زيها

برضو احنا دوله فقيره والمفورض الغاء دعم البنزين دعم البنزين والمفروض يطون فيه رسوم زحام
وكذلك الغاء الجمارك على كل المنتجات