المشاركة الأصلية كتبت بواسطة wf-m65 (المشاركة 530229)

الخيره فيما اختاره الله اخى العزيز
انا ان شاء الله تعالى رايح بكره احجز الخليجى 2012
والمفروض انها جميع الكماليات وربنا يسهل
بالنسبه للهاى لاين 2011 على حد علمى
ان السورى هيه الوحيده اللى فيها Esp

المشاركة الأصلية كتبت بواسطة محمود سامى محمود (المشاركة 530209)

يا جماعة كل موديلات السول فيها esp و الايمبولايزر .. الوكيل نفسه مش عارفين إذا كان فيها أيمبولايزر ولا لا لأن مافهاش لامبه بتنور و بتطفى زى المعتاد . انا عرفت من موقع كيا نفسه لما كشفت عن سيارتي برقم الشاسيه .. جابلى مواصفات السيارة كلها و لاقيت الايبمولايزر مكتوب بالمواصفات مع إن مافيش لامبه بتنور و تطفى فى التابلوه .. أما ال esp فهيا موجوده لامبه بتنور فى التابلوه لمده 5 ثوانى عند وضع المفتاح على on وبعدين بتطفى ..
مع العلم إن سيارتى خليجي

المشاركة الأصلية كتبت بواسطة mhmdkhamis (المشاركة 530234)

بص هقولك على حاجه لو كده اتاكد الاول فى الاول المعرض عملى من البحر طحينه بس بعد كده اكتشفت ان فى حاجات معينه بتنزل فى الاردن و سوريا مفهاش بعض المميزات دى

فانتا شوف الفرق فى السعر بين المصرى التوب لاين و الخليجى عموما

و اعمل حسابك انك عشان تعمل صيانه دوريه عند كيا بعد كده لازم تدفع مبلغ 2400 جنيه تقريبا دى صيانه 3 سنين عند شركتين معينين بيحددهملك المعرض و شوف انتا مستريح لايه و اختار الانسب

انا اول ما فكرت اشترى خليجى كان عشان لكماليات و بعد كده فهمت اللعبه الى بتحصل

و العربيه دى فعلا محترمه و بلاش تحس انك ناقصك فيها اى حاجه بجد طالما كده كده هتدفع ده رايىى :w6w2005041113562663

المشاركة الأصلية كتبت بواسطة wf-m65 (المشاركة 530247)

جزاك الله كل خير اخى الكريم
فعلاً والله انا شاكك فى الراجل
عارف بيقولى 2012 مواصفات كامله 125000ج ولما تيجى هنزلك فى السعر كمان وعايزنى ادفع جزء والباقى عند الاستلام بكره بالليل .. سعر غريب مش كده
بالنسبه للخليجى انت عارف كل الناس بتقول انه احسن فى الكماليات وفى الموتور
وفى التكييف وفى البويه وفرق فى السعر كمان حوالى 8000 ج
بالمناسبه انت هتستلم امتى ان شاء الله
انا كنت هحجز من التوكيل فرع روكسى وقالى الاستلام بعد 3 اسابيع
وبعدين غيرت وفكرت فى الخليجى

المشاركة الأصلية كتبت بواسطة mhmdkhamis (المشاركة 530287)

لالالا افهم منه الكماليات بالتفصيل الممل الى هتيجى بيها العربيه و اسال فى كل كبيره و صغيره و الله انا روحت للمعرض و معايا نص تمن العربيه

بص الى اكتشفته بعد كده ان مفيش مرايات ضم و فتح كهربا و لا فيه مخدع و ده اعتقد انه موجود فى التوب لاين و مفيش سمارت كاي و لا تكييف تاتش ولا ebd
الكلام ده وقت م كنت هدفع نص المبلغ الكلام وقتها كان على 131000 و كنا لسه متكلمناش فى السعر النهائى لانى كنت رافض فكره انى مركبش عربيه فيها كل الى عايزه

المهم انا حاجز من عند الطارق فى اسكندريه لو تعرفه (طارق اسماعيل و المفروض استلم خلال يومين ) بضمان التوكيل