المشاركة الأصلية كتبت بواسطة hazem_khidr (المشاركة 152599)

هات مساعدين مونرو افضل شي و حتظبط عفشه العربيه
بالنسبه للبيض بصراحه في ال 132 و ال 125 كنت دايما بركب البيض الالماني لانه افضل بيض يركب
في التيش و الدركسيون و الايطالي جربته مره واحده لكن مش زي الالماني في الاستحمال بصراحه.

المشاركة الأصلية كتبت بواسطة luckyman (المشاركة 152792)

دة ايام ما كانت العربيات ما كان لها طعم وريحة ومتعة للاسف بس الحمد لله اننا لاحقنا العصر دة واتمتعنا به وانت اثبت من كلامك انك انسان مش عاشق للسيارات لا انت انسان متطلب ومتمكن يعنى محترف ولك منى فائق الشكر والاحترام

المشاركة الأصلية كتبت بواسطة severeman (المشاركة 153307)

علم وتم التنفيذ

انا غيرت البيض وجبت بيض الماني زي ماقلتلي ورحت وديتهم للعفشجي انهارده

اسدق برضو ان الشكل والتقفيل مختلف من الالماني للايطالي

الالماني انضف طبعا

كنت منتظر ردك ياحازم ياباشا

ونصايحك بتتنفذ على فكره

بالمناسبة انا صارف على شويه حاجات في العفشه ماتجيش في كيسة سمره (بيض وتيش ثابت وجلب وجوز مساعدين وشكرا) بتاع 900 جنيه

ptmnlo123per144ولسه

كنت عاوز بس استفسر منك اجيب باور منين ويعملة كام
وهل في نوع معين اجيبه ولا ايه بالظبط؟؟

المشاركة الأصلية كتبت بواسطة hazem_khidr (المشاركة 153793)

الله يخليك يا لاكي باشا و شكرا جدا علي كلامك
بصراحه انت راجل مهذب و محترم و نتمني نشوفك في المقابلات لنتعرف وجها لوجه:)

و لا يهمك الفلوس مش خساره في العربيه و ان شاء الله حتنبسط لما تركبها
العفشه من الحاجات اللي لازم تصرف عليها كويس علشان هيا دي روح العربيه
ولما تركب العربيه مع العفشه الجديده و الابواب المظبوطه حتلاقي العربيه ماسكه نفسها
و تحس انك واثق من العربيه تمام الثقه
و يا سلام لو قواعد الموتور سليمه هيا كمان تبقي كده بقيت مش محتاج حاجه خالص
بالنسبه للباور تجيبه من عزبه شلبي فيها قطع غيار فيات كتير
و فيه واحد في شامبليون جنب ابو طارق بتاع الكشري ممكن يركبهولك
هو غالي شويه بس راجل شغله عشره علي عشره روح له الاول و هو حيدلك تجيب الحاجه منين

المشاركة الأصلية كتبت بواسطة hazem_khidr (المشاركة 153861)

بالنسبه للباور بصراحه اسعاره قطع الغيار حاليا مش حعرف افيدك فيها
انا اخر مره كنت واقف علي تعديل زي دا مع واحد صاحبي اتكلف حوالي 1500 جنيه
خزنه دركسيون باور و كمبروسر و علبه زيت و خراطيم و ما الي ذلك
ممكن تكون الاسعار اقل او اكتر حاليا الله اعلم
اسأل العفشجي اللي بقولك عليه و هو حيدلك تجيبه منين
علي فكره الصوره اللي في تعليقك حلوه اوي:)
العربيه شكلها رايق و كمان دا اكتر لون بحبه