رد: الطريقة الصحيحة لامساك الدركسيون
 

علي فكرة انا بمسك الدركسيون بكلتا يديا بس اصدقائي بيتريقو عليا ويقولولي انت خايف حد ياخدها منك؟
بس انا فعلا مبحسش بالامان الا كدة
موضوع مفيد وربنا يسلمنا جميعا
ولك كل الشكر اخي الحبيب

رد: الطريقة الصحيحة لامساك الدركسيون
 

شكرا على هذه المعلومات القيمة , وأنا والحمد لله بسوق كما ذكرت

رد: الطريقة الصحيحة لامساك الدركسيون
 

اريح وضع واكتر وضع بركز فيه 2 - 10 .. وكتير بستخدمه خصوصا في السفر
لكن غالبا لو الطريق فاضي او الوضع يسمح ... بتبقى الشمال على الساعه 11 و اليمين على عصايه الفتيس
اتعودت على الوضع ده من سنين حتى بعد سواقه الاوتوماتيك لمده 3 سنين .. برضو ايدي اليمين بسندها كتير اوي على الفتيس
ولأن مشاويري كتيره وبزهق بسرعه ففي مسكات كتيره عجيبه بس مبطولش عليها
الساعه 7 بايدي الشمال واليمين على الفتيس لما ازهق من الساعه 11... أو اليمين 5 والشمال على الشباك ده لو انا لوحدي في شارع طويل مستقيم
الايدين الاتنين جوه الطاره بالعرض والابهام على الكلاكس خصوصا لو الطريق فيه منحنيات بسيطه
الساعه 12 - 3 لو طريق مدغدغ و مليان نقر و مطبات
وساعات بنسى الساعه كام و امسك الطاره مسكه ديجيتال .. واسقف :)

رد: الطريقة الصحيحة لامساك الدركسيون
 

انا عن نفسى بسوق بايدى الشمال بس وصعب اوى عليا اسوق باليمين (سبحان الله مع انى مش اشول يعنى)

بس ساعات لما اخد غزر او وانا بجرى جامد بحط ايديا التنين جوا الدركسيون علشان التحكم وعلشان الكلاكس اكتر ..

ايدى اليمين ببدل بيها ساعات لو ايدى التانية تعبت او لما بركن فى حتة ضيقة علشان الف بسرعة ..



موضوع مفيد يا باشا تسلم ...

رد: الطريقة الصحيحة لامساك الدركسيون
 

شكرا على المعلومة ياباشا هو عموما دى مسألة تعود بس يفضل طبعا وانت على سرعة عالية تمسك الطارة بإيدك الاتنين كويس قوى عشان تبقى ثابتة انما السرعات البطيئة زى وانت ماشى فى اشارة مثلا ممكن بإيد واحدة لو هاتقدر تتحكم فى العربية كويس .