مصر موتورز مجتمع السيارات - كل شئ عن الديفيل.

اقتباس:

المشاركة الأصلية كتبت بواسطة abu eldhab (المشاركة 290315)

الكلام ده حلو بس عايز واحد دايس اوى انا عايز أسال بس لو عايز اركب ديفل لمجرد شكل وصوت اركب علبه ولا ايه بالظبط وبكم تقريبا؟

كل العلب ياباشا بتعمل صوت:), والشكل حسب اللى أنت عايزه, فى علب فتحتين, وعلب فتحة واحدة كبيرة, وعلب لونها أستانلس, وعلب لونها نارى (محروقة يعنى), وعلب كاربون, الميزانية هى اللى بتحدد.

من 150 الى 200 مثلا فى علب مصرى عمولة وعلب صينى شبه زبالة, لحد 500 جنيه max فى العلب الفتحتين, والعلب الصينى النضيفة أوى, والكاربون والعلب ذات اللون النارى, علب تمنها فيها بصراحة.

لحد 1000 فيه العلب الماركات الأستيراد زى HKS , CherryBomb, jazma, TRD, DC والمزيد والمزيد, ودى طبعا حاجات أصلى صوت وأداء.

لو عايز حاجة شكلها كويس جدا, وصوتها غير مزعج وبيظهر مع الكبس, وفرق طفيف فى السحب, خليك فى رينج من 200 ل 500, فى حاجات بتعمل 350 و 450 وشكل وصوت تحفة, وبلاش الحاجات الرخيصة علشان متندمش, الغالى تمنه فيه.

- ملحوظة: دى العلبة ذات اللون النارى Burnt tip muffler

http://www.autocityimports.com/image...-Burnt-Tip.jpg

- وده الكاربون

http://image.made-in-china.com/2f0j0...JW-AFA001-.jpg

الأثنين فى رينج ال 350 الى 500 جنيه, وشكلهم بيحكى الحكاية كلها.

- وده اللى بفتحتين

http://www.autotoys.com/pics/thumbs/t_156013.jpg

وده بيبدأ من 250 جنيه.

وطبعا فى حاجات أستيراد رخيصة, وحاجات مصرى وصينى نضيفة جدا ورخيصة برضه, بس صعب جدا تلاقى واحدة.

أرجو أنى أكون أفدتك.

اقتباس:

المشاركة الأصلية كتبت بواسطة alex man (المشاركة 290388)

موضوع ممتاز وجزاك لله ألف خير

ألف شكر ياباشا, شرفتنى بمرورك. ROSE4U