مصر موتورز مجتمع السيارات - للرد على استفسارات الاعضاء والدعم الفنى لمالكى الفيرنا

التكييف عندى ضعيف بمعنى انى اشغل التكييف على 2 الاقى الهواء ضعيف فلازم اجيبه على 3 او 4 قولت يمكن المشكله فى الفلتر اللى وراء التابلوه و ده اول مره افتحه فتحته ملقتش فلتر هو عباره عن الغطاء اللى بفتحه فيه سفنجه و سربنتينه فى الداخل و السربنتينه ديه عليها تراب كتير قوى قولت يبقى المشكله هنا بس لسه منظفتهاش لان المكان ضيق قوى عاوز خرطوم هواء بس السؤال هنا اين الفلتر اللى بيحمى السربتينه ديه مع العلم انى فتحت عربيه صديق لى لسه على الزيرو ملقتش فيها برده الفلتر ده

elsheikh2010

29-06-2012 02:26 AM

رد: للرد على استفسارات الاعضاء والدعم الفنى لمالكى الفيرنا

السلام عليكم ورحمة الله وبركاته معايا فيرنا 2011 بقالي مده بسمع صوت جاي من قدام مش عارف من الكونسول أو مش عارف منيين عامل زي صوت صوصوة زي صوت مسمار مفكوك أو صوت كأنه صوت سلسلة مفاتيح موجودة في الكونسول بيظهر بس لما بأكون ماشي علي أسفلت محبب فقط لا غير يعني ما بيظهرش حتى لو ماشي على مدق ...... فياريت حد يقولي ايه الصوت ده ؟؟؟؟ لأني بأحس انه جاي من عند بكر التكييف ولكن فيه واحد زميلي معاه كارينز خليجي قالي الصوت ده برضه عندي ولكن ديه البسكوتة بتاعة التيل الأمامي ... فأرجو المساعدة

the lion007

24-08-2012 07:26 PM

فيرنا 1.4m 1600cc اتوماتيك

السلام عليكم يا اخوتي
لدي مشكلة مع سيارة فيرنا موديل 2006 1.4m اوتوماتيك وهي طفي السيارة وهي على الطريق وعند الانتظار لمده ربع ساعه تقريبا تعود للاقلاع ويتكرر الامر مرات عده مع العلم ان المقود كان كهربائية وتم تعديله لهيدروليك.... فما المشكله فيها ؟؟ وما الحل ؟؟

waelsalah

29-08-2012 04:55 PM

رد: للرد على استفسارات الاعضاء والدعم الفنى لمالكى الفيرنا

السلام عليكم ورحمة الله
هل متابعة صيانة السيارة الزيرو (فيرنا ) فى الضمان مهمه ولا ممكن التغاضي عنها خصوصا انها هتكون تاكسي ؟
يعنى اقصد عشان هى زيرو اروح اعمل صيانه هناك حتى ولو لاول مره عشان فى حاجه فى عيوب التقفيل ولا اتوكل على الله واتابع بره ؟
وايه اهم اشياء تتعمل فى استلام السيارة وبعدها من احتياطات للصيانه من فضلكم ؟
1- الزيت
2-افضل نوع ومقاس الكاوتش و الجنوط
3- ايه حكاية تركيب سسط ناشفه فى الخلف عشان متحكش ؟ دى بتيجي من موديل تانى ولا بتاعة الفيرنا بس نوع معين ؟
4- المزيد عندكم باذن الله
وشكرا جزيلا

mody112

03-09-2012 04:16 PM

رد: للرد على استفسارات الاعضاء والدعم الفنى لمالكى الفيرنا

السلام عليكم لو انا عاوز اشترى فيرنا مستعمله فاى موديل تنصحونى بيه ؟ وهل فعلا موديلات ما بعد 2007 فيها ثبات اكتر من اللى قبلها ؟
وهل الفيرنا افضل ام اللانوس ( جولييت ) ؟

الساعة الآن 02:25 PM.

صفحة 107 من 146

« الأول