|
|
رد: يلا نفطر طفل يتييم , معاً نشارك في فعل الخير مع شلة الخير .
سوف نسعد بمشاركتك معنا ومع الأطفال الأيتام في الحفل الخيري لإسعادهم ومشركتهم فرحتهم في هذا اليوم لكي ننول الرضا من الله عز وجل . ميعاد الحفل : يوم الثلاثاء الموافق 28 رمضان 1431 هـ - 7/9/2010م من الساعة 5 مساءً وحتى 11 مساءً . مكان الحفل : نادي مصــر حلـوان للغـزل والنسيـج - أول شارع سكة الوايلي أمام منزل كوبري منشية... الجمل الجديد - بحدائق القبة / الزاوبه الحمراء
|
رد: ياترى نفسك تعمل اية فى حياتك؟
السلام عليكم و رحمة الله
ها أنا قد ظهرت ( ما كنتش مستخبي ولا حاجة ) اعذروني لإنشغالي الأيام الماضية ( و حتى الان و الله ) لظروف العشر الأواخر و انتظاري مولودة اليوم إن شاء الله ( إدعولي ربنا يقومها بالسلامة ) الكلام في دماغي كتير و مش عارف أرتبه و لكن ممكن أعمل له موضوع لوحده بعد كدة الكلام على تغيير النفس لا ينتهي و قد تجد له مئات بل الاف المواضيع و الكتيبات في الكتب و على الانترنت ( و من أهم ما سمعت في هذا الموضوع سلسلة أصول الوصول إلى الله و سلسلة أصول الالتزام للشيخ محمد حسين يعقوب ) و لكني أريد أن أهمس في اذان أحبابي هل تريد فعلا أن تعمل restart؟ إذا لابد أن تعمل بعده format لأنه لو عملت restart بدون format نفس المشاكل سوف تظهر مرة أخرى و لو فيه virus مش حايروح أظن إني وضحت وجهة نظري بمعنى اخر اسأل نفسك بصدق مستعد تغير كل حاجة يعني إيه كل حاجة؟ يعني كل حاجة : طريقة لبسك , نومك , شغلك , و حتى مراتك ؟؟ ( أنا مابقولش كدة علشان حد يغير مراته و يفهمني غلط يا أحمد يا بدر :) ) حد تدبر الاية دي : ( إن الله لا يغير ما بقوم حتى يغيروا ما بأنفسهم ) البداية : التغيير للأفضل و كل خير بيد الله سبحانه و تعالى فسأل الله تبارك و تعالى بصدق يرزقك فوق ما تريد و للحديث بقية .. ( عايز أنام لي ساعتين قبل العملية ) |
رد: متقلش ادينا ايه لمصر قول اخدنا ايه من مصر
السلام عليكم و رحمة الله و بركاته أنا بقه , أخدت من مصر أكبر مقلب فى حياتى , لأنى بعد ماخلصت الجامعة و حصلت على شهاداتى الجامعية اللى هى فى تخصص دقيق و نادر فى الطب , مالقيتش أى ريحة لأى فرصة عمل فى بلدى - قصدى اللى كانت بلدى - مصر و اضطريت أنى أسافر أشتغل فى السعودية , انتوا أكيد عارفين يعنى ايه الشغل فى السعودية و الخليج MAD. و لما جيت أهاجر, بالطبع , لقيت أن الشهادات اللى معايا كووووووووووووولها , مالهاش أى قيمة فى كندا و أنى لازم أبدأ من الأول , يعنى أنا فى مصر ضيعت حوالى 12 سنة من أحلى سنين حياتى فى الأونطة , منك لله يا مصر . أنا لو أقدر أنى أمسح من تاريخ حياتى أنى كنت فى يوم من الأيام مصرى , كنت عملت كده , بس للأسف , ماينفعش . حسبى الله و نعم الوكيل . مرسيدس اس430 |
رد: أنا عايز أعدد " للمتزوجين فقط "
أسجل إعجابي الشديد بهذا الموضوع و مداخلاته الرائعة و الردود الماتعة من أخينا أحمد فاروق
و أحب أن أسجل تجربة شخصية: المشكلة الفعلية في مشاعر النساء المصريات حتى لو كانوا في قمة الالتزام بالشرع (و دي التكة الوحيدة اللي دماغهم متربسة عليها) لأ يعني لأ لو عايز تتجوز تاني يبقى تطلقني الأول أنا حمايا الله يرحمه كان رجلا و نعم الرجال ( أحسبه كذلك ولا أزكيه على الله ) و رزق بحماتي و هي من خيرة النساء أيضا ( أحسبها كذلك ) و رزق منها بثمانية أبناء ( 4 أولاد و أربع بنات ) و كان موظفا عاديا و لكن البركة كما تعلمون المهم قبل وفاته ببضعة شهور كان يمهد معها موضوع الزواج الثاني و كانت رافضة رفضا باتا على الرغم من أنه كان يعلن أمام الجميع أنه يحبها حبا شديدا و أنه لن يوجد مثلها في قلبه و للعلم لقد كان له شخصية قوية طاغية و مؤثرة على من حوله , و تدخل كثيرا في زيجات ( ثانية و ثالثة ) و فض منازعات زوجية و لكن أنا أظن أنه لم يتزوج لأنه كره أن يؤذيها و ما المانع؟ هذا ليس ضعفا , خصوصا إذا علمت أن إصرارك على الزواج الثاني قد يهدم الأسرة الأولى و أظن أن هذا فسادا أنا لست مع تقييد الزواج الثاني بالمصالح الشرعية كالمرض للزوجة الأولى أو عدم الانجاب او مساعدة الزوجة الثانية كأن تكون أرملة أو مطلقة ولكن من أراد الزواج الثاني ( طبعا بعد القدرة المادية و الجسدية و العدل ) عليه بأن يتأكد أو على الأقل يغلب على ظنه عدم هدم البيت الأول و أنا و الحمد لله متزوج منذ أربع سنوات و معي محمد و إن شاء الله مريم بعد بضع ساعات , لا أريد الزواج الثاني لأنه أذيه للزوجة و قد يهدم البيت و لا داعى له على فكرة أنا كان رأيي قبل الجواز إني لو قدرت أتجوز أربعة حايكون الثلاثة اللي بعد زوجتي أرملة , مطلقة , معوقة ( ماحدش يضحك : ) ) |
رد: متقلش ادينا ايه لمصر قول اخدنا ايه من مصر
رغم كل اﻹحباط ***** بلدنا آمانة فى إيدينا نعليها مادام عايشين نعيش فيها سنين و سنين و إحنا مطمين ما شربتش من نيلها؟ طب جربت تغنيلها؟؟ جربت فى عز ما تحزن تمشى فى شوارعها و تشكيلها ما مشيتش فى ضواحيها؟ طيب ما كبرتش فيها؟؟ ولا ليك صورة ع الرمل دامت ع الشط بمعانيها؟؟ دور جواك تلقاها هى الصحبة و هى الأهل عشرة بلدى بتبقى نسيانها ع البال مش سهل يمكن ناسى لإنك فيها مش واحشاك و لا غيبت عليها بس اللى مجرب و فارقها قال فى الدنيا ما فيش بعديها إن غبت بحنلها و أنسى الدنيا و أجيلها و إن جيت أنسى تفكرنا بمليون ذكرى القلب شايلها غالية بلدنا علينا و ها تفضل فى عنينا و مدام بنحب بلدنا تبقى ها تتغير بإيدنا إحنا اللى نعليها بإيدينا نخليها أجمل لينا و لولادنا مهما العمر يعدى عليها |
| الساعة الآن 02:55 AM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017