مصر موتورز مجتمع السيارات - اى سؤال بخصوص الرخام و الجرانيت انا تحت امركم

مصر موتورز مجتمع السيارات (https://www.masrmotors.com/vb/index.php)

- تجارب اﻷعضاء (https://www.masrmotors.com/vb/forumdisplay.php?f=178)

- - اى سؤال بخصوص الرخام و الجرانيت انا تحت امركم (https://www.masrmotors.com/vb/showthread.php?t=84464)

رد: اى سؤال بخصوص الرخام و الجرانيت انا تحت امركم

ارجو ان تنصحني فأنا أريد تركيب رخام سيلفيا اﻻخضر في صالة الشقة نظرا لعدم قدرتي شراء الرخام اﻻغلى ولأنه ذو شكل جميل فبماذا تنصحني لتنفيذه بنجاح لأننى اعرف انكم كمتخصصين لا تحبذون هذا النوع وما هى تكلفته التقديرية وهل هو أفضل أم سيلفيا الأصفر لك مني كل الشكر التقدير

رد: اى سؤال بخصوص الرخام و الجرانيت انا تحت امركم

ماشاء الله موضوع ممتاز جعله الله في ميزان حسناتك
لو سمحت عندي استفسار
انا محتاجه اعمل فتحه في جرانيت المطبخ عشان ماسورة الغاز تعدي منها
و مش عارفة ممكن اي سباك يفتحها ولا لازم واحد متخصص في الرخام
ياريت ترد عليا بسرعه عشان بتوع الغاز شغالين في العمارة
و لازم اخلص الموضوع ده خلال يومين بالكتير
و علي فكرة انا ساكنه في طرة قريب من شق الثعبان
بس انا جديده في المكان و معنديش فكرة عن الورش :pty:
ياريت تساعدني ربنا يكرمك:fun_36_3_9[1]: *

رد: اى سؤال بخصوص الرخام و الجرانيت انا تحت امركم

اقتباس:

المشاركة الأصلية كتبت بواسطة ahmkhedr (المشاركة 986906)

لافرق بين خامة السيلفيا الاصفر او الاخضر ومشكلتة كخامة هى فى تفتيح العروق بعد حوالى 6 اشهر من الركيب وهى مشكلة لايمكن حلها الا بالصيانة واعادة الجلاء مرة كل 12 شهر متوسط سعر التركيب و الجلاء ( بدون الرمل و الاسمنت ) من 180 الى 220 للمتر المربع
انصح بتركيب بورسلين بدلا من السليفا
مع خالص تحياتى

رد: اى سؤال بخصوص الرخام و الجرانيت انا تحت امركم

اقتباس:

المشاركة الأصلية كتبت بواسطة tomyseal22 (المشاركة 986917)

مش لازم حد متخصص فى الرخام الموضوع بسيط المشكلة هى لازم يكون مع الصنايعى حاجة اسمها كوباية ودى بتركب فى الصاروخ لعمل الفتحة الخاصة بماسورة الغاز ( نفس فتحة الخلاط فى حوض الحمام ) الاول شوفى عمال الغاز ممكن يكون معاهم الكوباية دى او لو فية سباك قريب منك للاسف انا لو موجود بالقاهرة كنت بعت حد من عندى عملهالك المشكلة انى فى مرسى علم فى الوقت الحالى
مع خالص تحياتى

رد: اى سؤال بخصوص الرخام و الجرانيت انا تحت امركم

كنت عاوز اسئل حضرتك الوزرة يتاعت رخامة المطبخ ملصوقه فى السيراميك وانا عاوز اخلع جزء منها علشان اعمل تعديل فهل اللاصق يعلم فى السيراميك ولالا

رد: اى سؤال بخصوص الرخام و الجرانيت انا تحت امركم

معلش اضافة لما سبق انا عندى حوض المطبخ ساقط فى الرخامة نوعها جرانيت وعاوز اجيب حوض اكبر ينفع الفتحة يتاعت الرخامة تتوسع ولا تتكسر ..

رد: اى سؤال بخصوص الرخام و الجرانيت انا تحت امركم

1- بخصوص مراية المطبخ
لو متركبة باسمنت ابيض او بمادة لصق سراميك مش هتسيب اثر انما لو التركيب بكلة رخام هتأثر على السراميك وفى بعض الاحيان صنايعى التركيب ( بيخربش ) السراميك قبل تركيب المراية لضمان قوة التماسك فلازم الاول حضرتك تعرف السراميك متخربش بصاروخ ولا لاء .
2- بخصوص توسيع فتحة الحوض . مافيش مشكلة بس اهم حاجة لايقل الفرق بين عرض الحوض و عرض الجرانيت او الرخام عن 20 سم بحيث لو القرصة الجرانيت عرضها 60 سم بيكون اقصى عرض للحوض ( الحلة ) 40 سم او 45 سم لو القرصة جرانيت
مع خالص تحياتى