|
رد: حمرا يا برادعي
بعد 55 مشترك في الاستطلاع
النتيجه لحد دلوقتي : 63% قالوا حمرا و33% قالوا خضرا و4 % لسه بيفكر واحقاقا للحق نتيجة الدكتور البرادعي احسن بكتيير من نتيجة طنطاوي اللي حصل على اقل من 5% في استطلاع تاني شارك فيه 41 مشترك ؟ |
رد: حمرا يا برادعي
اقتباس:
يا استاذ عبده باشا ... حد يشتري برضو من مرتا ( مرتضى يعني ) طيب ده كله كلام مرسل من غير اي ..... ( سيديهااات ) ولا اكمنه طلع بيركب التوك توك صدقته اما بخصوص الفيديو التاني فرغم انه اساسا دفاع عنه مش هجوم عليه الا اذا كنت جايبه على اساس ان عمرو اديب دلوقتي بقى لا يؤخذ على كلامه او باعتباره فل كبير ..... لكن الرد عليه بسيط اوي ... دي صور شخصيه لبنته بالمايوه و صور من فرحها ... ومكنتش للنشر العام لكن تم تسريبها ... ومفيهومش اي صور ( خارجه ) او حد طلع ماسك ازازه اوة كاس ... متنساش انه فرح في النمسا والمعازيم اغلبهم اجانب .. فالطبيعي تشوف كؤؤس النبيذ على الترابيزات ... بس مفيش اي صوره للرجل او عيلته بيتعاطو الخمور انا مش بدافع عنه و اقول انه شيخ طريقه ... بالعكس هو اكيد اتأثر بنمط الحياه الغربي ... كمثال مثلا كان في قعده و هو ماشي قام يسلم على الناس باس الست من خدها .... مع انه ادى فريضه الحج !! عموما انا ممكن اجيب لك فيديوهات اشد من كده ... مع شارون و مقتطفات من كلامه ناس فسروها على مزاجهم ... لكن حسيتها كلها هجس ... و نفسي فعلا اشوف فيديو او تصريح واضح وقوي ... بس ميكونش نقلا عن سيدي مرتضى .... عفوا ..... الفيديو الذي ادخلته غير صحيح من فضلك اعد المحاوله مره اخرى ...... |
رد: حمرا يا برادعي
اقتباس:
|
رد: حمرا يا برادعي
الاحصائيه رقم 2
بعد 66 مشارك قالوا رايهم النسبه اتغيرت واتحسنت شويه لصالح البرادعي اللي زاد من 33% الى 38% والناس اللي بيقولوا حمرا نزلوا من 63% الى 58% يعني اللي بيقولوا حمرا ف خطر وياخوفي بعد شويه نلاقي النتيجه اتغيرت ونلاقي اللي بيقولنا حمرا انتو بقى ياللي بتقولوا حمرا .... ياخوفي :CONGRA~238: |
رد: حمرا يا برادعي
نعم انها فتنة البرادعى متى ظهر البرادعى كيف لمع نجم البرادعى من ساعد فى ظهور نجم البرادعى وقام بتلميعه
هل البرادعى اصبح البطل القومى لدى المصريين . هل تصدق كل ما يقوله البرادعى حتى لو هاجم الدين . هل تصدق كل ما يقوله البرادعى حتى لو كان دفاعآ عن ما يخرب ويدمر ويحرق فى مصر هل تصدق من يغير كلامه حسب الظروف ويتلون فى كل لون يقول للاعلام الغربى ان فوجىء بامه تحجبت وانه غير راضى عن ذلك ولا يعلم ما السبب وراء حجابها ويقول للاعلام المصرى ان والدته محجبه وهو يفتخر بذلك . يقول فى حوار قديم له ان الماده الثانيه للدستور تظلم الاقليات وان الدولة دولة مؤسسات والمؤسسات ليس لها دين اذن الدوله ليس لها دين ثم يغيير كلامه فى حوار اخر ويقول ان الماده الثانيه للدستور تدل على ثقافة البلد وان الاغلبيه فى مصر مسلمين لذلك فان الثفافه الاسلاميه هى التى تتحكم فى عمل الدستور وانه ضد تغيير الماده الثانيه يقول فى الاول ان المجلس العسكرى مجلس عار وضد الثورة ويجب ان يسلم السلطه لمجلس مدنى فورآ وعندما علم انه مش حيكون فى رئاسه المجلس المدنى قال من الافضل ان يمد حكم المجلس العسكرى فى مصر لاكثر من سنه |
رد: حمرا يا برادعي
متاااابع...:0832F7~168:
|
رد: حمرا يا برادعي
الله ينور عليكم جميعا ..
انا فضلت سايب الاستطلاع لغاية لما يستوي و اللي عايز يقول حاجة يقولها .. بنظرية خد فكرة و اشتري بكرة .. و انا اولا اخترت حمرا .. لسبب بسيط جدا .. انه مصر دلوقتي محتاجة دكر .. راجل ايديه من حديد .. قائد مبهر و عظيم اعطاه الله بسطة في العلم و الجسم .. و الحاجات دي موش في البرادعي .. اقولكم كل ما باشوفه بقول ايه .. الله ايه الكلام الجميل المنظم ده .. بس هو عايز يقول ايه بالظبط ؟ راجل رمادي .. في اقواله و افعاله و حتى اراء الناس عليه .. و مصر عايزة ناس شداد .. انا ماليش في السياسة .. بس انا ليه اوي في التاريخ .. و اللي غاوي تاريخ زي عارف انه الحوار ده حصل ميت مرة قبل كده .. و مخرجناش منه بفخر .. الا راجل دكر .. و البرادعي غلبان .. ممكن نستفيد منه كاداري في اي مصلحة للبلد.. انما منصب قيادي ..لأ.. و لذلك اقولها .. حمراء اللون يا برادعي .. |
| الساعة الآن 10:54 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017