رد: قبل أن تشتري اسبيرانزا - احذر!
 

تفسيرك على الاسبرانزا منطقى جدا وصحيح كمان لكن احب اضيف نقطة انة نفس السيارة بنفس الموديل يختلف من سيارة لاخرى ودة بالذات فى مصر يعنى بعتمد على التجميع والخطوط التجميع ومهارة الايدى العاملة ومكونات الموردين ودة مش تحمين دة حقيقى مستوى جودة التجميع المحلى زفت اقل ما يوصف ومش عارف استفدنا اية من التجميع المحلى الا ان كل الاستفادة كانت لاصضحاب المصانع توفير لكن لو كانت العربية نفسها صينى كنت تشعر بالفرق الكبير احنا بيحرمونا هنا من حاجات كتير يعنى مثلا الاسبرانزا متواجدة فى السعودية عند توكيل الحكير ايوة مالهاش شعبية بس شوف المواصفات والتقفيل الخ والسعر كمان ؟؟؟؟ التيجو مثلا هناك 2400 سى سى جلد ومستوى الدهان والفنش ممتاز كانة يابانة او كورى والسعر كله ما يبوازى 58000 ريال سعودى اى فى حدود 90 الف جنية

رد: قبل أن تشتري اسبيرانزا - احذر!
 

انا سائق تاكسى معى a516 موديل 2010 عاملة 15000 K اناشايف الموديلات الحديثة مفهاش نفس العيوب وانا فارنة اسعار قطع الغيار فى التوكيل باسعار السوق الفرق بسيط يمكن التاكسى لهو اسعار اخرة لوعايز تشترى عربية اسال من موديلات 2009 نصيحة بعض قطع الغيار خارج التوكيل مضروبة مش كلها بعضها لو حبات تشترى من خارج التوكيل ادفع ضريبة المبيعات وخد فاتورة فيها بينات المنتج بالتفصيل وختم المحال والتاريخ وتأكد انا اسم المحل فى الخدم هو نفس الاسم فى اليافضة الخاريجية للمحل ولو رفض يبقى قطع الغيار مش اصلية:THE_PR~18:

رد: قبل أن تشتري اسبيرانزا - احذر!
 

موضوع جميل والردود اجمل

رد: قبل أن تشتري اسبيرانزا - احذر!
 

بعد أذنكوا يا جماعه أنا بس عايز أعلق على حاجه بصيته بس سيبكوا بقى من الكلام على العربيه وعيوبها علشان دى حاجه معروفه وواضحه زى الشمس أنها عربيه زباااااااااااااااااااااله والأوبشن بتاعها عامل زى فنوس رمضان الصينى اللى بيشتغل يومين ويبوظ لكن مش دى الكارثه مكل العربيات فيها عيوب حتى اليابانى بينزل بعيوب بردوا بس المشكله مش فى كده المشكله فى خدمة مابعد البيع لأن بالعربى ومن الأخر مفيش خدمه أساساً التوكيل شوية نصابين بيشتغلوا على عربيه عارفين أنها فاشله والمهندسين فى التوكيل مقتنعين بكده وعارفين أنها عربيه فاشله كل حاجه بيقولك أنها فى الضمان ولما بتبوظ حاجه عندك بيقولك دى بره الضمان أنا معايا أسبرانزا A113 وبقالها سنه ونص ومعملتش غير 11 ألف كيلو بس يعنى مبمشيش بيها ومع ذلك كلها عيوب البارات الأماميه ضعيفه جداً دا غير العفشه بصفه عامه واللى بيتكلم على الكاوتش أنا غيرت الكاوتش كلوا لأنوا بإختصار الكاوتش بيضرب بسرعه واللى معاه أسبيرانزا يعرف دا كويس ومع ذلك مشكلة العافشه زى مهى تحس أنك راكب عربيه كروا ومع ذلك بردوا بعملها صيانه فى التوكيل كل ثلاثة أشهر يعنى فى السنه ونص عاملها 6 صيانات وبردوا العربيه مش بتسحب ولو شغلت التكييف بتموت ومع أنى بقولهم على العيوب دى فى الصيانه إلا أنهم مش بيعملوا حاجه لأنهم بمعنى أدق عاملين عربيه تشغلهم الشركه وللعلم العربيه دى فيها حاجه غريبه مشفتهاش فى عربيه غيرها أنها الكماليات بتاعتها بتبوظ وهى واقفه يعنى الكاسيت عندى باظ وهى مركونه وطبيعى رحت التوكيل علشان أصلحه قالوا لازم يتغير لأنهم مش بيصلحوا بيغيروا على طول قولتلهم ماشى قالولى على حسابى يعنى كل حاجه بتبقى على حسابك يعنى من الأخر أياااااااااااااااااك والإسبيرانزا ( حسبى الله ونعم الوكيل )

رد: قبل أن تشتري اسبيرانزا - احذر!
 

رد: قبل أن تشتري اسبيرانزا - احذر!
 

بناءا عن تجربة لشهرين
أقدر اقول الاسبيرانزا سيارة جميلة جدا
موضوع ان الشاسية قالب يمين فهو كلام ملهوش صحة و مش واقعى
التكييف تلاجة تلاجة
صوت الهبد فى المطبات بيرجع لثقل السيارة - العفشة الرياضية و فى الاخر انا كنت بحب الصوت دة لان كفاية انك فى الصالون احساسك بالمطب بيكون مش اكتر من هبدة عجل عالارض
العربية حلوة مش عارف لية حسستنى اننى ركبت كنبة
و الغلطة غلطتك انك استلمت من التوكيل على نفس الحالة
ربنا يباركلك

رد: قبل أن تشتري اسبيرانزا - احذر!
 

هى فعلا شيك لكنى شايف ان الفيرنا افضل منها خصوصا لو استيراد مش تقفيل مصرى