رد: السادة ملاك اسبرانزا الكرام .. الإجابة عن إستفساراتكم الفنية
 

و كمان احب اشكر الباشمهندس ايما على مجهوداته معانا و على فكرة يا هندسة انا اللي كلمتك امبارح عالموبايل (يوم الإثنين) و قلتلك اني باروح توكيل ابو رواش لأني من سكان مدينة 6 اكتوبر.
انا باشكرك جدا على اهتمامك و سعة صدرك في الرد على استفساراتي عبر التليفون رغم انك ماتعرفنيش قبل كدا و مافيش ليك مصلحة علشان تدوش نفسك بسماع شكوتي و محاولة مساعدتي فربنا يباركلك لأنك فعلا ادخلت السرور على قلبي فقط لأنك رديت عليا و ابديت اهتمامك انا فعلا كنت خلاص قربت افقد الأمل ان لسه فيه ناس بتتعامل كدا اليومين دول.
و شكرا ليك مرة تانية و ان شاء الله لما اروح ابو رواش هبقى اكلم حضرتك زي ما قلتلي علشان تكلم المهندس و توصيه عليا يمكن ربنا يهديهم و يهتموا شوية. و جزاكم الله خيرا
سلام عليكم

رد: السادة ملاك اسبرانزا الكرام .. الإجابة عن إستفساراتكم الفنية
 

[quote=aelmostafa76;192511]السلام عليكم
على فكرة يا جماعة ممكن الناس اللي بتقرأ المشكلات اللي انا كتبتها في الفقرة بتاعتي عن العربية A113 تفتكر أن العربية خردة و ان ازاي الواحد مستحمل اتلعيوب دي و هي عربية زيرو.
لأ و الله العربية حلوة و أحسن من المستعمل بس هو الموضوع إن انا كتبت كل الملاحظات اللي انا شايفها في العربية بس الحاجات دي مش تاعباني نفسيا بالدرجة اللي كان متصورها الأخ Sheekoo لكن لو الحاجات دي اتظبطت هكون في غاية السعادة لأن انا مقتنع تماما أن مافيش أي شيئ بيفضل على حاله من ساعة مالواحد بيشتريه لا بد ان يكون في كل يوم فيه نقصان حتى لو كنا مش بنلاحظه و هي دي سنة الحياة لكن الأهم بأه ان الحاجات دي نقدر نتداركها في وقتها و مانسبهاش لغاية ما تتزايد و تقضي على المنتج اللي احنا اشتريناه ايا كان. خصوصا أننا بالنسبة مثلا للإسبيرانزا نعتبر اشترينا منتج اقل في سعره كثيرا من نظيرها في السوق المصري مع وضع في الإعتبار الكماليات بتاعتها لأن الفرق في الحالة دي مش هيقل عن (من 10 الى 15 الف جنيه) فلو احنا حافظنا على العربية و أول بأول نسعى لتلافي أي مشكلة فيها فإحنا اللي كسبانين في الآخر مع وضع في الإعتبار أن حتى العربيات الغالية ساعات بيظهر فيا مشاكل غريبة رغم انها زيرو.
هذا فقط للإيضاح و ربنا يبارك لكل واحد في عربيته لأنه في الآخر دافع فيها الفات و الفلوس زي ما إحنا عارفين مش بتيجي بالساهل و ماحدش بيحب يرمي فلوسه في الأرض إلا لو كان مش تعبان فيها.
و أرجو ان الناس المسئولين عن التوكيلات يكونوا بيتابعوا حواراتنا دي و يتقوا الله فينا لأن مافيش حاجه في الدنيا تساوي أن واحد يكون شقيان في فلوسه و يظلموه يقوم يرفع ايده و يدعي عليهم و اكيد ربنا بيستجيب.
و شكرا[/quote

عزيزى علشان يكون الكلام بمطنق ان الانسان لما يتجة للجديد والزيرو انة بريح باله من المستعمل ومشاكله وبيبعد عن المقامرة والمغامرة لان مهما كنت انت انسان او اى شخص محترف فى عالم السيارات فالسيارات المستعمله هى نوع من المغامرة الخ
والسيارة الزيرو الانسان بيستثمر امواله فيها وبيشترى معاها راحة البال انما اشوفك حضرتك تحط قائمة بمشاكل لسيارة لازالت جديدة فهنا المقلب الكبير والخازوق كمان انى اروح اشترى معدة كالسيارة بعشرات الالوف وسعرها ليس بالقليل احنا مش بنتكلم عن نظارة شمس من على الرصيف ب 10 جينية لو طلعت بايظة بنزعل عليها محل عربية وفى الاخر نقول بس والله حلوة مش فاهم يعنى اية لو تداركنا العيوب اول باول يعنى ابدا اصلح مشاكل تصنيع ومصنع وخامات لو الموضوع كدة فعلا تبقى كارثة
انا عارف وقرات فى الموقع هنا اكتر من مشكله والواضح انها مش حقيقية ومفتعله ولا يمكن تدخل العقل بخمسة تعريفة واحد بابة طار وهو ماشى بالاسبرانزا انا عارف ان دى مواضيع لا اساس لها من الصحة وان كان لها شىء من الصحة فهو اكيد عامل يرجع للمستخدم
بس عايز اعرف برضة انتم لية انا بحس كانكم بتسماعونة كلام دعايات شخصية اكتر ما هو واقع
يعنى توصل لانى افضل اقرا ان الخامات بايظة والكاوتش متخزن وذات جودة متدينة الخ وافضل ساكت
مين السبب اكيد مش اسبرانزا الشركة الام دة يرجع للمصنع المجمع محليا لو كدة فعلا يبقى نصاب وحرامى وفين الجهات الرقابية والمسؤولة لكن اللى انا قراتة جعلنى اشك اكتر لما لانى بخبرتى المتواضعة عرفت ان فى مشاكل زى برنامج حياتى مفتعلة مصممة مسبقا ياريت اللى بيضع اى مشاركة فى المنتدى يتحرى الدقة وكل حاجة تتحط ولك منى خالص الشكر والاحترام

رد: السادة ملاك اسبرانزا الكرام .. الإجابة عن إستفساراتكم الفنية
 

على فكرة يا أستاذ luckyman أنا وضحت في كلامي أن المسألة ما هي إلا قرار يتخذه كل واحد مننا عن طريق معادلة تكون أمامه من طرفين و هما (مكسب / خسارة) و هذا الأمر يختلف من شخص لآخر فمثلا هناك من هم مثلي يمكن لهم ان يتحملوا بعض العيوب البسيطة التي تظهر سريعا في سياراتهم الجديدة _ مع العلم أن سيارتي عمرها معي الآن سنة واحدة فقط _ و هذه العيوب ليست بالخطيرة التي قد تتسبب في كوارث لا قدر الله و ربنا يحفظ الجميع و هذا في مقابل فرق كبير في السعر بين هذه السيارة و مثيلتها في الدرجة في السوق المصري.
فمثلا و انا من ملاك الإسبيرانزا A113 قبل شرائها وجدت أن اقرب السيارات لها في الشبه من حيث الحجم و سعة المحرك هما (الهيونداي I10 الجديدة سعر: تقريبا 64 الف جنيه سعة المحرك: 1100cc) و (الكيا بيكانتو سعر: تقريبا 63 الف جنيه سعة المحرك: 1100cc) فول اوبشنز و لا اذكر انواع غيرهما يمكن ان يكونوا في نفس الدرجة و سعر الإسبيرانزا هو: 52900 جنيه 1300cc فول ابشنز اي ان الفرق تقريبا 10000 جنيه و الإسبيرانزا موتورها اقوى و انا إمكانياتي لا تسمح بأن ادفع هذا الفارق ففي ضوء كل هذه العوامل بالإضافة لحاجتي الضرورية للسيارة اضطررت لأن اغامر و اشتري الإسبيرانزا و اقول اغامر نظرا لأنها كانت تعتبر سيارة جديدة على السوق المصري و و صينية المنشأ و سمعة السيارات الصيني عندنا سيئة ماركتها لها تاريخ ليس بالجيد في مصر (شيري) و اشياء كثيرة كلنا يعرفها و لكن بعد كل هذه الأشياء و بعد شراء السيارة فبالفعل السيارة كانت مظلومة جدا من كلام الناس و لكن بها بعض الأشياء الثانوية التي يتم ضبطها و تسير الأمر بعد ذلك على ما يرام بإذن الله و هذا الأمر ليس عند كل الناس فهو نصيب و رزق من الله ككل شيئ في حياتنا.
هذا فقط للتوضيح كما اني اتفق معك كليا في أن التوكيلات في مصر نصابين و حدث ولا حرج لكن هذه حكمة الله ما لنا يد فيها و ربنا يكفينا شرهم.
و شكرا

رد: السادة ملاك اسبرانزا الكرام .. الإجابة عن إستفساراتكم الفنية
 

انا شخصيا ناوى ومقرر ان شاء اجيب فى بيتى الاسبرانزا a113لانها سيارة اقتصادية وعملية وامكانيات مع الجودة والسعر فيما يعرف بالقيمة هى صفقة ذكية للغالية بس دة لو الاسبرانزا دى صينية مش تجميع محلى اشكرك على سعة صدرك ولك منى كل الشكر والاحترم ودمت بود

رد: السادة ملاك اسبرانزا الكرام .. الإجابة عن إستفساراتكم الفنية
 

السلام عليكم ورحمة الله وبركاته
أحب أشكر المهندس أيمن على مجهوده الرائع فى الرد على الاستفسارات وان كان بعض الردود مش مقنعة لبعض المستخدمين.
أنا لي سؤال أنا عاوز أجيب 516 أجيب ولا لأ
العربية امكتنياتها واتساعها عاجبنى بس المشاكل بتاعة الدينامو والعفشة والفتيس وحاجات كتيرة مش عارف دى عيوب ثابتة لا يمكن تلافيها ولا دى أقدار .
آسف للإطالة بس أنا زى معظم الشعب معايا فلوس على الأد ومش عاوز أرميها فى البحر.

رد: السادة ملاك اسبرانزا الكرام .. الإجابة عن إستفساراتكم الفنية
 

سوء استخدام الله يسامحك ده مفيش حد بيحافظ على العربيه زى
وبعدين ده دليل ان دى ماكينه اى كلام وعلى فكره انا بقى كان نفسى يقولوا سوء استخدام علشان
..........؟
مش كفايه الى حصل لينا من وره العربيه دى والى لسه هيحصل يا رب سلم

رد: السادة ملاك اسبرانزا الكرام .. الإجابة عن إستفساراتكم الفنية
 

كاوتش الشكمان وقواعد الماتور عليه ضمان 12 شهر