رد: السرعه و التسارع انا وصلت لاختراع مذهل
 

صباح الورد د بولبولان انت دكتور ظريف و روحك حلوه بس فى المنتدى ناس عايزين يعرفو الخطوط العريضه و انا مش عايز اقولها لكن اللى عايز يفك هو حر يفك زاى ما هو عايز اما حكايه النيتروجين فهو فعلا هو الغاز الاساسى فى الحرق الكامل و هو السبب الرئيسى فى هدوء الموتور لانه بيلغى الفرقعه الداخليه و يعمل على الحرق السريع هو ده اللى بيحصل اما حكايه متخزن فين فهو فى الداخل فى المانيفو اللى بيسحب الهوا من الخارج اما قصه ازاى فدى سرى سر الطبخه ولكن من ناحيه حد عايز يفك الموتور فطبعا انا حقوله ياخذ حظر من انهى جانب و يعمل ايه و هو بيفك لكن لما يرجع يقفل تانى ح قول له يعمل ايه لكن الفك لابد انه يكون بحظر بس عند الفك و التركيب لازم يغير جوان وش سلندر و جوان غطا التكهات حتى لو عربيه انجكشن و فيها بلوف هو المحلات قطع الغيار بيسموه كده جوان غطاء تكهات
و على فكره اى عربيه سوف يجر بها هذا العمل لابد من تغير الجوان حتى يصبح التقفيل جيد جدا و ميسربش زيت ده شرط اساسى و طبعا الجوان القديم بياخذو معاه وهو ماشى ويا دكتور
النهارده احد الاعضاء اتصل بى فهو محمد من كيلوبترا الاسكندريه سوف يساعدنى فى ايداع فيديو الاختبار بعد التنفيذ طبعا على عربيتى
و ده حيكون خير دليل على كلامى طبعا اللى حيبان فى الفيديو هو ان العربيه قطعت من 0 \100 فى اد ايه كام ثانيه ياعنى
ده حيبان منه قوه الموتور لان كل العربيه ما قطعت فى وقت اقصر دل على عزم وقوه اكبر و المعروف ان النوبيرا الشركه بتقول انها من 0 \100 فى 10 ثوانى ده الطبيعى بتعها بعد تطبيق العمل الله اعلم حتبقى كام انا لغايه دلوقتى معرفش حاجه انا فى انتظار ذالك اما موضوع البنزين فاستهلاكه حنمله اختبار فى السفر الى القاهره و الرجوع و بعد كده جو البلد و ان شاء الله حكتب كل المشاهدات الى حنلحظها سواء كانت ارقام ام مواضيع تخص اى قطعه غيار او زيت و اى شىء يمكن تصويره حصوره و هذا يقطع الشك باليقين

رد: السرعه و التسارع انا وصلت لاختراع مذهل
 

ممكن يا استاذ مدحت بدل مانستنى لحد 10 مارس تدلنا على اصحاب السيارات الفولكس والنص نقل نروحلهم فين ونشوف بعنينا اللى اتعمل فى عربياتهم ونجربها بنفسنا وبعدين لو عشنا لحد مارس نبقى نشوف عربيتك وهى بتتقفل واخبارها ايه مع اختراعك

رد: السرعه و التسارع انا وصلت لاختراع مذهل
 

احب احييك و امسى عليك يا صلاح
العربيه الفولكس ذهبت فى طريق البحر الاحمر و الغردقه لانى قولت قبل ذالك ان هدفى ان العربيه تقطع مسافه 15000 كيلو متر حتى اطمن 1000% ان كله تمام و بعدها انفذها على عربيتى انا عايزك تطمن ان كل صغيره و كبيره شاغله عقلى من حيث الامان و السلامه لان نجاح العمل بيكون فى اساسه الدقه و السلامه و الاتقان و انا لايمكن انجح بدون نجاح العمل و العمل لايمكن ينجح بدون توافر السلامه و بدون تلافيات اما النصف نقل فهى تعمل الان
محمد مجدى رينوهاوى كلمنى النهارده و اتفقنا انه يجى معى اثناء التجارب و اثناء التقفيل وهو بنفسه حيقوم بتصوير التجربه و انا قلت الى عايز يحضر بتفضل مشكور ا و اذا كان حضرتك جاى انا اخترت انه يكون يوم الجمعه علشان يناسب الجميع و بالنسبه اللى لم يستطيع انه يحضر ان شاء الله سوف انزل الفيديو على المنتدى حتى يتمكن الجميع من المشاهده و ان غدا لناظريه قريب الايام بتعدى بسرعه البرق 10 مارس مش بعيد :260309~146:

رد: السرعه و التسارع انا وصلت لاختراع مذهل
 

بالتوفيق با استاذ مدحت
واحب اشاهد التجربة بنفسى
انتظر موعد ومكان التجربة ورقم التليفون للتواصل

تحياتى

رد: السرعه و التسارع انا وصلت لاختراع مذهل
 

مساء الهنا و السعاده يا egynet رقم التليفون هو 0125840209
المكان الطابيه الاسكندريه بعد الكليه البحريه امام شركه الاسمده
الزمان ان شاء الله حكتبه قبلها باسبوع

رد: السرعه و التسارع انا وصلت لاختراع مذهل
 

هو حضرتك درستك اية؟؟؟

رد: السرعه و التسارع انا وصلت لاختراع مذهل
 

ازايك يا ميزو انا خريج كليه تجاره جامعه اسكندريه يا ميزو ايام محمد نور مكان العميد بتاع الكليه و مصطفى الخواجه دكتور الاحصاء ثم
انا كتبت رد السؤال بتاع حضرتك من قبل و حاليا تاجر كماليات عربيات جمله و
عملت كذا حاجه لمجال العربيات لوسمحت اقراء اللى فات و سيادتك تعرف انا عملت ايه لكن موضوع الاختراع هو اخر حاجه تم التوصل اليها بفضل ربنا عليا و انى اتمنى من الله انه يوفقنى فيه و احقق نجاح و انتشار و شهره وده ان شاء الله بيكم و من المنتدى اللى سماحتلى ادارته بنشر موضوعى
و رحابه صدرها و روحهم الحلوة اللى بتحب تساعد الشباب سواء كانت معلومات او نصائح و اى نوع من الافاده فى مجال العربيات و رجاله المنتدى المشجعين اللى بيتمنو الخير لبعضهم البعض اصحاب القلوب و النفس الحلوة