المشاركة الأصلية كتبت بواسطة bmkbmk (المشاركة 127401)

رحلة موفقة يا باشا ان شاء الله

أولا يا باشا بالنسبة للاستراحات اللى فى الطريق و بتتأجر بالساعة دى داخل مدن برده .... مش موجودة على الطريق يعنى انت طول ما انت ماشى بتعدى على مدن بين كل مدينة و التانية 100 او 200 كيلو و طبعا ساعات بيبقى فيه مدن صغيرة فى النص ... فا لاستراحات دى بتبقى تبع المدن دى و معظمها بيبقى على الطريق من برة مش لازم تدخل المدينة جوة و تدلف و تدور يعنى......

ثانيا يا باشا ... بالنسبة لموضوع ضبا أو ضبا .. انا بصراحة سافرت مرتين عن طريق العقبة و ماسفرتش عن طريق ضبا قبل كدة ....
الفرق بينهم كما يلى ....

* الفرق كله انك لما تدخل الاردن بتختم الاوراق مرة زيادة و تدفع تأمين زيادة و بعدين تروح تحجز العبارة و تستناها و انت و حظك و اللى موجود ساعتها ممكن تركب بعد ساعتين تلاتة و ممكن تستنى من الصبح لبليل و ممكن تستنى لتانى يوم .. بس انت لو عامل حسابك و مظبط مواعديك ان شاء الله مش هتستنى كتير لأن المواعيد غالبا ثابتة.....
لما تروح ضبا بتروح تحجز العبارة على طول و مابتختمش الاوراق تانى ولا تدفع تأمين تانى ... بس حجز العبارة بيبقى اغلى لأنك بتعدى البحر الاحمر كله و تنزل فى سفاجة ... أما فى حالة الاردن بتعدى خليج العقبة بس و تنزل فى نويبع
و ده ينقلنا لنقطة الوقت
* العبارة من الاردن لنويبع بتاخد ساعة و نص لو العبارة السريعة و بتاخد 3 ساعات و نص لو العادية
أما العبارة من ضبا لسفاجة بتاخد 4 ساعات لو سريعة و 11 ساعة تقريبا لو عادية

لو انت يا باشا من القاهرة او وجه بحرى ... خليك فى الاردن احسن
لو انت من الصعيد خليك فى ضبا احسن ....

ملحوظة مهمة جدا جدا جدا ......
لو انت مش مدرس و ناوى تنزل فى الصيف لازم تتفادى وقت نزول المدرسين لتفادى الزحمة الرهيبة و الغير عادية ......
انا نزلت قبل اجازة المدرسين باسبوع و رجعت اول اغسطس يعنى كان لسة شهر للمدرسين على ما يرجعوا

و طبعا يا باشا لازم تظبط عربيتك و تتأكد ان كل حاجة فيها تمام و خصوصا الكاوتش و العفشة ... يعنى لو الكوتش عندك بقاله اكتر من سنتين يستحسن تغيره و كدة كدة بريجستون بيعمل عرض على الكوتش اول شهر يونيو من كل سنة 4 فرد بسعر 3 ....
و طبعا طول ما انت ماشى ماتضغطش على العربية قوى علشان ماتتعبش الموتور و الجير
يعنى حاول فى مشيك العادى ماتزودش عن 140 او 130 الا اذا كان موتورك كبير يعنى 3000 سى سى فيما فوق فا ممكن سرعتك العادية تبقى 170 و طبعا على حسب الطريق اذا كان يسمح ولا لأ

و يستحسن تخصص الكنبة اللى ورا للمدام و الولد علشان مايضايقكش و يتشاقى و انت سايق علشان مايشتتش انتباهك ...
و انا كدة كدة هكتب موضوع العودة ان شاء الله علشان الناس تستفيد منه و علشان و انا راجع كان معايا مراتى و بناتى ....

و عموما يا باشا اى سؤال انا تحت امرك
و فيه نصايح كتير لسة عندى ماتقلقش :)

المشاركة الأصلية كتبت بواسطة maisam (المشاركة 127428)

انا من القاهره و مش مدرس و هنزل بالتحديد يوم 10/6/2010 و هرجع يوم24/7/2010 يعني في كلا الحالتين قبل المدرسين خااالص ... متهيألي الوقت ده مش هيكون زحمه خالص و لا ايه؟؟؟

و اكيد طبعا هفحص العربية كويس جدا قبل السفر و هغير الكاوتش مع اني جايبه شهر اربعه اللي فات بس اضمن برضه هجيب جديد ....

بس انا لسه مش قادر اقرر في موضوع العقبه و لا ضبا ... هو انت الكلام اللي انت قلته منطقي جدا من ناحية القرب نت القاهرة و عدد ساعات العبارة بس برضع حكاية ان الواحد ممكن يستنى العباره لتاني يوم برضه مقلقه شويه خاصة اني مش لوحدي زي ما قلتلك ... بس انت بتقولي لو ظبطت مواعيدي كويس مش هيحصل كده ... بس انا مفهمتش هي العبارات دي بتطلع في مواعيد محدده الواحد يقدر يعرفها مسبقا و حاجه تانيه هو في اماكن للمبيت استراحات او فتادق في العقبه ؟؟؟ بس يرضه في ناس قالولي ان الطريق من السعودية للاردن وعر شويه و مش سهل ؟؟؟ و في ارتفاعات و انخفاضات و اخوك نظره ضعيف و بصراحه عندي فوبيا من الاماكن المرتفعه ptmnlo123per193ptmnlo123p er1140ptmnlo123per127

المشاركة الأصلية كتبت بواسطة bmkbmk (المشاركة 127487)

تمام الوقت كدة يا باشا و بعيد تمام عن زحمة المدرسين
و الكوتش يا باشا لسة جديد ما شاء الله ... بص عليه بصة سريعة و اتأكد منه قبل السفر لو تمام اتوكل على الله و سافر بيه ... مش مستاهلة تغيير

نيجى لنقطة الحيرة ,,, العقبة ولا ضبا

اولا انك تستنى العبارة لليوم التالى دى موجودة فى المنطقتين مش واحدة منهم بس
و كمان الاتنين فيهم اماكن للبيات العقبة و ضبا

و زى ما قلت لك يا باشا المواعيد غالبا ثابتة و خصوصا فى الصيف بتبقى منظمة علشان زى ما انت عارف معظم الناس بتسافر فى الصيف يعنى اعمل حسابك انك تكون فى العقبة يوم الجمعة 11-06-2010 الساعة 9 صباحا او 10 صباحا على ما تدخل و تخلص ورقك و تحجز هتاخدلك ساعة او ساعتين و تقعد تريح لك ساعتين تغمض عنيك فيهم شوية يبقى تمام و ده يستدعى منك انك تنطلق من الكويت يوم 10 - 06 بالكتير قوى الساعة 9 صباحا او 10 صباحا برده ,,, عموما قولى خطتك ايه و نظبط المواعيد مع بعض ان شاء الله....

و بالنسة لوعورة طريق الاردن .... يا باشا هى هى انت بتمشى من الكويت نفس الطريق و نفس المدن لحد ما توصل مدينة تبوك فى السعودية و منها بتروح ضبا او الاردن ... و هى هى نفس وعورة الطريق.... يعنى مش فارقة

و على فكرة انا احتمال 90% انزل برى انا كمان بس على اخر شهر 8 لو ينفع معاك تغير الميعاد ممكن ننزل مع بعض....

و جاهز يا باشا لباقى الاسئلة ...

المشاركة الأصلية كتبت بواسطة maisam (المشاركة 127835)

المشاركة الأصلية كتبت بواسطة maisam (المشاركة 127837)