رد: سال وهتلاقى المتخصص الى هيجاوبك عن سوالك فى بيجــو
 

على حسب حالتها بس عامة بتبقى حالتها وحشة ولكن فى الموديلات الى فوق 80 الى بنسميها الطيارة بتكون افضل بكتير.
وبالنسبة للكتالوج ياريت الرابط دة يفيدك انا رفعتلك كتالوج قيدك كان عندى للبيجو القديم كلو.
http://www.2shared.com/file/9JFHqq3d/PEUGEOT.html

رد: سال وهتلاقى المتخصص الى هيجاوبك عن سوالك فى بيجــو
 

الف شكر يا بشمهندس
بس كنت عاوز كتالوج للصيانه و الاستخدام
و ليا شويه استفسارات بعد اذنك
العربيه ماتورها خفيف شويه
ايه رأيك اصبر شويه لحد ما العيب يكبر و اهي كده كده هيتعملها عمره ؟
و لا احسن الحق اعمل اللي فيه من دلوقتي علشان العيب ميكبرش ؟
و كنت شايف فيها من الامام في التابلوه علامات زي المراوح كده دي لايه ؟ للعربيات اللي فيها تكييف و ملهاش استخدام عندي ؟
و ليا سؤال كمان
لما بمشي في حته مكسره اوي بسمع صوت خبط عند المساعد الخلفي يمين
هل ده معناه ان المساعد تالف ؟
و كيف اطمئن ان عفشه العربيه كويسه ؟
و بالنسبه للمياه اللي بحطها في الريدياتير ايه رأيك اط مياه مقطره بس و لا اخلطها بمياه خضراء
اسف للاطاله و لك مني كل الشكر

رد: سال وهتلاقى المتخصص الى هيجاوبك عن سوالك فى بيجــو
 

السلام عليكم
من فضلك أنا عندى بيجو 405 برستيج موديل 99 اشتريتها من سنتين و ما كنتش باسمع صوتها لكن دلوقتى صوتها عالى و بتتهز و هى ع المور و ده انا لاحظته من فترة بعد ما أسأت استخدام السيارة فى الجرى على 160 - 180 كم|س لمدة ساعتين بدون توقف على طريق الغردقة

روحت لمركز الصيانة و قعد يكشف بالجهاز و يضبط الموتور بدون فك أجزاء داخليةو كمان السيارة فضت شغالة طول ما هو شغال فيها و لكن مفيش تحسن
أعمل ايه بس؟

شكرا

رد: سال وهتلاقى المتخصص الى هيجاوبك عن سوالك فى بيجــو
 

السلام عليكم ياباشمهندس انا مصرى عيش بالسعودية ومن سنة اشتريت 307 موديل 2003 وكانت ماشية كويس لحد ما واديتها علشان اعمل صيانة للجير وبعدها كل ما ادخل بالعربية فى زحمة الفتيس يعلق وويفصل وأول مادوس بنزين اسمع هبده وبعدين الفتيس يشتغل تانى هو طبعا اتوماتيك ووديتها لميكانيكى للعمل صيانه للفتيس عمل كشف بالكمبيوتر وبعدين زود زيت للفتيس قل الموضوع لكن على فترات لما امشى كتير فى زحمة واقف وامشى واقف وامشي بيعلق الفتيس ديه اكبر مشكلة

2 عندى الكلاس احينا زى مايكون بيفصل لحد مادوس فى نص الدكشسيون جامد فيشتغل

3- عدد المسافة االى هو بصفره كل ما اغير الزيت كان شغل كويس وفجاءة بقا يعد لحد 2000 ك وبعد كده يبدء من 0 فلو ممكن اللأفادة وشكرا
احمد عبد اللاه مكة المكرمة

سؤال للمهندس هيثم
 

معايا عربيه 405 مو91 غيرت الماتور والفتيس وجبتهم استيراد 1600سي سي بس بعد 5 اشهر تقريبا لقيت الماتور خفيف شويا الميكانيكى قالى عايز طقم شنبر والفتيس كويس والغيارت كلها كويسه بس فى حاجه غريبة دايما فيه صوت عالى كده زى خروشه ولما امشى بسرعه بطيئه على الاول او المرشدير الاقى صوت حكه كده فى الفتيس مش عارف ايه هيه بس دايما صوت الفتيس فيه خروشه تختفى فى حاله لما ادوس دبرياش فقط
اولا
موضوع الفتيس دة ليه حل عند حضرتك مع العلم انا انا عندى الفتيس القديم بس كانت الماكنه 1400 والحله مختلفه من حيث المارش
ثانيا
لو عملت طقم الشنبر فى التوكيل يتكلف كام وفين
وأسف جدا على الاطاله

رد: سال وهتلاقى المتخصص الى هيجاوبك عن سوالك فى بيجــو
 

رأيك يا باشمهندس هيثم في بيجو 309
قطع غيارها متوفره والا لأ
وهل ممكن يركب عليها مواتير تانيه غير الاصلي بتاعها ( سمعت مرة ان 405 بيركب عليها علشان التكييف) يا تري هل الكلام ده صح والا غلط

رد: سال وهتلاقى المتخصص الى هيجاوبك عن سوالك فى بيجــو
 

اولا الف شكر يا بشمهندس علي زوقك ومحاولتك افاده الاعضاء( كل حسب مجال خبرته)
كنت عايز اعرف لو بيجو 504 موديل 79 تمنها كام ؟؟والفرق بينها وبين 406 الاحدث منها؟
وسعر 505؟؟
ولكون حضرتك خبير في البيجو ترشحلي اهني فيهم؟؟