رد: ثبات الالنترا 2012 !!!
مع احترامي لحضراتكم
لكن الي انا اعرفه كل شخص على حسب سواقته و رجله على البانزين يجيب العربيه التمشي معاه يعني انا بحب الجري جداً جداً و بحب الغرز و بحب اخذ ملفات بسرعة عاليه جدا لذلك بركب عربيات الماني فقط لانها حتساعدني على كدة في ثباتها و عزمها و عربيات الي ربكتها كلها كانت جولف و ابيزا معدل و بي ام ... و دلوقتي انا قررت اركب كوري (علشان اتعلم الادب) يعني علشان مجريش الجري الي بجري ده و التهور و الشغل الي كنت بعمله في العربيات الالماني .. يبقى انا على يقين تام ان احساسي بالثبات و الامان في الكوري اقل من الالماني يبقى لازم احترم نفسي و احط احتمالات لأي حاجة وحشة و انا راكب الكوري و فعلا اشتريت سيراتو و فضلت معايا 20 يوم بالضبط و بعتها لكن مبعتهاش لعيب في العربيه كان لسبب شخصي لكن رأي في العربيه ثبات معقول رفاهيه جامدة داخل العربيه و نعومة يعني ملخص الحديث الي عارف نفسه انه عاشق للجري و الغرز و الشغل ده يركب عربيه الماني او ياباني مثل السيفك او السوبارو و الي ملوش في الكلام ده فأنسب عربيه له هيا الكوري بصفة عامة ثبات معقول رفاهيه حلوة جدا و انتشار و رخص في قطع الغيار و السعر في متناول اكثر راكبيين السيارات و اخيرا احب اقول ان الحوادث كلها قضاء و قدر الهيونداي بتعمل حادثة و الكيا بتعمل حادثة و المرسيدس بتعمل حادثة و الجولف و الباسات بتعمل حادثة |
رد: ثبات الالنترا 2012 !!!
اقتباس:
وانا شخصيا استخلصت منة انة اللي جرب الماني وبالاخص الجولف لانها شبابية لما بينزل منها ويركب حاجة كوري بيحس بالفرق اللي انا وحضرتك حسينا بية دة وارجع واعيد الملخص بس بطريقتي الهونداي عربية شياكة رفاهية راحة قطع غيار منتشرة ورخيصة (واكيد انت حسيتها زيي) اكسسوارات اشكال على الوان ويبقى قصورها او عيبها الوحيد كاكل الكوري انة الثبات او المناورة او تجاوب السيارة معاك فى الظروف الصعبة ضعيف ودة عيب نقدر نعالجة باننا نمشي عاقلين شوية بس كدة انا شايف تلخيصك وتلخيصي الحل النهائي لقضية الهيونداي النترا 2012 |
رد: ثبات الالنترا 2012 !!!
اقتباس:
و انا شايف ان الكوري تفوقت على الالماني في المنطقة دي .. انا شايف ان العربيه الكوري صاحبة فضل عليا و بتخاف عليا لذلك بقيت عاقل في السواقة عما كنت من قبل و انا بسوق الماني و الكوري عربيه فخمة جميله ناعمة شياكة و قطع غيار رخيصة و منتشر .. يبقى الملخص انها تبقى العربيه رقم 1 في مصر .. في كلا الاتنين هيونداي او كيا |
رد: ثبات الالنترا 2012 !!!
اقتباس:
|
رد: ثبات الالنترا 2012 !!!
اقتباس:
|
رد: ثبات الالنترا 2012 !!!
اقتباس:
علي فكرة أنا عندي الانترا 2012 و ثمنها لسه ما بردش عشان كده كلامك وجعني. تقبل تحياتي و احترامي. |
رد: ثبات الالنترا 2012 !!!
عايز ألفت نظر الأعضاء لحاجة. عشان تقارن عربيتين ببعض لازم حاجات كتير تكون موجودة في العربيتين. أهمها السعر. ما ينفغش أقارن هيونداي ب 140 ألف مثلا ب هوندا ب 190 ألف. ثانيا ازاي بتقارن جولف هاتشباك ب الانترا سيدان؟ ثالثا اللي عايز يقارن بي ام و مرسيدس ب هيونداي يقارن ب هيونداي سوناتا و جينيسيس و أزيرا و لازم يكون السعر واحد بردو و ده مع كامل احترامي للألمان اللي هما أفضل صناع محركات في العالم.
|
الساعة الآن 05:15 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017