مصر موتورز مجتمع السيارات - الزتونة (1) معركة مجلس الشورى

مصر موتورز مجتمع السيارات (https://www.masrmotors.com/vb/index.php)

- ثورة الحرية 25 يناير (https://www.masrmotors.com/vb/forumdisplay.php?f=177)

- - الزتونة (1) معركة مجلس الشورى (https://www.masrmotors.com/vb/showthread.php?t=78331)

رد: الزتونة (1) معركة مجلس الشورى

معلش قبل الردود خبر طريف فى ظاهره عميق فى معناه ودلالتة

مرشحة (عضوة بحزب الوطنى) تخوض انتخابات الشورى كمستقلة ويبلغ عنها احد اقربائها

http://a4.sphotos.ak.fbcdn.net/hphot...91723704_n.jpg

رد: الزتونة (1) معركة مجلس الشورى

امسك فلول !!:286:

رد: الزتونة (1) معركة مجلس الشورى

اقتباس:

المشاركة الأصلية كتبت بواسطة تامر ديزل (المشاركة 605141)

حمدا لله على السلامه يا ابونورا ونورت المنتدى وانت والله واحشنا اكتر

الله يسلمك يا باشمهندس تامر المنتدى منور بيكم دائماً

اقتباس:

اختلف في نقطه مش عارف فين الادلة بتاعتها وهيا انك حسبت ان كتلة الاخوان والنور من مؤيدي المجلس العسكري ... ده انا شايفه غير صحيح ( على فكره نفس السؤال موجه للدكتور كمال )

يا راجل هو وجود الشمس محتاج ادله ده مفيش حاجة يفكر فيها العسكرى الا لما يساندة فيها فيها النور والاخوان ومفيش حاجة تطالب بيها القوى الثورية الا لما تتهم بالعمالة والخيانة
وثيقة السلمى ، الخروج الامن ، استخدام العنف ، الاحتفال ب 25 يناير ، انتخابات الشورى .... على سبيل الذكر لا الحصر

اقتباس:

وهنا نقطة اختلاف مهمة جدا لو فهمناها هنرتاح ونبطل اتهامات
فيه تيارات شايفه ان المواجهة هيا الحل وللاسف كل مواجهة بيكون ليها خساير كبيرة جدا
والتيار الاسلامي شايف ان العمل السياسي هوا الحل وفعلا كل خطوة بتكون بمكسب ليه وللبلد عموما
طيب غالبية الشعب شايفه ايه ؟ مع المواجهة ولا مع العمل السياسي ؟

اختلف معاك جمله وتفصيلاً

اولاً التيار الاسلامى بعمومة كان شايف الاول ان المواجهه المسلحة هى الحل ( الجماعة الاسلامية والتكفير والهجرة وما شابه )
وده اللى عرضهم لحرب الداخلية والاعتقال والخسائر زى ما اشرت وده نفسه اللى خلى الداخلية تستخدمهم كذريعة دائمة اما للفتنة بينهم وبين الاقباط المسيحيين او للدفاع عن جرائمة باعتباره يحارب الارهاب ويحقق الاستقرار

ثم جائت مرحلة الرجوع للدعوة فقط والانعزال سياساً تماماً وده كان ينطبق على غالبية التيار ماعداً الاخوان اللى هما اصلاً فصيل سياسى اكثر من كونهم تيار فكرى اسلامى مستقل
لكن دونهم السلفيين والجماعة الاسلامية حتى استمرو على موقفهم من رفض الاليات الديموقراطية جميعها والانعزال تماماً عن الحياة السياسة بل وذهب بعضهم الى تفسيق وتكفير الخروج على الحكام والفو كتباً ومجلدات فى تحريم التظاهر والمشاركة فى الانتخابات وشغل المناصب الحكومية وظلو كذلك .....

ثم جاء الشباب ( بكل انتمائتهم الفكرية) بوضع فكرة التغيير والمواجههه السلمية على المحك فى 25 يناير ولقرابة ال 3 اسابيع بين تشكيك من مختلف التيارات الاسلامية بما فيهم الاخوان (رسمياً)

ده موقف التيار الاسلامى من الخيار السياسى بالعموم للدقة بس

ولو تحب نتكلم عن كل فصيل لوحدة مفيش مشكلة يكون اوضح وادق طبعاً

بس طبعاً فيه فرق شاسع مابين مغامرات التيار الاسلامى على مر تاريخة وبين ما تمثلة ثورات الربيع العربى من مواجهه مباشرة قوية واضحة سلمية

رد: الزتونة (1) معركة مجلس الشورى

اقتباس:

المشاركة الأصلية كتبت بواسطة walidelwahsh (المشاركة 605414)

اولا مع خالص تحياتي ليك يا دكتور كمال
ثانيا الكلام بتاع تعيين الثلث دا مكتوب في الاعلان الدستوري اصلا مش محتاج قرار من اللجنة العليا للانتخابات انت مقريتش مشاركتي اللي فوق يا دكترة ولا ايه؟هههههههه تقبل تحياتي

وليد باشا ازيك ،،

الاعلان الدستورى ده اختراع عسكرى ملهوش علاقة بالاستفتاء اللى كان على مواد محددة غير ما جاء فى الاعلان

وزى ما قولت قبل كده كل خطوات المجلس استراتيجية وتاثيراتها تراكمية

والمؤكد ان مجلس الشورى لا يخدم الا مصالح المجلس وخططة والا فما هو اصلاً دور الشورى وفقاً للاعلان الدستورى !!!

مفيش دور ... مفيش اى مكسب للبلد ... بالعكس خسارة وعطلة وفتنة وفرقة لا يستفيد منها غير العسكرى

رد: الزتونة (1) معركة مجلس الشورى

اقتباس:

المشاركة الأصلية كتبت بواسطة fares tany (المشاركة 605706)

يا شباب مجلس الشورى ملهوش لازمة موافقين ...موافقة
بس الاعلان الدستورى اللى وافق عليه 70% من المنتخبين بينص على وجود مجلس شورى

اسفتاء 19 مارس كان على مواد محددة

http://productnews.link.net/general/...titution_L.jpg

المادة 189 فيها ذكر اضافة مادة تلزم مجلس الشعب (فقط) بانتخاب جمعية تاسيسية من 100 لوضع الدستور الجديد

والمادة 148 الخاصة باعلان حالة الطوارى المشير لسه من كام يوم مخالفها بنفسه واعلن عن مدها بشكل مشروط !!

فاى حاكمية للاستفتاء او الدستور تطالب بها ؟؟؟؟

اقتباس:

تانى حاجة ان مجلس الشورى بيشترك بالظبط زى مجلس الشعب فى اختيار اللجنة التأسيسية لوضع الدستور.

غير صحيح

اقتباس:

تالت حاجة ان مجلس الشورى بيشرف على الصحافة و الصحف و المؤسسات الصحفية القومية.

غير صحيح كما ان مواد جميع الدساتير السابقة تؤكد على حرية الصحافة والطباعة والنشر ووسائل الإعلام مكفولة ،والرقابة على الصحف محظورة

اقتباس:

شيئ مهم جداً لا اعتقد بوجود ما يسمى (الولاء للمجلس الاعلى) الذى اشكره دائماً على موقفه و انحيازه للثورة و لكن كل فصيل دلوقتى ولاءه و انتمائه لحزبه او جماعته او مؤيديه و ده من وجهة نظرى خطأ. لان ولائك دائما يكون لدينك ووطنك و للمبادئ و الاخلاق الانسانية المتفق عليها.

انحياز المجلس للثورة فيه شك منذ واقعة الجمل وفيه يقين بافعاله على مر السنة الماضية وبما وصلنا اليه من نتيجة فترة حكمة

والولاء طبعاً بيبقى للمبادىء والانتماء للوطن والعبودية لله بص حضرتك على التوقيع بتاعى

اقتباس:

رابعاً:انا لا اعتبر الجيش و مجلسه الاعلى حقيقة خصمى او عدوى حتى احذر منه بل على العكس هو جزء مننا كمصريين و اتعامل معه على هذا النحو منتقدا اخطاءه و مثنياً على حسناته.

مينفعش تقول الجيش او مجلسة
احنا بنقول المجلس بس
وهناك فرق واضح
تعمد اخفائه ليس الا مزايدة وتشوية

اقتباس:

خامساً:اعرف تمام المعرفة ان التغيير لا ياتى بغتة و ان الثورة لا تغيير النفوس و انما فقط تغير الانظمة جزئياً و اجد دائما الحل فى تسليم السلطة لرئيس منتخب و ساعتها قد نعيد النظر فى كل ما انتجناه من قوانين اثناء الثورة.

ومين مانعنا من اننا نبداء فى اختيار رئيس ؟ مش المجلس برضو ؟؟؟