| akerima |
20-12-2011 05:26 PM |
رد: يسقط ىسقط حكم العسكر
اقتباس:
المشاركة الأصلية كتبت بواسطة mf86
(المشاركة 575904)
الاول يااخي الكريم لازم نتفق علي حاجه ولو فهمناها كويس هنرتاح ونريح بالنا من السؤال اللي بيقول "ليه الجيش دايما بيتعامل بعنف في اي موقف من المواقف؟
اولا ضابط الجيش يختلف تمام الاختلاف عن ضابط الشرطه من حيث نوعية التدريب والعقيدة القتالية
ضابط الجيش كل تدريباته ودراسته علي كيفية التعامل مع "عدو" لله والوطن فالبتالي هيكون تدريبه عنيف ورد فعله ايضا عنيف ...
ضابط الجيش اتربي علي كده يتعامل مع مدفع رشاش دبابه مدفع او هاون الخ....
فلما ييجي يتعامل مع مخرب مدني فمش هيعرف يتعامل معاه الا بالطريقه اللي اتعود عليها يعني مش هروح اتحايل عليه واقوله "والنبي ماتخربش او والنبي ماتحدفنيش بالطوب" لا لازم الرد يكون اعنف مره واتنين وتلاته لان ده جزء من العقيده القتاليه
معظم الناس مش فاهمه كده ....
حتي لما كنا بنطلع ماموريات قتاليه مشتركه مع الشرطه كانوا ضباط الشرطه بيتعجبوا من القوة اللي بنتعامل بيها مع الخارجين عن القانون سواء أثناء ضرب النار أو الاشتباك العادي ... وفي نفس الوقت احنا شايفين ان ده شئ عادي لاننا اتدربنا علي كده ...
تاني حاجه لما تدري عسكري جيش عصاية ودرع وخوذه وتقول ليه اتعامل بيهم مع المتظاهرين مش هيعرف يتعامل بالراحه لانه اتعود انه مايتعاملش مع مدنيين او لا يشتبك مع مدنيين هو اتعود انه يطّحن اللي قدامه فعلشان كده بيتعامل بمنتها العنف والقسوة
ارجو اني اكون قدرت اوصل وجهه نظري "
|
اولا اشكر اهتمامك للرد عليا وطبعا وجهة نظرك وصلت - بس في نفس الوقت استشفيت من كلامك ان تعامل ظابط الجيش مجرد تنفيز لاوامر اخدها وبالطريقة اللي ادرب عليها بدون النظر هو حينفذ في مين وحيحصلة ايه في الاخر
وطبعا لو اللي انا فهمتة دا صح يبقي مانلومش علي المنفذ نلوم علي اللي امر |
