مصر موتورز مجتمع السيارات - مشروع السياره المصرية

اقتباس:

المشاركة الأصلية كتبت بواسطة سيف الدين سعيد (المشاركة 390530)

يا جماعه :-
ياريت نبطل أحلام وكلام بقه وكفايه نفضل نتكلم وبس .
ياريت نخلينا واقعيين بأه . ونفكر بفكر اليوم مش من 30 سنه أو حتى من 60 سنه من أيام عبد الناصر لما فكر فى تجميع السياره رمسيس الألمانيه هنا . وبعدين وقفنا ووقف تفكيرنا لغاية الخطوه دى . وخلصت الحدوته .
أكيد كلنا سمعنا عن مشروع السياره المصريه ( نانو ايجبت ) . وممكن نكون عارفين بعض معلومات عنها . وأيا كانت هى عربيه قويه أو موتوسيكل أو علبة سجاير فاضيه ومرميه جنب الرصيف . فهى خطوه جريئه وكبيره على أول الطريق .
أنا شخصيا من خلال معلوماتى اللى جمعتها عن العربيه دى . ممكن أقول انها عربيه عمليه وشبابيه واقتصاديه الى مدى كبير جدا وسعرها منافس بالنسبه لأنها مصنعه فى الخارج . رغم انها فكر وتصميم مصرى بالكامل .
وهنا نيجى للنقطه الثانيه وهى التصنيع . ودا متوفر لدينا من حيث مصانع زى النصر للسيارات والتى مهما كان رأى الأخوه الأفاضل اللى بيتريقوا عليها الا انها مصانع جباره وأخرجت آلاف السيارات كل عام من خلال خطوط انتاجها الضخمه فى حلوان . وممكن جدا اننا نستغلها ونخرج منها بعد التطوير طبعا ما نريده . وعندنا الصنايعيه والأيدى العامله ذات الخبره والذكاء اللى ممكن يباروا أى خبره أجنبيه ويتفوقوا عليها بجداره .
وهنا حايتبقى جزء واحد بسيط ودا ممكن نستورده من الخارج مؤقتا . ألا وهو الجزء الإلكترونى أو الكومبيوتريزد فى السياره . ممكن جدا نستورده من اى دوله مؤقتا فقط لحين التمكن من صياغته فى مصر وبرضو اعتقد ان دا مش صعب .
والله يارجاله العمليه مش مجرد حلم . وبسيطه جدا بس عايزه ناس تكون بتحب مصر أكتر من نفسها .

عندك حق في كل كلمة وشكرا ليك علي ردك