رد: اسئلة تهم المبتدئين فى عالم السيارات
 

الموضوع جميل بصراحه يا جماعه

وانا ليا سوال ياريت الناس الخبره تجاوبني عليه

لو انا طالع كوبري علوي والكوبري زحمه جدا يعتبر واقف بيحصل موقف مش حلو معايا

لما الكوبري بيقف بدوس دبرياج جامد وفرامل علشان مريحش عاللي ورايا

لكن لما الكوبري يمشي لازم افضل دايس دبرياج طبعا المشكله بقى اني لما بسيب الفرامل علشان ادوس بنزين واتحرك ساعات برجع على اللي ورايا لاني بسيب الفرامل ومبدوسش بنزين (ممكن تكون قله خبره)

ياريت تقلولي حل للمشكله دي

وهل لو رفعت فرامل اليد طول منا طالع الكوبري وادوس بنزين واتحرك هل ده يضر العربيه ولا عادي لان ده اللي ممكن يحل المشكله حاليا

رد: اسئلة تهم المبتدئين فى عالم السيارات
 

الحل لمشكلة طلوع الكوبري هو أن تتعلم حركة الميزان .

الميزان يعني توازن بين دوسك على البنزين ودوسك على الدبرياج الإثنين زي بعض تلاقي ساعتها العربية واقفة كإنك دايس على الفرامل بالظبط ،ولما تيجي تمشي بالعربية تزود دوسك على البنزين وترفع رجلك من على الدبرياج بالراحة كإنك لسه طالع على الأولاني وساعتها تلاقي العربية بتطلع لأقدام من غير متريح على العربية إلى وراك .
ونصيحتي إتدرب على الحركة دي على مطلع صغير قبل متجربها على الكوبري ....وبالتوفيق:THE_PR~18:

رد: اسئلة تهم المبتدئين فى عالم السيارات
 

موضوع جميل جدا بشكر كل اللي سأل او جاوب
انا بقه عندي مشكله في نقل الغيار مثلا ابقي ماشي على التالت و عاوز اهدي و انقل على التاني
ادوس دبرياج و فرامل و انقل على التاني و لما اجاي ارف رجلي من على الدبرياج العربية تعمل كأني دوست فرامل جامد و صوت عالي و ساعات تانيه تنقل كويس من غير مشكله
انا مش عارف ايه الطريق الصح للنقل مثلا افرمل الاول و بعدين انقل على مهلي لما العربية تهدي و لا ايه
حاجه تانيه انا بشد فرامل اليد في المطالع لو واقف و لما اتحرك اجيب الاول و امشي عادي و لما احس ان العربية قربت تمشي انزل فرامل اليد ده يضر العربيه في ايه
يعني لو جت على تيل الفرامل مش مشكله لكن انا خايف ابوظ حاجه في الماتور نفسه
شكرا مقدما :)

رد: اسئلة تهم المبتدئين فى عالم السيارات
 

شكرا يا اخ أحمد محمد عبد الوهاب على ردك وححاول اتدرب عليها ان شاء الله
ويبدو ان مش انا بس الل برفع فرامل اليد في المطالع سامح كمان بيعملها

لكن من ناحية ضررها انا مش متاكد ياريت اللي يعرف يقولنا اذا كان ليها ضرر ولا لا

وهل لو المطلع بيتحرك ثانيه وبيقف ثانيه اسيبه مرفوعه عادي

وبالنسبه لنقل السرعه انا بنقل كده برضه ومبيحصلش مشاكل ممكن يكون في مشكله عندك والاخوه الخبرا يفيدوك اكتر

رد: اسئلة تهم المبتدئين فى عالم السيارات