مصر موتورز مجتمع السيارات - صور مقابلة الاسكندريه 17/12/2010

اقتباس:

المشاركة الأصلية كتبت بواسطة hazem_khidr (المشاركة 317105)

بسم الله الرحمين الرحيم

تمت الحمد لله بنجاح المقابله رقم ....... بصراحه مش فاكر الرقم من كتر المقابلات الممتازه

و كان لي شرف لقاء العديد من الاعضاء الممتازين و المحترمين جميعا

بدايه اتفقت مع احمد بدر علي انه يصحيني الصبح بدري علشان اجي و احمد عارف ان نومي خفيف جدا و قد كان و صحيت بعد الاتصال رقم 13 ..احم احم

(مش بقولكم نومي خفيف) و نزلت و سافرت و قولت ادخل اصلي في احدي الجوامع علي الطريق كانت الساعه 12 و ربع مثلا و قولت الشيخ حيخلص علي طول لكن هيهات و مخلص صلاه الجمعه الساعه واحده و ربع في كفر الزيات !!!!!!

و الحمد لله الطريق كان فاضي و جريت علي 140 و 150 علشان اوصل و اقابل الناس دي كلها.

و الحمد لله وصلت علي الساعه اتنين وربع

و الحمد لله قابلت ناس كان نفسي اقابلهم

1.استاذ نبيل :عمدتنا و كبيرنا

2.استاذ اشرف: رجل من الزمن الجميل

3.استاذ علي :ابو كريم و دلوقتي بس عرفت كريم جايب اخلاقه العاليه دي منين

4.استاذ ايمن:ذوق و دماسه خلق

5.استاذ مهران :رجل الجولف الاول في المنتدي

7.استاذ محمد نعيم: حيبقي رجل الجولف الاول بعد ما كريم باع له عربيه مهران :)

8.استاذ كريم علي: شاب محترم ربنا يبارك له و يسعده دايما هو اخوه مازن و يبعده عن شر البنات اللي واقع فيها واحد صاحبه444546

9.استاذ محمد فيصل: رجل لا يحب التدخين :)

فريق الشيشه:

1.استاذ بدر :ما زهقتش من الكلام معاه امبارح بجد تحس انك تعرفه من سنين رغم ان دي تاني مره نتقابل وجها لوجه فيها

2.استاذ هشام باهي :اسكندراني متنكر في زي قاهري و طبعا خفه دم و اخلاق عاليه مش انا اللي حتكلم عليه و لا عن اخلاقه الواضحه في كل مشاركاته

3.احمد بدر: و نعم الاخ و الصديق.

و بحمد الله اني قضيت يوم مع اخواتي الكبار و الصغار

كان يوم ولا اروع الصراحه

متشكر ليك جدا يا استاذ حازم و انا فرحان جدا انى جيت معاكم فى المقابله السابقه و ان شاء الله هكون معاكم فى كل مقابله ROSE4U