مصر موتورز مجتمع السيارات - عربيتى الفيتارا اتسرقت

مصر موتورز مجتمع السيارات (https://www.masrmotors.com/vb/index.php)

- سوزوكى Suzuki (https://www.masrmotors.com/vb/forumdisplay.php?f=33)

- - عربيتى الفيتارا اتسرقت (https://www.masrmotors.com/vb/showthread.php?t=35040)

رد: عربيتى الفيتارا اتسرقت

بص ياباشا انت هتروح المديرية و هتاخد معاك صحفي في جريدة معارضة حتى لو هياخد فلووس بس يكون صحفي معروف و كبيير و تعمل هليلة و تقول يعني ايه مش لاقينها ازاي و تعملهم فيلم هندي و تطلب انك تقدم طلب و شكوى في نفس الوقت لوزير الداخلية
و في الآخر ربنا يسهل و ترجع انا فيه واحد صحبي عملناله الكلام دا و رجعت صحيح من غير جنوط و ساوند سيستم بس مش مشكلة
و الاهم من كدا تدعي ربنا و تخلي المدام تدعي و لو والدك او والدتك عايشين يدعولك دا اهم من اي حاجة و اتصدق لوجه الله علشان ربنا يرجعلك الضايع منك
يارب ترجعلك عربيتك
تمنياتي بالتوفيقROSE4U

رد: عربيتى الفيتارا اتسرقت

الف شكر للجميع على المرور وباعتذر لاحمد على على التاخير..انا كنت مشغول وباعمل حاجه وعدتك انى ااقولك عليها رغم انها هتزعل ناس كتير منى ..اولا للخ العزيز محمد 2005 هاتلى ياعم الصحفى ده وايدى على كتفك ونعمل فضيحة كمان بس عايز ااقولك على حاجه..انا اسمى بعيد عن اميجواسمى(محمد لاشين)ركز انت وشوف الاسم ده يعمل ايه فى المديريه؟؟؟ورغم كده ...بخ ولا فايدهوللاخ العزيز جدا احمد على ..انا يااحمد مشيت فى سكه الشيوخ والمندل الفتره اللى فاتت وبالامانه محدش اخد منى اى فلوس لحين ظهور اى نتيجه والغريب انهم اعطونى امارات عن العربية ودلونى على اماكن لها العجب روحتها كلها ولكن لامجيب ودوخت السبع دوخات من البحث واخر شيخ قالى ان العربية للاسف بتتقطع ومش هتتلم عليها تانى..وده سبب لى ييأس واحباط اكتر وادينى رجعت لكم اهه وماعلينا غير الدعاء..عارف ان اللى عملته غلط..لكن ياجماعة انا مش بادور على اثار ولاحاجه حرام..افتكروا انى بادور على حقى.ولكم التحية