|
رد: حقيقة الميجان
هو مش صاحبى بس هو معرفة............وعلى فكرة سببين فى رأيي بيجاوبو على سؤال " ليه أصحاب الميجان بيبعوها برخص التراب" أو " ليه سعرها واقع "
1- الأشاعات اللى بتتقال 2- الناس اللى كانت بتبيع عشان خايفة من الأشاعات دى فى بقى حاجة كمان ......تخلينى أنا عن نفسى لو العربية دى بتبوظ مرة كل شهر أستحملها...........حد عارف أيه أو يقدر يخمن ؟؟؟؟؟ طيب نخليها الحلقة الجاية على طريقة بايو :) لأ هاقولها دلوقتى و خلاص......... الأمااااااااااااااااااااا اااااان وده بأه عن تجربة لواحد صاحبى.......عمل حادثة على 140 كم وطلع هو وواده ووالدته و أخته سالمين تماماً.........و مكنش مأمن على العربية و لما والده قرر أنهم يجيبوا عربية تانية كانت برضه ميجان. سؤال كمان: حد يعرف يقولى العربية دى أيه اللى حصل للى كان سايقها ؟؟؟؟؟ ( طبعاً دى غير الحادثة اللى فاتت ) http://www.geocities.com/worldsolide...66908_9659.jpg http://www.geocities.com/worldsolide...66909_9911.jpg http://www.geocities.com/worldsolide...566910_121.jpg http://www.geocities.com/worldsolide...566911_332.jpg عموماً للى عاوز يعرف..........صاحب العربية حى يرزق و قعد فى العناية المركزة أقل من يومين. واللى حصل معاه أنه كان ماشى 220 ( هاتش باك ومانيوال ) ودخل فى بقعة زيت فى الأرض كانت بسبب عربية نقل محملة ظلط وواقفة على الجنب...............المهم العربية لفت منه كذا مرة و دخلت فى النقل و حمولة الظلط كلها وقعت على الميجان. بالذمة لو عربية تانية كان اللى جواها حصله أيه ؟؟ أعتقد أن الميجان تتفوق على كل اللى فى نفس السعر فى موضوع الأمان.........ولما نتكلم عن الأمان يساوى كام أعتقد أنه لا يقدر بثمن.............والله خير الحافظين . عموماً أنا بصراحة شايف أن ملهوش لازم الجدال الكتير طالما أن كل واحد مخه عاجبه. أنا العربية معايا وبسم الله ما شاء الله مريحانى و مبسوط منها جداً ومبيحصلش مشاكل غريبة فيها. بايو العربية مطلعة عينه و مبتبطلش أعطال وتهنيج و ريستارت وكده ptmnlo123per1127 يبقى ربنا يعوض عليه فيها ويكرمه ببيعه حلوة و يباركله فى الأوكتافيا. |
رد: حقيقة الميجان
كتير جدا نصحت بايو انه ما يشتريش العربيه دى !!!! و لا تعليق بعد ذلك.
|
رد: حقيقة الميجان
اقتباس:
هو مش كان فى لينك فى مشاركة حضرتك و لا أيه اللى جاللى فى الميل ده ؟؟ |
رد: حقيقة الميجان
اقتباس:
اى نعم كان فيه لينك فى المشاركه بس شلته لأنه مش موثوق فيه !!!! فى اى مانع انى اعدل المشاركه بتاعتى خلال الوقت المحدد للتعديل ؟؟؟؟ و لو عايز اللينك تانى احطهولك من غير اى مشكله ........... |
رد: حقيقة الميجان
النهاردة يا جماعة فى واحد صاحب محل ملابس اطفال على ناصية الشارع اللى أنا ساكن فيه يملك ميجان موديل 2007 وعاملة حوالى 50000 كيلو ........ سألته لما كنت عنده ايه اخبار العربية قالى تمام قلتله ازاى ده فى ناس بتشتكى منها ومن الوكيل كمان ...........
أستغرب جدا جدا وقالى أن توكيلها أنضف وأحسن توكيل فى مصر واستأذنى لحظة وفتح العربية جاب منها ورقة وكانت المفاجأة............ أكرة الباب الخارجية نيكل قشرت بعدة فترة تم تغيرها مجانا فى التوكيل وكان عامل بالعربية 32000 كيلو اندهشت جدا جدا.......وزاد اندهاشى لما ورانى فى نفس أمر الشغل اللى معاه تغيير فانوس امامى يمين وبدون قيمة برضة بسأل لية قالى انه غسل السيارة فى البنزينة فدخلت المياة داخل الفانوس فراح التوكيل وتم تغييره مع الأوكرة بتاعة الباب ....... كان معايا اللاب توب بتاعى فتحته ودخلنا على النت من عنده وأصريت انى أوريله الموضوع والمشاركات الموجودة فيه ..... رد فعله مش هينفع أوصفه.....ptmnlo123per110 6 قالى العربية دى مش هى اللى بيتكلموا عنها ولا التوكيل ده اللى هما بيتكلمه عنه مش ممكن وقرر يسجل ويشارك فى المنتدى...........وعربيته على فكرة فيها 12 ايرباج وسنسور وبانوراما ودى فى دى تم تركيبه فى التوكيل وكاميرا خلفية ......... وفى النهاية أقسملى بالله ان بيحب العربية دى أكتر من مراته........ptmnlo123per 122 ومشيت بضرب كف على كف من الحيرة والتشتيت المعلوماتى والذهنى..........ptmnlo12 3per1127 وقلت انقل المناقشة للأفادة....... |
| الساعة الآن 05:19 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017