مصر موتورز مجتمع السيارات - الطريقة الصحيحة لامساك الدركسيون

مصر موتورز مجتمع السيارات (https://www.masrmotors.com/vb/index.php)

- القيادة فن و ذوق (https://www.masrmotors.com/vb/forumdisplay.php?f=180)

- - الطريقة الصحيحة لامساك الدركسيون (https://www.masrmotors.com/vb/showthread.php?t=30309)

رد: الطريقة الصحيحة لامساك الدركسيون

موضوع ممتاز,,,
تسلم إيدك يا بدر باشا,,,

الوضع 2 و 10 افضل من 3 و 9 ,,, لأن وضع 2 - 10 بتكون اليدين بوزنهم ساندين على القوسين (قوس بين 2 و 3) و (قوس بين 9 و 10) للطارة وبالتالي اليدين ما يتعبوش في المسافات الطويلة,,, أما وضع 3 و 9 بتكون اليدين مماستين للطارة و لازم تمسك فيها علشان مافيش حاجة تحتيهم يسندو عليها وفي الوضع ده عضلات اليدين بتكون دائما مشدودة علشان تفضل ماسكة في الطارة وده وضع مش مريح لليدين وخصوصا على المسافات الطويلة.

خطورة القيادة بيد واحدة سواء يمين أو شمال بيكون عند الرغبة في تفادي عائق مفاجيء أو أخذ منعطف شديد ,,, وللأسف معظم حوادث الإصطدام الأمامي لما بيكون فيه فرصة لتفادي العائق بتكون بسبب عدم قدرة السائق على تفادي العائق بسبب القيادة بيد واحدة,,, ليه؟,,,
لأن القيادة بيد واحدة على سرعات عالية بتعطي القدرة على لف الطارة من 90 إلى 120 درجة فقط (مع عقارب الساعة أو عكس عقارب الساعة) ,,, وده غير كافي لتفادي العائق المفاجيء,,, مش بس كدة,,,
معظم حوادث إنقلاب السيارات بتكون برضه بسبب القيادة بيد واحدة لأن لما السائق بيفادي عائق أمامه مابيعرفش يرجع العربية للسيرفي المسار السابق ليها وبيضطر إما يسيب الطارة إعتقادا منه بإنها هاترجع لوحدها العربية للسير في خط مستقيم أو بنفس اليد بيلف الطارة عكسي بس بتكون لفة أكبر من لفة تفادي العائق ,,, إزاي,,,
لما بتكون اليد فوق وتفادي عائق بتلف الطارة من وضع اليد فوق إلى أقصى قدرة للف الطارة زي ما قلنا من 90 إلى 120 درجة (مع عقارب الساعة أوعكس عقارب الساعة) ,,, لما بتحاول ترجعها للسيطرة على السيارة مابترجعهاش لنفس المكان لأن لا إراديا اليد بتلف الطارة عكس الإتجاه الأول بزاوية أكبرتصل إلى ضعف الأولى 180 إلى 240 درجة (قيمة قوس مع عقارب الساعة زائد عكس عقارب الساعة),,,

وفيه مثل بيقول إن الأيدي بيحفظو أماكنهم على الطارة ولما يكونو إيدين إتنين بيفكرو بعض عكس إيد واحدة لو سابت مكانها من على الطارة مش هتلاقي حد يفكرها كانت ماسكاها منين,,,

ربنا يسترها معانا جميعا.

رد: الطريقة الصحيحة لامساك الدركسيون

شكرا ليك ياهورس باور لاضافتك وجزاك الله خيرا

رد: الطريقة الصحيحة لامساك الدركسيون

على فكره انا بمسك دركسيون النيفا كده بس لم الف بجيب 2 صعايده معايه
ههههههههههههههههههههههههه ههههههه

رد: الطريقة الصحيحة لامساك الدركسيون

اقتباس:

المشاركة الأصلية كتبت بواسطة mautaz mouhamed (المشاركة 228277)

على فكره انا بمسك دركسيون النيفا كده بس لم الف بجيب 2 صعايده معايه
ههههههههههههههههههههههههه ههههههه

حقك يامعتز دركسيون النيفا نوع من انواع الرياضة العنيفة

رد: الطريقة الصحيحة لامساك الدركسيون

اقتباس:

المشاركة الأصلية كتبت بواسطة بدر بسيونى (المشاركة 214293)

الطريقة الصحيحة لامساك الدركسيون

كل واحد فينا ليه طريقة بيمسك بيها الدركسيون وهى الطريقة اللى مريحاه لكن فعليا

يعنى فى ناس بتمسك الدركسيون بايدها اليمين بس وفى ناس بتمسك بايدها الشمال

وبس فى ناس بتسوق بايد واحدة فى اعلى الدركسيون فى المنتصف وناس بتحط

ايدها فى النص فوق الكلاكس وواحد بيمسك بايد واحدة فى النص تحت وناس

بتمسك باديها الاثنين ونا يتريح الدركسيوت لركيتيه وخصوصا وهو ايده بتعمل

حاجة لكن للاسف معظم مسكات الدركسيون دى مش صحيحة والمقصود بالصحة

هنا الامان خلال السواقة فقط لاغير .

- فى طريقة المثلى للامساك بالدركسيون لكن لازم ناخد فى اعتباراتنا بعض الامور

طارة الدركسيون دى حياتك يعنى لو اهملتها حتخسر حياتك ولو ربنا لطف حتفقد

فلوسك الى جانب اذى الاخرين

- لايوجد شئ اهم من السواقة وانت جوه العربية يعنى انت ركبيتها عشان تروح

شغلك او اى مكان فللسواقة الاولوية

- الثقة الزائدة فى النفس مهما كانت خبرتك فى السواقة والمدة التى سوقتها

(حتى لو 50 سنة ) لاتستهون بخطورتها ابدا ابدا لان السواقة ليس لها كبير فعلى

والخطئ يحدث فى اقل من ثانية ومن الوارد ان يكون خطئك او خطئ اخرين فبلاش

تمسك الدركسيون بركبتين وباصبعين لان الدركسيون كده فعليا مش ممسوك

- احترام والتزام قواعد المرور واجبة فى كل الظروف والاوقات واحترام الاشارات

والتقاطعات وخصوصا فى الشوراع الجانبية والحد من السرعة بقدر الامكان

الطريقة المثلى لمسك الدركسيون

- اولا لنتخيل ان الدركسيون عبارة عن ساعة عادية عشان نعرف نحدد الاماكن

بصورة دقيقة

- ثانيا يمسك الدركسيون بكلا اليدين معا فى نفس الوقت

- ثالثا وضع اليد اليمنى فى الموقع الساعة من 2 الى 3واليد اليسرى من 9 الى 10

(الموضوع ده لاقيت فيه اختلاف كبير جدا وعشان كده جبت المجمل لكل الكلام لكن

الفئة الغالبة تتحدث من 2 لليد اليمنى و10 لليد اليسرى ) لكن الفروقات مش

محورية للدرجة الخطيرة وبعض الناس بتتكلم عن الوضعية 4 لليد اليمنى و8 لليد اليسرى

- وخلال مسكك للدركسيون بكلتا اليدين اضغط بقوة على الطارة خفيفة على

الدركسيون بحيث يعطيك شعور بالتملك والسيطرة على السيارة الى جانب تقوية

شعورك بالاحساس بالاطارات ورد فعلها تجاه السرعة وطبيعة الطريق

وعند الدخول لدوران او منحنى اجعل يدك ذات حركة رشيقة بحيث تتحرك بسلاسة

وقوة فى نفس الوقت والمقصود بالقوة ليس فى الحركة لكن فى الامساك

بالدركسيون بكلتا اليدين

- ولا تدخل ايدك الى داخل الدركسيون اثناء لف الطارة عشان ايدك ماتتحشرش

ويحصل مشكلة.

- ماتخليش الكرسى بتاعك بعيد عن الدركسيون بحيث انك تبقى ماسكه باطراف

اصابعك ولا لازق فيه بحيث يكون صدرك فى الطارة وظهر الكرسى اجهلع بقدر

الامكان مستقيم

- عن الحديث فى الموبيل يتوجب التوقف الى جانب الطريق مع تشغيل الانتظار

وطبعا بما اننا فى مصر والكلام ده مش حيحصل فياريت نستخدم الهاندفرى بتاعة

الموبيل على الاقل او الكاركيت

تسلم ايدك يا استاذ بدر

من ضمن الملاحظات الغريبة عند الشببا دلوقتي يرجع الكرسي لورا جدا كأنه هينام وفعلا بينامو في العربية وبيمسكوه بطرف صوابعهم وبيس يا مان وانت متمكن وايه يعني الواحد لازم يريح العظمتين بقى العظمة كبرت

اخر نقاش كان بيني وبين ابن خالي يابني طلع الكرسي لقدام شوية
يقلي بص
الموضوع ده معمول علشان الواحد يريح جسمه
يابني الموضوع معمول علشان الواحد يقعد مرتاح في السواقة مش يرتاح ينام
وتيجي تجري بالعربية تلاقي نفسك مرتاح من الدنيا خالص
يقول هو كده
خلاص انت حر اتفلق