مصر موتورز مجتمع السيارات - كل شئ عن الديفيل.

مصر موتورز مجتمع السيارات (https://www.masrmotors.com/vb/index.php)

- تعديلات رفع الاداء (https://www.masrmotors.com/vb/forumdisplay.php?f=126)

- - كل شئ عن الديفيل. (https://www.masrmotors.com/vb/showthread.php?t=26241)

رد: كل شئ عن الديفيل.

سلام عليكم
لو سمحت انا عندى فيات 126 وعايز اركبلها ديفيل مع العلم انى الشكمان بتاع مفهوش الشجره دى لان الموتور ورا فا يادوبك الهيدر طالع من الموتور نازل على الشكمان فى حاجه موجوده لعربيتى ولا اعمل واحد وياترى ايه مواصفاته

رد: كل شئ عن الديفيل.

اقتباس:

المشاركة الأصلية كتبت بواسطة hobz (المشاركة 250547)

أنا بصراحة ماليش تجارب مع ال126 خالص, بس الفيات دى عاملة زى الفيات ال500 اللى هى جدتها:) , ودى ماتورها ورا برضه, وبينزلها ديفل عادى بره, بس متهيألى صعب تلاقى حاجة زيه هنا.

http://www.mrfiat.com/images/500CSCsinglemuffler.jpg
http://www.mrfiat.com/images/500FLsportmuffler.jpg
http://www.mrfiat.com/images/500FLmuffler.jpg

فينفع طبعا تركب ديفل كعلبة فقط أو تركب النظام كامل, تركيب العلبة هيبقى بسيط ومفيهوش مشكلة, النظام الكامل هيبقى صعب, لأنك هتضطر تجيب مواسير أوسع, وتعمل الثنيات اللى فيها عند حداد أو خراط, وتلحم عليها فلنشات علشان الموتور, وتركب علبة الديفل على المواسير وموال:).

وعلى العموم لو هتكبر المواسير, علشان الصوت مش لازم تكبرها قوى, يعنى مثلا 1سم فى رأيى زيادة فى قطر الماسورة الداخلى كويس.

أنا أسف لو مقدرتش أفيدك, وربنا يكرمك بصنايعى نضيف أيديه تتلف فى حرير وجيبه مقفولROSE4U

رد: كل شئ عن الديفيل.

طب انا معايا 128 مسقط فيها موتور ريجاتا 1300. و عايز اركب علبة سبور ورا؛ السؤال هو امتي اقدر اقول ان العلبة دي كبيرة و هتعمل back presure

رد: كل شئ عن الديفيل.

اقتباس:

المشاركة الأصلية كتبت بواسطة Shmiser (المشاركة 280503)

طب انا معايا 128 مسقط فيها موتور ريجاتا 1300. و عايز اركب علبة سبور ورا؛ السؤال هو امتي اقدر اقول ان العلبة دي كبيرة و هتعمل back presure

بص ياباشا, أنت كلامك متناقض, لو العلبة كبيرة هتقلل ال back pressure وصوتها هيبقى غبى جدا نتيجة لأنها هتعمل صدى صوت جواها, ده غير أن لو حضرتك مقتنع بفكرة ال back pressure يبقى أنت كده بتضيع أداء العربية (حسب النظرية العجيبة دىايه ياترى).

لو صغيرة هتزود الضغط فى الشكمان وعلى الموتور وهتخنق العربية بغباء, وده صعب يتحقق لأن مافيش فى مصر علب صغيرة زى مافى علب كبيرة (صعب تقع فى علبة صغيرة).

اللى أنت عايزه علبة يكون المدخل بتاعها (الحتة اللى هتتلحم منها فى الشكمان) مش أصغر من قطر الشكمان علشان ماتعملش ضغط وبرده ماتكونش كبيرة بغباء.

والمخرج بتاعها برضه مايكونش ضيق, وده طبيعى فى أى ديفل طبعا, وماتعملش مقاومة للعادم من جواها.

والعلبة مايكونش حجمها كبير, الموتور 1300 حرام تروح تجيب علبة بفتحتين قد كده وتركبها عليه, الصوت هيبقى غبى جدا.

هات حاجة حجمها مناسب, يفضل تكون مباشرة straight ومتسترخصش علشان الصوت يعجبك ومتتعبش بعد كده, وأبعد عن المصرى والصينى الردئ.

رد: كل شئ عن الديفيل.

الله عليك يا انشكشن لما بتشتغل مصر موتورز بتولع