رد: جديد بريليانس (FRV CROSS)
 

:bb127bc6eab060e3e23

رد: جديد بريليانس (FRV CROSS)
 

السلام عليكم ....انا لسه جاى حالا من البافاريا ال فى طريق المطار وكنت رايح اتفرج على البريليانتس fsv لاكن لفت نظرى التحفه كروس تحفه بمعنى الكلمه وهى ال فى الصور السابقه المهم نازل منها نوعين الأول مانيوال ب79000 جنيه هاف أوبشن الزجاج الخلفى مانيوال النوع التانى اوتوماتيك زياده عن الأول ان الزجاج الخلفى كهربا ويوجد سينسور خلفى((حساسات) ويوجد مساحات زجاج خلفيه والسعر 89000جنيه تحفه تحفه تحفه ....الإثنين جنوط اسبور مقاس 16 ....وبالريموت ...كلام استاذ محمد ال قابلنى ان موتور الأتوماتيك تويوتا 104 حصان وموتور المانيوال بريليانس بتكنولوجيا ميتسوبيشى...واى خدمه

رد: جديد بريليانس (FRV CROSS)
 

الف شكر يا باشا بصراحة وفرت عليا المشوار انى اروح التوكيل اصل انا بصيت عليها الاسبوع اللى فات فى توكيل المصرية للسيارات اللى هنا فى طنطا وقالى دى 80000 مع انى كنت سأل على سعرها على النت قالولى 78000 فكنت عايز اتأكد من التوكيل .. المهم انت اية انطباعك على العربية اصل خايف انها متكونش منتشرة لانى مش بشوفها فى طنطا خالص ولا فى اسكندرية وبعدين متعرفش اية الالوان المتاحة حاليا فى التوكيل ؟؟؟ ويبقى جزاك الله خير

رد: جديد بريليانس (FRV CROSS)
 

الالوان المتاحة الاسود-الابيض-النبيتي-الفضي-الازرق

رد: جديد بريليانس (FRV CROSS)
 

العربيه مع صديق لى ..ركبتها معاه كتير . .. من الواضح ان هذه السياره ستغير مفهوم كلمة صينى ...اولا العربيه مستورده بالكامل والميزه التى بالعربيه ان توكيلها بافاريا ...ويتم انتاجها على خطوط ال BMW ويوجد بالقاهره مراكز صيانه لها فى القطاميه وابو رواش ...اما عن قطع الغيار فهى موجوده فى التوكيل وخارج التوكيل فى التوفيقيه وشارع دمشق بمصر الجديده..وفى اكثر من محل ...اسعار هى نفسها التى على موقع كونتاكت بزياده 1000جنيه فى كل موديل ....انا حجزت الأوتوماتيك فول اوبشن ب89000جنيه ودى اعلى فئه فى هذا الموديل ال يبدأمن 74000 ....79000 ... 84000.... 89000 الزياده حسب الأوبشن ....يوجد منها FSV((سيدان)) و FRV ((هاتشباك)) وفى نوع تالت اسمه FRVكروس يوجد منه فئتين الأول مانيوال ب79000جنيه والثانى اوتوماتيك ب 89000جنيه وعلى فكره الكروس بالنسبه للشباب تحفه....اليكم تحياتى وشكرا