مصر موتورز مجتمع السيارات - مانوال ام اتوماتيك ....ما تدفعش كتير وتركب مانوال .........ليييييييه؟؟؟

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

رد: مانوال ام اتوماتيك ....ما تدفعش كتير وتركب مانوال .........ليييييييه؟؟؟

اقتباس:

المشاركة الأصلية كتبت بواسطة magdy m.s (المشاركة 540869)

اعتقد ان الموضع دة نسبي يختلف من شخص لاخر ولولا اختلاف الاذواق لبارت السلع- ولكن من رايي الشخصي ان الاوتو مريح في الزحمة البسيطة لكن في الزحمة الخانقة (لدرجة 35كيلو في 2 الي 3ساعة ) فان الاوتو يمكن تشبيهه بانسان واقف علي رجل واحدة طوال هذة المدة لان الاستخدام لرجل واحدة وبصفة مستمرة لان اليمين اما علي البنزين او الفرامل لانه ينصح دائما في الاوتو عدم النقل كثيرا بين الd والn لانك كل 2 الي 3ثانية لابد ان تتحرك اما لو كان مانيوال فان الدبرياج يفصل الحركة وتستطيع استخدام فرامل اليد تخفيفا علي الرجل اليمني في الفرامل هذا بالاضافة ان الحركة البسيطة كل 2 الي 3 ثانية يمكن ان تتم باليسري فقط بالدبرياج خاصة في السيارات الحديثة واذا كنا ننظر لاستهلاك الديسك والاسطوانة فانه لا يساوي شئ امام استهلاك تيل الفرامل والطنابير والبنزين الزيادة وكذلك اعطال الاوتو الغالية جدا والقاتلة ايضا لانها تجعل السيارة لا تتحرك نهائيا وبدون حلول بديلة مؤقتة (افترض انك علي سفر في منطقة مقطوعة ) بل يصل الامر ان عطل البطارية (وليس الفيتيس ) او فراغ شحنها يؤدي في الاوتو الي توقف السيارة نهائيا-هذا بالاضافة ان اي عطل في الاوتو لابد من التوكيلات (المستغلين كلهم بدون استثناء) خلاف الزحمة والحجز الطويل والطوابير اما المانيوال يمكن في اغلب بل كل الاحوال الاصلاح بعيدا عنهم بل يمكن الاصلاح او علي الاقل التصرف المؤقت علي طريق سفر(علي فكرة ان استخدمت المانيوال والاوتو الاثنين مدد طويلة وحاليا اوتو ) - اسف علي الاطالة-وشكرا

يعنى انتة عاوز تقولى ان رجليك اليمين بتوجعك اكتر من الشمال بتاعت الدبرياج دة كلام مستحيل ان حد يصدقة مع كامل احترامى لحضرتك البنزين والفرامل حضرتك مجرد لمسة بسيطة عليم العربية بتتحرك ولمسة بسيطة حتقف دة فى الاوتوماتيك عكس دواسة الدبرياج الى على طول لازم تفضل طول الوقت دايس بطل عزم رجليك وتفضل تعلق رجليك عليها وترفع سنة وتدوس وترفع وتدوس طول ال 3 ساعات يبقى مين الو اقف على رجل واحد الاوتوماتيك ولا المانيوال وانا فى الاوتماتيك مش عاوز اصلا افصل الغيار ولا اى حاجة انا واحد مريح رجلى على الفرامل والعربية واقف اول لما الطريق يمشى ال 3 ثوانى دول مش محتاج اصلا ادوس بنزين حرفع رجلى على الفرامل العربية فى الاوتوماتيك بتمشى لوحدها وانتة بتقول ان انتة معاك دلوقتى اوتوماتيك يعنى عارف حاجة زى كدا فين التعب بقى هنا وفين التحميل الى على اعصاب رجليك وعلى ركبتك الشمال الى بتخليك بتنزل من العربية مش عارف تقف على رجليك من الوجع وبعدين النقطة التانية بقى نقطة الاعطال العطل عطل فى اى عربية يعنى هية البطارية لما تتفرغ الشنة بتاعتها فى المانوال العريبة حتمشى يعنى ولا اية مش فاهم انا ماهوة العربية لو كانت اوتوماتيك ولا مانوال لو البطارية بتاعتها فضيت الشحنة بتعتها ما العربيتين حيعطلوا ويقفوا مكانهم ولا اى واحد منهم حتعرف تحركها يبقى نفعنى انا هنا بقى المانوال فى اى يعنى ماهوة عطلان زية زى الاوتوماتيك وبعدين حتضرتك بتقول ان انا بتكلم على استهلاك الديسك والاسطوانة ميجيش حاجة فى استهلاك تيل الفرامل والطنابير اولا سعر الديسك والاسطوانة مش ااقل من 1800 جنية تيل الفرامل الامامى ب 120 جنية والخلفى ب 300 جنية وكدا كتير جداااا كمان عليهم طنابير اية بقى الى بتستهلك هية العربية المانوال مفهاش تيل فرامل بيستهلك ومفهاش طنابير وبعدين يا استاذى الطنابير دى لا تستهلك فى الاوتوماتيك ولا المانوال دى بتبوظ لما العربية تتخبط وتعمل حادثة وتتعوج اية علاقتها بقى فى الاستهلاك وبنزين اية الى استهلاكة اغلى من الديسك والاسطوانة ومين قال بقى لحضرتك ان الاوتوماتيك مفيش حد بيعرف يصلحة دة كلام غريب جدا اول مرة اسمعة لائن مفيش حد راكب عربية اوتوماتيك حيروح يصلحها عن الاسطى بلية تحت الكوبرى حيروح بيها لحد بيفهم شئنة شئن اى ميكانيكى فى اصلاح العربيات المانوال بس كل واحد فى التخصص بتاعة ومش محتاجى نهائى اروح للتوكيل واخلية يستغلنى وبعدين التوكيل لو فرض ان انا روحتلة حيستغلنى فى اية وانا فى الضمان ماهوة لو اى حاجة حصلت فى العربية هوة الى يتحملها انا مالى اصلا انا معايا ضمان 3 سنوات او 100000 كيلو ياريت حضرتك متزعلش منى بس كلامك فى تحامل فظيع على الاوتوماتيك وانا واحد من الناس مكنتش بحب الاوتوماتيك وعربياتى الى جبتها كلها كانت مانوال لاكن انا بتكلم على الزحام الرهيب والتعب والعناء الى الواحد بيشوفة كل يوم فى الطريق وعشان كدا بدور على الراحة وحبيت بس اصلح لحضرتك بعض المعلومات الى حضرتك قولتها وتقبلوا مرورى والف شكر ليكم

رد: مانوال ام اتوماتيك ....ما تدفعش كتير وتركب مانوال .........ليييييييه؟؟؟

اقتباس:

المشاركة الأصلية كتبت بواسطة sycho (المشاركة 541689)

يا باشا انت ايه اللي مزعلك كده
وبعدين تحامل ايه

الراجل بيقول رايه ليس الا
ولولا اختلاف الازواق لبارت السلع

بعدين حضرتك بتقول سعر الديسك والاسطوانة مش ااقل من 1800 جنية....!!! اعتقد الكلام ده مش صحيح

وعلي راي سحس او ابو علاء.... انت حتفر كل حاجه في كلامه.......يا راجل كبر مخك :w6w2005041113562663:fun_ 36_3_9[1]:

رد: مانوال ام اتوماتيك ....ما تدفعش كتير وتركب مانوال .........ليييييييه؟؟؟

اقتباس:

المشاركة الأصلية كتبت بواسطة sycho (المشاركة 541689)

أولا ومع كامل احترامي لرأيك-واضح انك لم تاخذ بالك من اول كلامي وهو:(اعتقد ان الموضع دة نسبي يختلف من شخص لاخر ولولا اختلاف الاذواق لبارت السلع- ولكن من رايي الشخصي ان)-يعني واضح اني بقول راي شخصي وبكدة الموضوع مكنش يستاهل تاخد الموضوع شخصي وتتهكم علية مثال ذلك (يعني انتة عاوز تقولي-دة كلام مستحيل حد يصدقه-العربية حتمشي يعني ولا ايه مش فاهم-بنزين ايه الي استهلاكه اغلي-مين قال بقي لحضرتك ان الاوتو مفيش حد بيصلحه-حضرتك متزعلش مني بس كلامك..........) واحب اوضح لحضرتك الاتي محاولا الاختصار عشان مخشش في جدال: انا ذكرت رأي شخصي-انا لم اذكر معلومات عشان حضرتك تصلحها لية انا ذكرت رأيي انا في تجاربي انا- أنا لم اذكر ان فية علاقة بين الطنابير واستهلاك البنزين انا قلت ان استهلاك البنزين في الاوتو اعلي وهذا يعلمه اي حد يعني مش معلومة وبعدين الطنابير بتستهلك امال التيل بيحك في ايه وهذا يعلمه اي حد وبعدين انا لم اقول ان دة لا يحدث في المانيوال انا قلت انه في الاوتو بمعدل اعلي- انا لم اقل ان الاوتو مفيش حد بيصلحه انا قلت لما بتتزنق علي طريق او في اي ظروف طارئة لن تستطيع ان تذهب للاسطي بلية للعلاج المؤقت لكن في المانيوال تستطيع وكمان المانيوال تقدر تجرها علي الاقل لمكان آمن لكن الاوتو هتقف مكانك حتي في وسط نفق الازهر (هتقلي اشمعني نفق الازهر هقلك حدثت وخبطت فيه 3سيارات وتعطل النفق وكنا خارج النفق واخذنا طريق الازهر) - طنابير سيارتي انا ب500جنية امامي و ب 900 جنية خلفي (مش قلتلك الموضوع نسبي)-انا لم اوجه لحضرتك اي كلام عشان تذكر (بتقول ان انا بتكلم) ولم اقتبس تعليقك انا ذكرت رايي (هو المنتدي مش معمول عشان نقول رأينا ولا عشان الي يخالفنا نتهكم عليه وكمان نقوله كلام لم يقله وبعدين نصلحه له ) - انا عن نفسي لما بسوق المانيوال 7 ساعات (بروح مطروح والصعيد ) أو حتي 3ساعات علي المحور وميدان لبنان رجلي الشمال لا تؤلمني خالص مش يمكن انا اشول وفي الاشارات الطويلة بسوق بالدبرياج فقط سياراتي المانيوال الانجكشن كانت كدة (الكربراتير لا) ولكن في الاوتو رجلي اليمين يا اما تؤلمني يا اما ب تنمل يا اخي انت زعلان ليه (حضرتك قلت يعني انتة عاوز تقولي......) - انا اشتريت الاوتو عشان زوجتي وابنتي وابني يعرفوا يسوقوها بسهولة - واضح انك لم تتعرض لعطل بطارية سواء في الاوتو او المانيوال لان المانيوال بتدور زق وممكن تاخد وصلة من اي حد لكن الاوتو لا ولو اخت وصلة في الاوتو سوف تدور السيارة وبمجرد تشيل رجلك من علي البنزين تطفي مهما اخذت من وقت للشحن لان الاوتو يااما البطارية سليمة يا اما لا مفيش وسط (متقوليش معلومة واصححها هذا ما حدث معي واكده الكهربائي) - الدوس علي الدبرياج بكل عزم حضرتك قصدك بكل قوة علي فكرة الدوس بقوة لا يتعبني لاني في النهاية مش سايق سيارة جيش ولكن المتعب (ليا انا ) هوة الدوس بحساسية علي البنزين او الخروج بحساسية من علي فرامل الاوتو لان هذه الحساسية تحتاج (مني انا ) تجميع اعصاب الحساسية في المانيوال مطلوبة فقط ( مني انا ) عند النقطة الحساسة اي نقطة الفصل والتعشيق ( متقوليش الخروج بحساسية من فرامل الاوتو ازاي لاني لا اشيل من الفرامل مرة واحدة في الزحمة لاني لو عملت كدة سيارتي انا هتخبط في الي قدامي )- واضح ان حضرتك لم تذهب لاي توكيل بعطل اثناء الضمان وقال لك مفيش عيب او قال نعم يوجد عيب وانتظر قطعة الغيار مش متوفرة الي ان ينتهي الضمان ولو بعت واحد صاحبك في نفس اليوم يشتريها سوف يجدها (واضح انك مش من مصر)-بالنسبة لية انا استخدام رجلين 3ساعات افضل من رجل واحدة ساعة واحدة بين بنزين وفرامل وبعدين استخدام الرجلين لا يكون مع بعض يعني واحدة بتشتغل والاخري مرتاحة لكن في الاوتو رجل واحدة مرة هنا ومرة هناك- حضرتك بتخاطبني اني مزعلش منك بس كلامي فيه تحامل فظيع علي الاوتو وانا لو سلمت بهذا الاتهام الفظيع!!! فعلي الاقل انا متحامل علي الاوتو لكن انت مكنتش بتحبه فشوف بقة ايه الاشد التحامل ام عدم الحب دة علي افتراض ان الاوتو من الحكومة ولا حاجة ( سيد بة اوتو وحرمه ههههههههه ) يلة به اضحك - علي فكرة انا مش زعلان ياريت انت كمان

رد: مانوال ام اتوماتيك ....ما تدفعش كتير وتركب مانوال .........ليييييييه؟؟؟

وحدوا الله يا رجاله عادي

كل واح له زوقه

رد: مانوال ام اتوماتيك ....ما تدفعش كتير وتركب مانوال .........ليييييييه؟؟؟

يا استاذ psycho
الموضوع مش مستاهل كل ده
كل واحد بيقول رايه وخلاص

الفكره بس يا باشا ان انت اللي علقت علي كلامه بصفه شخصيه شويه
والراجل رد عليك وخلاص عادي

عموما الموضوع اتشرف بوجودكم انتوا الاتنين
ونحترم اراءكم
ومش عايزين مواضيعنا النقاشيه تقلب خناق وخلاص
علشان الناس تستفيد

ومتنسحبش ولا حاجه يا جميل
تشرفنا بمرورك
:01FDAB~189:
تحياتي