مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   جيلى اميجراند - مابلEmgrand Geely (https://www.masrmotors.com/vb/forumdisplay.php?f=128)
-   -   الانطباع الاول عن امجراند EC7 (https://www.masrmotors.com/vb/showthread.php?t=101002)

Sky_Rider 29-10-2012 12:24 PM

رد: الانطباع الاول عن امجراند EC7
 
اقتباس:

المشاركة الأصلية كتبت بواسطة MmFFoR (المشاركة 786871)
السؤال ليه لما ابوالفتوح جمع الشيري 516 في مصر سعرها ب 62 - 68 الف فل اوبشن شملة التكييف التاتش!! و لما نزل موديل احدث كان ب 70 الف الام 11

و لما ابوغالي نزل الموديل الانجلون (هو هو نفس الموديل دا ) نزلها ب 75 الف و لما غليت باقت 80 الف مستوردة بالكامل للي يعرف يعني جمرك 40% و ضريبة 15%

و لما غبور نزل نفس الموديل الشكل الاحدث لا اكثر صناعة مصري (يعني المفروض الجمرك 10 - 15% على السيارة و ضريبة 10% يعني بتخفيض 30% من ثمن السيارة نفاجأ بان ثمنها تقريبا هو نفسه تمنها مستوردة بالكامل!!!! ب 76 الف!!!


حد عندوا تعليق؟؟

و على فكرة برغم ان مبيعات غبور ممتازة الا ان خدمة ما بعد البيع مهينة زي ما نذكر حملة تغور من وش غبور و مشاكلة العديدة مع حماية المستهلك و عملائه الذين يصادفوا بوجود عيوب تصنيع يرفض بعدها التوكيل الاستبدال او التراضي مع العميل بكل صلف و عناد يؤدي الى ارهاق عملائه و ضررهم الشديد

بمراجعة أسعار السيارات المذكورة في الصين .. هتلاقي ان اقل فرق سعر موجود بين الصين و مصر هو للامجراند ... وشوف ابو الفتوح و ابو غالي شايل كماليات قد ايه و برضو بيبعها غالية .. و متنساش حضرتك ان الاسبرانزا 516 ديه بقالها فترة .. واحنا هنا في مصر العربيات بتغلى بشكل جنوني بسبب سعر الصرف.. والعرض و الطلب ... شوف اسعار العربيات من سنتين لنفس الموديلات و اسعارها النهاردة .. كله غلي ... ياريس شوف السيراتو اول ما نزلت 2009 كانت بكام و دلوقتي بقت بكام ... و غيره كثير ..

و بعدين انت اول واحد اشوفه بيقول ان خدمة ما بعد البيع لغبور بالسوء ده ... متنساش ان ده واحد واخد ثلث سوق السيارات المصرية ... اكيد في ناس مش هتبقى مبسوطة لسبب او لاخر ... واكيد في ناس اكثر هتلاقيها مبسوطة .... مع عدد السيارات المباعة بالكمية ديه ... وارد جدا الشكوى و المشاكل مع نسبة معينة من العملاء .. و ده متوقف على نوع المشكلة و ملابستها .. و العربية نفسها .. و بعدين انا مش عايز حاجة من غبور غير اول ثلاث سنوات ... بالرغم ان الضمان 5 سنين .. والله لو ماشيين معنا تمام يبقى خير ... محصلش ... هعيش حياتي برة الوكيل.. و كله بيمشي ... هو يعني كل اللي عندهم فرنا بيروحو الوكيل ....

hamaka 29-10-2012 04:22 PM

رد: الانطباع الاول عن امجراند EC7
 
أنا العربية لما شوفتها فى توكيل المهندسين عجبتنى جداً بصراحة ، بس قلقنى فيها حاجتين يهمونى جداً: أولاً العفشة بتاعتها ، هما قالولى انها ماكفيرسون و را و قدام و دا شئ كويس بس لازم نشوف الأول لما تنزل ، ثانياً السحب بتاعها خصوصاً انها كبيرة فعلاً جوة و برة و الشنطة بحر على موتور 1500 و بالذات و التكييف شغال ، و الغريب انى لما قولتلهم على المخاوف دى و سألتهم هل هيبقى فى تست درايف على أساس انها عربية جديدة و لسة الناس قلقانة ، قالولى لا مفيش و مش هيكون فى لأن الادارة رافضة الحكاية دى و قالو انهم هيوصلوا الكلام للادارة بخصوص طلب العملاء ان يكون فى تست درايف لتجربة العفشة على الأقل و التأكد انها تناسب شوارعنا ، بس عموماً العربية بشكل عام كويسة جداً بالنسبة لسعرها بس مش ناقصنى عشان أتوكل على الله و اخد القرار غير انى اركبها و أشوف العفشة و السحب او أى حد من الرجالة اللى ربنا كرمهم و حجزوا يفيدونا لما يستلموا و ربنا يكرمهم و يكرمنا باذن الله

osa92003 29-10-2012 04:48 PM

رد: الانطباع الاول عن امجراند EC7
 
اقتباس:

المشاركة الأصلية كتبت بواسطة MmFFoR (المشاركة 786871)
السؤال ليه لما ابوالفتوح جمع الشيري 516 في مصر سعرها ب 62 - 68 الف فل اوبشن شملة التكييف التاتش!! و لما نزل موديل احدث كان ب 70 الف الام 11

و لما ابوغالي نزل الموديل الانجلون (هو هو نفس الموديل دا ) نزلها ب 75 الف و لما غليت باقت 80 الف مستوردة بالكامل للي يعرف يعني جمرك 40% و ضريبة 15%

و لما غبور نزل نفس الموديل الشكل الاحدث لا اكثر صناعة مصري (يعني المفروض الجمرك 10 - 15% على السيارة و ضريبة 10% يعني بتخفيض 30% من ثمن السيارة نفاجأ بان ثمنها تقريبا هو نفسه تمنها مستوردة بالكامل!!!! ب 76 الف!!!


حد عندوا تعليق؟؟

و على فكرة برغم ان مبيعات غبور ممتازة الا ان خدمة ما بعد البيع مهينة زي ما نذكر حملة تغور من وش غبور و مشاكلة العديدة مع حماية المستهلك و عملائه الذين يصادفوا بوجود عيوب تصنيع يرفض بعدها التوكيل الاستبدال او التراضي مع العميل بكل صلف و عناد يؤدي الى ارهاق عملائه و ضررهم الشديد

الله ينور عليك :THUMBS~220::THUMBS~220:: THUMBS~220::THUMBS~220:

Sky_Rider 29-10-2012 05:41 PM

رد: الانطباع الاول عن امجراند EC7
 
اقتباس:

المشاركة الأصلية كتبت بواسطة hamaka (المشاركة 787023)
أنا العربية لما شوفتها فى توكيل المهندسين عجبتنى جداً بصراحة ، بس قلقنى فيها حاجتين يهمونى جداً: أولاً العفشة بتاعتها ، هما قالولى انها ماكفيرسون و را و قدام و دا شئ كويس بس لازم نشوف الأول لما تنزل ، ثانياً السحب بتاعها خصوصاً انها كبيرة فعلاً جوة و برة و الشنطة بحر على موتور 1500 و بالذات و التكييف شغال ، و الغريب انى لما قولتلهم على المخاوف دى و سألتهم هل هيبقى فى تست درايف على أساس انها عربية جديدة و لسة الناس قلقانة ، قالولى لا مفيش و مش هيكون فى لأن الادارة رافضة الحكاية دى و قالو انهم هيوصلوا الكلام للادارة بخصوص طلب العملاء ان يكون فى تست درايف لتجربة العفشة على الأقل و التأكد انها تناسب شوارعنا ، بس عموماً العربية بشكل عام كويسة جداً بالنسبة لسعرها بس مش ناقصنى عشان أتوكل على الله و اخد القرار غير انى اركبها و أشوف العفشة و السحب او أى حد من الرجالة اللى ربنا كرمهم و حجزوا يفيدونا لما يستلموا و ربنا يكرمهم و يكرمنا باذن الله

عزيزي hamaka
العفشة بتاعتها قدام ماكفرسون .. وورا ذراع عزم (Trailing arm) زي الصني- و اللوجان- و البي واي دي - و ال VW Jetta و .. مفيش مكفرسون ورا ..
http://hondanews.com/media_storage/JPG/09fit_ch_3.jpg
وده نظام فعال جدا في مصرفي لانك بسهولة بتقدر تعلي و توطي العربية على حسب ظروفك ... وبيديك ثبات في السرعات ...

بالنسبة للسحب .. في عوامل كثيرة جدا مؤثرة ..
تكنولوجيا المحرك ... و مواصفاته الفنية
وزن السيارة - عرض الاطارات
الانسيابية الهوائية للسيارة ( على السرعات العالية )
الموتور VVT 1500 .. بالامجراند معدل تسارعه في الظروف العادية ( من 0-100) حوالي 13.5 ثانية ...

و ده معدل جيد بالنسبة لسيارة سيدان عائلية بالحجم ده و كفائة استهلاك بنزين 6.5 لتر لكل 100 كلم ...
السعة اللترية مباقتش هيا العامل الوحيد زي زمان ...
والدليل ن ال VW Passat 2012 ...
1400 CC و سحبها جبااااااااااااااااااااااا ااااااار
:shyy::shyy:

ShekeeS 29-10-2012 06:33 PM

رد: الانطباع الاول عن امجراند EC7
 
الكلام بقى كتير عن الامجراند و السؤال عليها بقى كتير
ودة مؤشر للنجاح :fun_7_5_128[1]:


الساعة الآن 11:28 PM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017